Axborot xati Maqsad va vazifalari Muhokama qilinadigan masalalar

Axborot xati

2025-yil 21-23 aprel kunlari Mirzo Ulug‘bek nomidagi O‘zbekiston Milliy universitetida (O‘zMU) “Atrof muhit muhofazasi, iqlim o‘zgarishi, degradatsiyaga uchragan tuproqlar unumdorligini oshirishda innovatsion texnologiyalar” mavzusida xalqaro ilmiy-amaliy konferensiya bo‘lib o‘tadi

22-aprel – Xalqaro Yer kuni

Ilmiy-amaliy konferensiya ishining asosiy yo‘nalishlari:

Ø Oziq-ovqat xavfsizligini ta’minlashda iqlim o‘zgarishi sharoitida yer resurslardan oqilona foydalanishning ekologik, ilmiy-innovatsion, iqtisodiy va huquqiy asoslari

Ø Cho‘llanishga qarshi kurashish va “yerning degradatsiyasi neytralligiga” erishish yo‘llari (SDG-15.3.): boshqarish, baholash va monitoring usullari

Ø Aniq dehqonchilikda raqamli yer tuzish, tuproqshunoslik va agrokimyo: holati va istiqbollari

Ø Yaylov yerlarning tanazzulga uchragan tuproqlari, ularning mahsuldorligini oshirish zamonaviy texnologiyalari

Ø Orolboʻyi yer resurslari, ulardan oqilona foydalanish va muhofaza qilish, xudud tuproqlari degradatsiyasiga qarshi kurashishning nazariy asoslari va innovatsion texnologiyalari

Ø Agro-eko-biotexnologiyalar, bio- va nanopreparatlar, degradatsiyaga uchragan tuproqlarning unumdorligini tiklash va oshirishda adaptorlar

Ø Organik qishloq xo‘jaligi va tuproqlar: tamoyillar, tajriba va istiqbollar

Ø Iqlim o‘zgarishi va “uglerodli dehqonchilik” (carbon farming). Qishloq xo‘jaligida “karbon poligon” va “karbon ferma”lari: xalqaro tajriba va istiqbollari

Ø Atrof-muhit muhofazasida agroximikatlardan oqilona foydalanish. Iqlim o‘zgarishi sharoitida qishloq xo‘jalik ekinlarni yetishtirishda o‘g‘itlarning yangi tizimi

Ø Sho‘rlangan va eroziyaga uchragan yеrlar tuproqlarining unumdorligini boshqarish va meliorativ holatini yaxshilashda innovatsion еchimlar

Ø “Yashil iqtisodiyot” sharoitida tuproqlardan oqilona foydalanish va ularni muhofaza qilishda yеr va tuproq resurslarini boshqarish bo‘yicha eng ilg‘or tajribalar. Fan, ta’lim va ishlab chiqarish integratsiyasi tamoyillari

Ø Yer tuzuvchi, tuproqshunos – agrokimyogar, ekolog va biolog kadrlarni tayyorlashda innovatsion yondashuvlar va ta’lim sifatini ta’minlash.

Anjumanda ishtirok etuvchilar: yer tuzuvchi va tuproqshunos – agrokiyogar, biolog va ekolog mutaxassislar, olimlar, professor-o‘qituvchilar, oliy o‘quv yurtlari talabalari, kollej va litseylar o‘quvchilari va o‘qituvchilari, fermerlar va soha mutaxassislari, yer va tuproq resurslaridan oqilona foydalanish, raqamli iqtisodiyot, qishloq xo‘jaligini kimyolashtirish va atrof-muhitni muhofaza qilish sohasidagi jamoat tashkilotlari.

Bitta faylda faqat bitta maqola bo‘lishi kerak. Faylga birinchi muallifning familiyasi va maqola sarlavhasining dastlabki uchta so‘zini o‘z ichiga olgan nom beriladi.

Konferentsiyada ishtirok etish uchun maqolalarni 2025-yil 1-martga qadar telegramm orqali (+99893)3224800, yoki yu.usmanova@nuu.uz elektron manziliga (mas’ul: Usmanova Yulduz) yuborish kerak.

Taqdim etiladigan maqolalarga talablar:

- Maqola mavzusi. Muallif (yoki mualliflar) tomonidan taqdim etilayotgan ilmiy maqola mavzusi konferensiya ruknlariga mos kelishi shart.

Maqola mavzusi imkon qadar qisqa va lo‘nda ko‘rinishda shakllantirilgan bo‘lib, maqolaning tadqiqot yo‘nalishini aniq ifoda etilishi lozim. U o‘zbek (lotin alifbosida), rus, ingliz tillarida taqdim etilishi mumkin.

- Maqola muallifi(lari) to‘g‘risida ma’lumot. Ushbu qismda muallifning ismi-sharifi, ish joyi va lavozimi, ilmiy darajasi va unvoni, elektron pochta manzili va muloqot telefonlari kiritiladi.

