Doston ijrochiligi san’atini rivojlantirishda oliy ta’lim va baxshichilik san’atiga ixtisoslashtirilgan maktablar integratsiyasi

O‘ZBEKISTON RESPUBLIKASI OLIY TA’LIM, FAN VA INNOVATSIYALAR VAZIRLIGI

O‘ZBEKISTON RESPUBLIKASI MADANIYAT VAZIRLIGI

MADANIYATSHUNOSLIK VA NOMODDIY MADANIY MEROS ILMIY-TADQIQOT INSTITUTI

YUNUS RAJABIY NOMIDAGI O‘ZBEK MILLIY MUSIQA SAN’ATI INSTITUTI

RESPUBLIKA BAXSHICHILIK SAN’ATI MARKAZI

BAXSHICHILIK SAN’ATIGA IXTISOSLASHTIRILGAN RESPUBLIKA MAKTAB-INTERNATI

“DOSTON IJROCHILIGI SAN’ATINI RIVOJLANTIRISHDA OLIY TA’LIM VA BAXSHICHILIK SAN’ATIGA IXTISOSLASHTIRILGAN MAKTABLAR INTEGRATSIYASI” MAVZUSIDAGI RESPUBLIKA ILMIY-AMALIY KONFERENSIYASI

AXBOROT XATI

Mamlakatimizda amalga oshirilayotgan “O‘zbekiston – 2030” strategiyasida ilm-fan, adabiyot, madaniyat, sanʼat, qolaversa, maqom va baxshichilik sohalarini yuksaltirish ijtimoiy sohani rivojlantirishning asosiy yoʻnalishi sifatida belgilangan. Bugungi kunda yoshlarning madaniy saviyasini oshirish, ularni milliy va umumbashariy madaniyatning eng yaxshi namunalaridan bahramand etish, shu asosda maʼnaviy yetuk, barkamol shaxslarni tarbiyalash, yosh isteʼdod egalarining qobiliyati va salohiyatini roʻyobga chiqarish, ustoz-shogird an’anasini davom ettirish masalalari davlatimizning ustuvor vazifalariga aylanib bormoqda.

O‘zbekiston Respublikasi Prezidentining 2017-yil 31-maydagi “Madaniyat va san’at sohasini yanada rivojlantirish va takomillashtirishga doir chora-tadbirlar to‘g‘risida”gi qarori, 2018-yil 28-noyabrdagi “O‘zbekiston Respublikasida milliy madaniyatni yanada rivojlantirish Konsepsiyasini tasdiqlash to‘g‘risida”gi qarori, O‘zbekiston Respublikasi Prezidentining 2018-yil 26-apreldagi “Baxshichilik va dostonchilik san’atini yanada rivojlantirish hamda takomillashtirish chora-tadbirlari to‘g‘risida”gi VMQ-304-son qarori, 2019-yil 14-maydagi “Baxshichilik san’atini yanada rivojlantirish chora-tadbirlari to‘g‘risida”gi PQ-4320-son qarori, 2020-yil 29-oktabrdagi “Ilm-fanni 2030-yilgacha rivojlantirish konsepsiyasini tasdiqlash to‘g‘risida”gi PF-6097-son farmoni, 2023-yil 25-dekabrdagi “Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida”gi PQ-405-son qarorlari, O‘zbekiston Respublikasi Oliy ta’lim, fan va innovatsiyalar vazirining 2023-yil 5-iyundagi 253-son buyrug‘i hamda “Ilmiy-tadqiqot ishlariga davlat buyurtmasi asosida ilmiy loyihani bajarish to‘g‘risida”gi 2023-yil 12-iyunda taraflar o‘rtasida tuzilgan IL-662204254-son Shartnomaga muvofiq “Innovatsion texnologiyalar asosida baxshichilik maktablari uchun yangi avlod o‘quv adabiyotlarini yaratish” mavzusidagi amaliy loyihaning tasdiqlangan ish rejasida belgilangan vazifalar ijrosini ta’minlash hamda Oliy ta’lim, fan va innovatsiyalar vazirining 2024-yil 18-yanvardagi “2024-yilga mo‘ljallangan xalqaro va respublika miqyosida o‘tkaziladigan ilmiy va ilmiy-texnik tadbirlar ro‘yxatini tasdiqlash to‘g‘risida”gi 16-son buyrug‘i va ushbu buyruq bilan tasdiqlangan 2024-yilda respublika miqyosida o‘tkaziladigan ilmiy va ilmiy texnik tadbirlar rejasi 65/48 bandiga muvofiq, O‘zbekiston Respublikasi Madaniyat vazirligi, O‘zbekiston Respublikasi Oliy ta’lim, fan va innovatsiyalar vazirligi, Madaniyatshunoslik va nomoddiy madaniy meros ilmiy-tadqiqot instituti, Respublika baxshichilik san’ati markazi, Baxshichilik san’atiga ixtisoslashtirilgan Respublika maktab-internati, Yunus Rajabiy nomidagi O‘zbek milliy musiqa san’ati instituti hamkorlikda joriy yilning 10-may kuni “Doston ijrochiligi san’atini rivojlantirishda oliy ta’lim va baxshichilik san’atiga ixtisoslashtirilgan maktablar integratsiyasi” mavzusidagi Respublika ilmiy-amaliy konferensiyasini o‘tkazish rejalashtirilgan.

