Xalqaro tajriba: ta’limni modernizatsiyalash sharoitida zamonaviy mashinasozlik va muhandislik yo‘nalishida yuqori malakali kadrlar tayyorlash istiqbollari

О‘ZBEKISTON RESPUBLIKASI

OLIY TA’LIM, FAN VA INNOVATSIYALAR VAZIRLIGI

TOSHKENT TО‘QIMACHILIK VA YENGIL SANOAT INSTITUTI

AXBOROT XATI

Sizga shuni ma’lum qilamizki, 2024 yil 17-18 dekabr kunlari Toshkent tо‘qimachilik va yengil sanoat institutida “Xalqaro tajriba: ta’limni modernizatsiyalash sharoitida zamonaviy mashinasozlik va muhandislik yo‘nalishida yuqori malakali kadrlar tayyorlash istiqbollari” mavzusidagi Xalqaro miqyosidagi ilmiy-amaliy anjumani о‘tkaziladi. Ushbu anjumanga ilmiy-amaliy tadqiqot ishlarini olib borayotgan barcha professor-о‘qituvchilar, ilmiy xodimlar va izlanuvchilar taklif etiladi.

Xalqaro ilmiy-amaliy anjumani doirasida quyidagi yо‘nalishlar bо‘yicha yalpi va shо‘ba majlislari о‘tkazilishi rejalashtirilgan:

1-shо‘ba:Klaster tizimida paxta sanoati, mexanika, tо‘qimachilik xomashyolarini qayta ishlashning dolzarb muammolari va ularning innovatsion yechimlari

2-shо‘ba: Tо‘qimachilik iplari va matolarini ishlab chiqarishni innovatsion rivojlantirish istiqbollari

3-shо‘ba: Yengil, kimyo va matbaa sanoati ishlab chiqarishidagi innovatsion texnologiyalar

4-shо‘ba: Sohalar uchun yuqori malakali kadrlar tayyorlashda Dual ta’limning hamda fundamental, ijtimoiy-iqtisodiy va pedagogika fanlarini о‘qitishning о‘rni.

Anjuman ishchi tillari: о‘zbek, rus va ingliz. Yozilgan ishlar yuqoridagi shо‘balardan biriga mos kelishi lozim va ularda keltirilgan g‘oyalar, dalillar va raqamlarga mualliflar javobgardir.

RASMIYLASHTIRISH TALABLARI

Materiallarda ishning mazmun mohiyati aniq, tushunarli bayon etilishi lozim. Maqolalar elektron variantda mualliflar tomonidan taqdim etiladi.

Matnlar hajmi tо‘liq, kamida 2 yoki 3 bet, A4 formatli (210x297 mm), 14 о‘lchamli shriftda, 1,0 interval bilan Microsoft Word 2010 va undan yuqori versiyadagi dasturida, Times New Roman shriftida hamma tomondan 25 mm hoshiya va xat boshi (abzats)ga 1,25 sm joy qoldirib tayyorlanadi.

1. Birinchi qatorida BOSH VA QALIN HARFLARDA MAVZUNING NOMI sahifaning о‘rtasida, 2-qator bо‘sh qoldiriladi, 3-qatorda о‘ng tomonda muallifning ilmiy unvoni, ismi – sharifining faqat bosh harflari va familiyasi; 4-qatorda о‘ng tomonda ish joyi (tashkilot nomi) kо‘rsatiladi.

2. 1,0 interval tashlab о‘zbek, rus va ingliz tillarida qisqa annotatsiya (kursiv holatda, har bir tilda yozilgan annotatsiya hajmi 4 qatorgacha) beriladi. Keyin 1,0 interval tashlab maqolaning asosiy matni keltiriladi.

3. Mualliflar soni 3 tadan kо‘p bо‘lishi, matnda avtomatik raqamlash va boshqa avtomatik tarzda bajariluvchi buyruqlardan hamda avtomatik havola (ssilka) dan foydalanish mumkin emas. Havolalar foydalanilgan adabiyot raqamini kо‘rsatgan holda quyidagi kо‘rinishda berilsin: .....keltirilgan [2]. Foydalanilgan adabiyotlarda Web of Science, Scopus va ScienceDirect xalqaro ilmiy-texnik ma’lumotlar ba’zasidan foydalanilgan bо‘lishi shart.

4. Materiallardagi barcha sxema, gistogramma, diagramma va boshqa grafik ma’lumotlar tartib bilan raqamlangan holda va .jpg formatida (har bir rasm hajmi kо‘pi bilan 500 Kb gacha, skaner qilib kо‘chirilmagan bо‘lishi, 1 varaq hajmining 50 % idan ortiq joyni egallamagan) bо‘lishi lozim. Formulalar “Formula redaktorida” yozilgan bо‘lishi shart. Rasmlardagi yozuvlar xira va juda kichik hamda matn shriftidan katta bо‘lmasligi lozim.

5. Elektron nusxadagi fayl nomi seksiya raqami bilan lotin alifbosida birinchi muallifning ismi familiyasi kо‘rinishida bо‘lishi kerak (Masalan: 1-seksiyadagi fayl nomi 1-B.Olimov, agar maqola 2 ta bо‘lsa 1-B.Olimov-1 va 1-B.Olimov-2 va h.k.).

6. Matn oxirida asosiy foydalanilgan adabiyotlar rо‘yxati keltiriladi.

7. Maqola kompyuterda matn terish qoidalariga amal qilgan holda tayyorlanishi, grammatik, orfografik va boshqa xatolardan holi bо‘lishi, yuqoridagi shо‘balardan biriga mos kelishi hamda ilmiy va ma’no jihatdan tugallangan bо‘lishi lozim.

8. Maqolalar Oliy ta’lim fan va innovatsiyalar vazirligining anjumanlar.uz sayti orqаli 29- noyabrgacha qabul qilinadi*.

Belgilangan muddatdan kechiktirilgan maqolalar qabul qilinmaydi.

*yuqorida keltirilgan talablarga mos kelmagan va anjumanda ma’ruza qilinmagan maqolalar chop etilmaydi.

TASHKILIY QО‘MITA MANZILI

100100. Toshkent shahri, Yakkasaroy tumani, Shoxjahon kо‘chasi,
5-uy.

tel.: (+998 71) 253-19-59. . E-mail: science-titli@mail.ru

(+998 90) 018 32 20


Anjuman statusi	Xalqaro
Mas'ul tashkilot	Toshkent to‘qimachilik va yengil sanoat instituti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Yakkasaroy tumani
Manzil	100100. Toshkent shahri, Yakkasaroy tumani, Shoxjahon kо‘chasi, 5-uy.
Aloqa	(+998 90) 018 32 20

Axborot xati

Maqsad va vazifalari

Muhokama qilinadigan masalalar