- Maqola annotatsiyasi. Maqolalarning qisqacha annotatsiyasi 300 ta znakdan oshmagan holda o‘zbek, rus va ingliz tillarida beriladi. Unda tadqiqot muammosi, uning dolzarbligi, tadqiqot muammosini ochib berish uchun qo‘llanilgan metodologiya, tadqiqot natijalari, maqolaning to‘la mazmunidan kelib chiqqan holda muallifning ilmiy va amaliy hissasining qisqacha bayoni yoritiladi.

- Kalit soʻzlar. Maqola mazmuni va maqsadini qisqacha ochib beruvchi kalit so‘zlar 6-10 tadan oshmasligi kerak, Scholar.google.com yoki Google.com qidiruv tizimida maqola oson va eng birinchi sahifalarda topilishi uchun kalit so‘zlarning har biri asosiy matn tarkibida o‘rtacha 5-7 marta takrorlanishi tavsiya etiladi.

- Kirish. Kirish qismida, asosan, tadqiqot muammosi, uning maqsad va vazifalari yoritiladi. Mazkur qism tadqiqot mavzusining tanlanish asosi, uning dolzarbligi va ilmiy ahamiyatini tushuntirib beriladi.

- Mavzuga oid adabiyotlarning tahlili. Mavzuga oid adabiyotlar tahlili tadqiq etilayotgan muammo yuzasidan muallifning bilim va tasavvurlarga ega ekanini namoyon etuvchi qism hisoblanadi. Adabiyotlarning tanqidiy tahlilidagi urinishlar mazkur mavzu doirasidagi bilimlarni kuchaytiradi va tadqiqot savollarini yanada oydinlashtirishga yordam beradi, maqola saviyasini oshiradi. Adabiyotlar bo‘yicha tahlil, asosan, sohadagi eng yangi jurnal maqolalari va boshqa turdagi ma’lumot manbalari asosida amalga oshirish so‘raladi.

- Tadqiqot metodologiyasi. Tadqiqot metodologiyasi tadqiqotning eng muhim qismlaridan biri bo‘lib, u o‘tkazilayotgan tadqiqotning umumiy xaritasi, tadqiqot yo‘li va natijaga olib boruvchi xaritaviy chizg‘ilari maqolada keltiriladi. Tadqiqot metodologiyasi tadqiqot falsafasi va yo‘nalishini (deduktsion yoki induktsion) belgilash, tadqiqot dizayni, ya’ni tadqiqot muammosining yechimiga olib boruvchi bosh rejasini tuzish, tadqiqot uchun zarur axborotni olish yo‘llari va tadqiqot o‘tkazishni belgilash, tadqiqot ob’ektining tanlovi (sampling), birlamchi yoki ikkilamchi ma’lumot manbalaridan foydalanish, tadqiqot strategiyasini (kuzatish, eksperiment, dala, ekspeditsion, laborator va h.k.) aniqlash bo‘yicha qo‘yilgan muammoning mua’llif maqolada aniq yechimiga olib chiquvchi uslublar keltirilishi lozim. Metodologiya qismining mukammalligi tadqiqot uchun belgilangan yo‘lning ishonchliligi (reliability) va aniqliligini (validity) asoslash orqali namoyon bo‘ladi.

- Tahlil va natijalar. Tadqiqotning tahlil qismi tadqiqot metodologiyasida avvaldan belgilab olingan tahlil usullari (matematik modellar va boshqalar) orqali yig‘ilgan ma’lumotlarning tahlilini amalga oshiradi. Bunda faqatgina tahlil usulining natijalari ifoda etiladi, olingan natijalar bo‘yicha muhokama maqolaning muhim qismi hisoblanadi.

- Xulosa va takliflar. Tadqiqotning maqsad, vazifalarining o‘rganilganligi hamda savollarining o‘z javobini topganligi, asosiy natijalariga va umumiy xulosalar, shu bilan birga, takliflar va ayni tadqiqotdan kelib chiqqan holda kelajak yo‘nalishlarini belgilash maqolaning xulosa va takliflari qismining asosini tashkil etishi lozim.

- Foydalanilgan adabiyotlar ro‘yxati. Ushbu qismda tadqiqotda foydalanilgan barcha adabiyotlarning ro‘yxati GOST 7.05-2008 talablariga ko‘ra keltiriladi, kegl 12 da Times New Roman, interval – 1.0

Maqola matni Times New Romanda, kegl 14 da lotin alifbosida bo‘lib, qatorlar oraliqlari masofasi 1.15 intervalda bo‘lishi lozim. Maqola matni sahifasining o‘ng tomonidan-1,5 sm, chap-3 sm, yuqori va quyi-2 santimetrdan iborat masofa qoldiriladi. Maqolaning hajmi 5-7 betdan oshmasligi, hamda foydalanilgan adabiyotlar soni kamida 10-12 manbalar atrofida bo‘lishi talab qilinadi (shu jumladan yangi mahalliy va xorijiy adabiyotlar ).

Maqolada albatta jadval, sifatli chizma yoki rasmlar bo‘lishi maqsadga muvofiq. Jadval nomlari uning yuqori qismida, chizma yoki rasm nomlari ularning quyi qismida yozilishi, ularning manbasi aniq ko‘rsatilishi lozim. Grafik va jadvallar GOST 7.05-2008 talablariga ko‘ra keltiriladi.

