Respublika ixtisoslashtirilgan ona va bola salomatligi ilmiy-amaliy tibbiyot markazi tashkil etilganligining 50 yilligiga bag’ishlangan “Akusherlik va ginekologiyaning dolzarb muammolari” xalqaro ilmiy-amaliy konferensiya

AXBOROT XATI

17-19 oktyabr kunlari O'zbekiston Respublikasining Toshkent shahrida bo'lib o'tadigan Respublika ixtisoslashtirilgan Ona va bola salomatligi ilmiy-amaliy tibbiyot markazi tashkil etilganligining 50 yilligiga bag'ishlangan "Akusherlik va ginekologiyaning dolzarb muammolari" xalqaro ilmiy-amaliy anjuman

Hurmatli hamkasblar!

Biz Sizlarni 17-19 oktyabr kunlari O'zbekiston Respublikasining Toshkent shahrida bo'lib o'tadigan Respublika ixtisoslashtirilgan ona va bola salomatligi ilmiy-amaliy tibbiyot markazi tashkil etilganligining 50 yilligiga bag'ishlangan "Akusherlik va ginekologiyaning dolzarb muammolari" xalqaro ilmiy-amaliy anjumanida ishtirok etishga taklif etamiz.

Bu yilgi anjuman Respublika ixtisoslashtirilgan ona va bola salomatligi ilmiy- amaliy tibbiyot markazining 50 yilligiga bag‘ishlanadi.

Konferensiya tashkilotchilari:

- O'zbekiston Respublikasi Sog'liqni saqlash vazirligi

- Respublika ixtisoslashtirilgan ona va bola salomatligi ilmiy-amaliy tibbiyot markazi DM

- O‘zbekiston Respublikasi akusher-ginekologlar uyushmasi

- Tibbiyot xodimlarining kasbiy malakasini oshirish markazi

- Samarqand Davlat tibbiyot instituti

Tadbir sanasi: 2024 yil 17-19 oktyabr

Joy: Trilliant biznes markazi, Toshkent shahari

Konferensiyaning rasmiy sayti: https://onavabolakongress.uz/ Konferensiyaning Telegram kanali: https://t.me/conferenceobgynuzb Muloqot uchun elektron pochta: onavabolakongress@gmail.com

Konferensiya dasturining asosiy ilmiy yo'nalishlari:

1. Pregravidar tayyorgarlik: dolzarbligi va mutaxassislar tomonidan nimalar hal qilinishi kerak.

2. Somatik kasalliklar va homiladorlikning zamonaviy qiyofasi: homiladorlikni uzaytirishga ehtiyoj bormi yoki yo'q?

3. Klinik akusherlikdagi dolzarb masalalar ilmiy dalillar prizmasi orqali qaraganda

4. Akusherlikdagi kritik holatlar va anesteziologik qo'llanma: fanlararo muloqotning ahamiyati.

5. Prenatal skrining va fetal tibbiyot: zamonaviy imkoniyatlar va umidlar.

6. Onkoginekologik kasalliklar: fanlararo hamkorlik masalalari.

7. Zamonaviy neonatologiya: yutuqlar, muammolar va yechimlar.

8. Endokrin ginekologiya va reproduktologiyaning zamonaviy tendentsiyalari.

9. Reproduktiv tizim kasalliklarini diagnostika qilish va jarrohlik yo’li bilan davolashga doir innovatsiyalar.

10. Yordamchi reproduktiv texnologiyalarning zamonaviy strategiyalari va tendensiyalari: O'zbekistonda va dunyodagi vaziyat.

11. Sog'liqni saqlash sohasida tibbiy xizmatni boshqarish va sifat muammolari.

Ishtirok etish uchun quyidagilar taklif etiladi:

-Akusher-ginekologlar

-Neonatologlar

-Reproduktologlar

-Androloglar

-Onkoginekologlar

-Anesteziolog-reanimatologlar

-Laboratoriya va instrumental diagnostika shifokorlari

-Endokrinologlar

-Akusherlik bilan bog'liq boshqa mutaxassislar.

Anjumanga akusherlik, ginekologiya, perinatologiya, reproduktologiya, molekulyar genetik diagnostika va boshqa sohalar bo‘yicha yetakchi xorijiy va mahalliy mutaxassislarni jalb etish rejalashtirilgan.

Konferensiyaning rasmiy tillari: o’zbek, rus va ingliz tillaridir.

Konferensiyada ishtirok etish shakllari:

- og‘zaki ma’ruza

- ilmiy maqola chop etish

- tinglovchi

Diqqat!!!

Konferensiyada ishtirok etish uchun https://onavabolakongress.uz/ saytida ro‘yxatdan o‘tish lozim.

Ilmiy-amaliy konferensiya materiallari “Toshkent tibbiyot akademiyasi axborotnomasi” jurnalinig ilmiy nashrining maxsus sonida chop qilinadi.

Belgilangan talablarga muvofiq tayyorlangan maqolalarni tashkiliy qo‘mitaning saytda ko‘rsatilgan elektron manziliga yuborish zarur. Maqolalarni topshirishning so‘nggi muddati 15-iyul 2024-yil. Qo‘yilgan talablarga javob bermagan materiallar tahririyat kengashi tomonidan qabul qilinmaydi.

Diqqat!!! Sizdan og‘zaki ma'ruzaga ariza berish qoidalarini qunt bilan o‘rganib chiqishingizni so‘raymiz:

1. Bir ma'ruzachidan ma'ruza uchun faqat bitta ariza qabul qilinadi. Agar bir ma'ruzachidan ma'ruza uchun bir necha ariza berilsa, tashkiliy qo‘mita arizachi ma'ruzasini tanlash masalasini bir tomonlama hal qilish huquqiga ega.

2. Ma'ruza arizasida konferensiya yo‘nalishini albatta ko‘rsating.

3. Og‘zaki ma'ruzaga ariza to‘ldirishda taqdimotning qisqacha mazmunini (abstrakt) keltirish zarur. Agar bir nechta ma'ruzachilar bir xil mavzu va o'xshash mazmundagi ma'ruzalarni qabul qilsalar, tashkiliy qo'mita bir xil turdagi taqdimotlarni dasturdan chiqarib tashlash huquqini o'zida saqlab qoladi.

Ma'ruza uchun ariza berishning so‘nggi muddati: 15.07.2024 Tadbir sanasi: 17-19 oktyabr 2024-yil

Tashkiliy qo‘mita manzili: 100124, O‘zbekiston Respublikasi, Toshkent sh.,

Mirzo Ulug‘bek ko‘chasi 132A. Faks: (371) 263-84-83

Aloqa telefoni: (371) 263-78-30; (371) 263-47-50.

Konferensiyaning rasmiy Telegram kanali: t.me/conferenceobgynuzb


Anjuman statusi	Xalqaro
Mas'ul tashkilot	Respublika ixtisoslashtirilgan ona va bola salomatligi ilmiy-amaliy tibbiyot markazi (RIOvaBSIATM)
Yo'nalishi	Tibbiyot, farmakologiya va sport
Anjuman shakli	Anjuman
Viloyat	Toshkent shahri
Shahar(Tuman)	Mirzo Ulug‘bek tumani
Manzil	Trilliant biznes markazi, Toshkent shahari
Aloqa	(371) 263-78-30; (371) 263-47-50.

Axborot xati

Maqsad va vazifalari

Muhokama qilinadigan masalalar