Ushbu ilmiy-amaliy konferensiya doirasida baxshichilik va dostonchilik san’atini yanada rivojlantirish, ustoz-shogird an’analarini takomilashtirish, baxshichilik san’atini asrab-avaylash, dostonchilik maktablari uchun yangi o‘quv-uslubiy adabiyotlar yaratish, doston ijrochiligi san’atini rivojlantirishda oliy ta’lim va baxshichilik san’atiga ixtisoslashtirilgan maktablar integratsiyasini yo‘lga qo‘yish, ta’lim tizimida malakali baxshilarni tayyorlash masalalari muhokama etiladi.

Mazkur respublika ilmiy-amaliy anjumanida qo‘yidagi sho‘balar bo‘yicha maqolalar qabul qilinadi:

• Nomoddiy madaniy meros va epik ijro san’ati;

• Uzluksiz ta’lim tizimida baxshichilik san’ati integratsiyasi.

Konferensiya materiallari to‘plam shaklida chop etiladi. Ilmiy-amaliy konferensiyada o‘zbek, rus va ingliz tillarida ma’ruza tayyorlanishi mumkin.

Konferensiyada soha mutaxasisslari, oliy ta’lim va ilmiy-tadqiqot muassasalarining ilmiy faoliyat bilan shug‘ullanuvchi o‘qituvchilari, yosh olimlar, izlanuvchilar, magistrlar va iqtidorli talabalar anjuman yo‘nalishiga mos mavzular bo‘yicha ishtirok etishlari mumkin.

MAQOLALARNI RASMIYLASHTIRISH UCHUN TALABLAR:

Yuborilgan materiallar Word matn muharririda, Times New Roman shrifti, 14 kegel kattalikda bo‘lishi kerak. Satrlar oralig‘i bir interval. Chegara o‘lchovlari: yuqori va quyi – 2 sm, chap tomon - 3 sm, o‘ng tomon - 1,5 sm. Matn boshlanishida 1 sm abzas tashlanadi, 1,15 satr kengligi bo‘yicha formatlanadi. Maqolalar elektron nusxada qabul qilinadi.

Maqola yozish tartibi: mavzuning nomi katta harflar bilan qoraytirib, sahifaning o‘rtasiga joylashtiriladi. Ma’ruzachining familiyasi, ismi va otasining ismi, ish joyi, lavozimi o‘ng tomonga beriladi, xat boshiga 1,25 sm qoldiriladi.

Maqolaning uchinchi xatboshi: o‘ng tomondan – tashkilotning to‘liq nomi. To‘rtinchi xatboshi: o‘ng tomondan – muallifning elektron manzili. Beshinchi xatboshi: uzunlik bo‘yicha uch tilda – maqola annotatsiyasi. Oltinchi xatboshi: uzunlik bo‘yicha – kalit so‘zlar beriladi.

Maqola betlarining raqamlari qo‘yilmaydi. Havolalar matn ichida namuna bo‘yicha qavslarda beriladi: [1,21]. Ma’ruza matnidan so‘ng “Foydalanilgan adabiyotlar ro‘yxati”da o‘rnatilgan tartibda keltiriladi. Yuborilgan maqolalar 5 betdan kam bo‘lmasligi kerak.

Tashkiliy qo‘mita maqolalarni chop etish uchun tanlab olish huquqini o‘z zimmasida qoldiradi. Materiallar qaytarib berilmaydi. Talablarga mos ravishda yozilmagan, tahrir qilinmagan maqolalar nashrga olinmaydi. Maqolalarda keltirilgan ma’lumotlar, iqtiboslarning to‘g‘riligiga mualliflar mas’uldirlar.

Konferensiya ishida ishtirok etish uchun maqolalar 2024-yil 1-mayga qadar tashkiliy qo‘mitaning E-mail:assunnatillayev92@bk.ru elektron pochtasiga yoki @AsatillaSunnatillayev Telegram manziliga taqdim etilishi lozim. (Maqolalar muallif F.I.Sh bilan saqlangan holda “Konferensiya uchun” deb ko‘rsatilishi shart). Qo‘shimcha ma’lumotni quyidagi manzildan olishingiz mumkin:

Toshkent shahri, Mirzo Ulug‘bek tumani, Mustaqillik shoh ko‘chasi, 31 uy, Yunus Rajabiy nomidagi O‘zbek milliy musiqa san’ati instituti. Mobil aloqa uchun: (99) 878-27-29.


Anjuman statusi	Respublika
Mas'ul tashkilot	Yunus Rajabiy nomidagi O'zbek milliy musiqa san'ati instituti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Mirzo Ulug‘bek tumani
Manzil	Toshkent shahri, Mirzo Ulug‘bek tumani, Mustaqillik shoh ko‘chasi, 31 uy
Aloqa	998998998782

Axborot xati

Maqsad va vazifalari

Muhokama qilinadigan masalalar