Maqolada loyihalar, shartnomalar doirasida bajarilgan tadqiqotlarga ilova bo‘lsa, - maqola xulosasi va adabiyotlar ro‘yxatidan oldin 14 keglda kursiv shriftda keltiriladi.

Har bir muallif 2 tadan koʻp boʻlmagan maqolalarni (shu jumladan, 1 tasi birinchi muallif tomonidan) topshirishi mumkin.

Yuborilgan maqolalarning barchasi “Antiplagiat” tizimida tekshiriladi.

Anjuman materiallarini indekslanishi. Har bir maqola uchun alohida DOI raqami olinadi. Qo‘yilgan talablarga javob beradigan nufuzli maqolalar O‘zR OAK ning jurnallari ro‘yxatidagi jurnalda chop etiladi. Bundan tashqari, qolgan maqolalar konferensiya materiallari to‘plamida nashr etiladi.

Ilmiy ishlarni chop etish bepul.

Matn stilistik va imlo xatolarisiz diqqat bilan o‘qilishi kerak. Maqolalarni talablari buzilgan taqdirda rad etilishi mumkin.

Tashkiliy qo‘mita manzili: Toshkent, Olmazor tumani, Universitet ko‘chasi 4, Biologiya va ekologiya fakulteti binosi, 4 qavat. Mas’ul: Ergasheva Olimaxon Xaliqjanovna, tel:909200958, e-mail: o.ergasheva@nuu.uz

Anjuman ishtirokchisi talabnomasi

	Familiyasi, ismi, otasining ismi (to‘liq)
	Yashash joyi (mamlakat, viloyat, shahar)
	Ish joyi: tashkilot va bo‘linmaning nomi (to‘liq va qisqartirilgan) tashkilotning yuridik manzili, egallab turgan lavozimi.
	Ilmiy daraja
	Ilmiy unvon
	Maqola mavzusi
	Ilmiy qiziqish sohalari (3 tadan ko‘p bo‘lmagan), ilmiy faoliyat yo‘nalishlari
	Aloqa uchun ma’lumotlar: telefon (shahar kodi bilan), elektron pochta, pochta manzili, telegram
	Ishtirok etish shakli (o‘zingiz xohlagan variantni qoldiring)	- og‘zaki taqdimot bilan - og‘zaki taqdimot bilan masofadan turib - poster taqdimoti bilan - taqdimotsiz yuzma-yuz - sirtdan (maqola nashr etish bilan)
	Mavzu

Anjuman ishtirokchisi talabnomasini 15 fevral kunigacha yuborishingiz so‘raladi

Har bir muallifga maqola bilan konferentsiyada ishtiroki uchun sertifikat, chop etilgan jurnal (to‘plam) elektron varianti taqdim etiladi.

Konferensiya doirasida:

-“Yosh olimlar” konferensiyasi, ko‘rgazma va tanlovlar o‘tkaziladi;

-posterli sessiya tashkil etiladi;

-dala-ilmiy ekspeditsiyalar tashkil etiladi.

Dala-ilmiy ekspeditsiya yo‘nalishlari:

ØToshkent-Djizzax viloyati (gorizontal zonallik bo‘yicha tuproqlar);

ØToshkent -Toshkent viloyati, Chotqol tog‘ tizmasi (vertikal zonallik bo‘yicha tuproqlar).

Muhim sanalar:

§ Ishtirokchilar talabnomasini qabul qilish: 2025 yil 15 fevralgacha

§ Maqolalarni qabul qilish: 2025 yil 1 martgacha

§ Ishtirokchilarni Toshkent shaxriga kelishi: 2025 yil 20 aprel

§ Konferensiya boshlanishi: 2025yil 21 aprel

§ Konferensiya ishtirokchilarining dala-ilmiy ekspeditsiyasi (Jizzax viloyati): 2025 yil 22 aprel

§ Konferensiya ishtirokchilarining dala-ilmiy ekspeditsiyasi (Toshkent viloyati): 2025 yil 23 aprel

§ Konferensiya ishtirokchilari qaytib ketishlari: 2025 yil 24 aprel.

Maqsad va vazifalari

“Yashil iqtisodiyot” sharoitida oziq-ovqat va ekologik xavfsizlikni taʼminlash, yer va tuproq resurslarini kompleks boshqarish, yosh iqtidorli olimlarni ilm-fanning ustuvor yoʻnalishlariga jalb etish, hamda qishloq xoʻjaligi mutaxassislari, yer tuzuvchilar, tuproqshunos- agrokimyogarlar, melioratorlar, ekolog va biologlar, jamoatchilik vakillari eʼtiborini atrof-muhit muhofazasi muammolari va yechimlariga oid yangi yondashuvlar va innovatsion texnologiyalarni muhokama qilish va tajriba almashish, ayniqsa - iqlim o‘zgarishi, adaptatsion texnologiyalar, atrof-muhitni muhofaza qilish, Barqaror rivojlanish maqsadlariga (BRM) erishish salohiyatini rivojlantirishda keyingi hamkorlik va real taraqqiyotga ko‘maklashish.

Anjumanning vazifalari: