Axborot xati Maqsad va vazifalari Muhokama qilinadigan masalalar

Axborot xati

OLIY TA’LIM, FAN VA INNOVATSIYALAR VAZIRLIGI

O‘ZBEKISTON BADIIY AKADEMIYASI

KAMOLIDDIN BEHZOD NOMIDAGI MILLIY RASSOMLIK VA DIZAYN INSTITUTI

“O‘ZBEKISTON TASVIRIY VA AMALIY BEZAK SAN’ATINING DOLZARB MASALALARI: NAZARIYA VA AMALIYOT”

mavzusidagi respublika ilmiy-amaliy konferensiya

AXBOROT XATI

Kamoliddin Behzod nomidagi Milliy rassomlik va dizayn institutida Oliy ta’lim, fan va innovatsiyalar vazirligining 2024-yil 18-yanvardagi 16-sonli buyrug‘i asosida tasdiqlangan rejaga binoan “O‘zbekiston tasviriy va amaliy bezak san’atining dolzarb masalalari: nazariya va amaliyot” mavzusida respublika miqyosida ilmiy konferensiya o‘tkaziladi.

KONFERENSIYANING ILMIY YO‘NALISHI, MAQSADI VA VAZIFALARI:

O‘zbekiston tasviriy va amaliy san’atidagi dolzarb muammolarni aniqlash, zamonaviy san’atning taraqqiyot omillarini belgilash, zamonaviy san’at rivojida kreativ industriya va dizaynning innovatsion shakllarining ahamiyatini belgilashdan iborat. Ilmiy anjuman O‘zbekiston san’atining tarixi va bugungi holatini muhokama etish maydoni sifatida zamonaviy san’atning jamiyatning ma’naviy-madaniy uyg‘onishidagi rolini ochib beradi.

Konferensiya 2024-yilning 10-oktabrida Kamoliddin Behzod nomidagi Milliy rassomlik va dizayn institutida bo‘lib o‘tadi.

Konferensiya quyidagi mavzularda tashkil etiladi:

- O‘zbekiston tasviriy va amaliy san’ati rivojining tarixiy-nazariy masalalari;

- O‘zbekistonning zamonaviy san’ati global va lokal aspektlarda;

- Kreativ industriyalar: taraqqiyot omillari va yangi madaniy amaliyot;

- Zamonaviy dizayn rivojidagi innovatsiyalar;

- Zamonaviy muzey: an’ana, innovatsiya va kelajak strategiyasi.

Konferensiya ishi yo‘nalishlari: san’atshunoslik, madaniyatshunoslik, muzeyshunoslik, san’at falsafasi, dizayn.

Konferensiyaga san’atshunos, muzeyshunos, madaniyatshunos mutaxassislar, ijodkorlar, tadqiqotchi va magistrantlar taklif etiladi.

Konferensiya uchun maqolalar 2024-yilning 20-sentabriga qadar qabul qilinadi.

Konferensiya materiallari elektron to‘plam shaklida (ISSNga ega) chop etilishi rejalashtirilgan. Maqolalar to‘plami Google Scholar bazasida indeksatsiya qilinadi.

Konferensiya tashkilotchilari ilmiy xulosalarga ega bo‘lmagan va konferensiya mavzusiga nomuvofiq bo‘lgan materiallarni rad etish huquqini saqlab qoladi. Nashr jarayonida muallif tahriri saqlab qolinadi. Maqolada keltirilgan ma’lumotlarning to‘g‘riligi uchun muallif mas’uldir. Matnga nisbatan talablarga rioya etish so‘raladi.

Anjumanning ishchi tillari – o‘zbek va rus.

Rasmiylashtirish talablari:

Ilmiy maqolalar matnlari tahrir qilingan holda A4 hajmda, yuqoridan va pastdan 2 sm, chapdan 3 sm, o‘ngdan 1,5 sm joy qoldirilib, bir nusxada rasmiylashtirilgan bo‘lishi lozim. Matn hajmi 6-10 bet. Matnga 6 tadan ko‘p bo‘lmagan illyustratsiyalar qo‘shilishi mumkin.

Maqolaning nomi bosh harflar bilan yozilib, 1,5 intervaldan so‘ng muallifning to‘liq familiyasi, ismi va otasining ismi hamda lavozimi yoki ilmiy unvoni, tashkilot (ish yoki o‘qish joyi) ko‘rsatiladi. Maqola annotatsiyasi asosiy matn tilida yoziladi (100 ta so‘zga qadar). Havolalar maqolaning oxirida beriladi, unda adabiyotning muallifi, nomlanishi, nashriyoti, nashr etilgan yili, fikr olingan yoki asoslangan sahifasi ko‘rsatiladi. Adabiyotlar ro‘yxati matn oxirida o‘rnatilgan tinish belgilari tizimiga amal qilingan holda beriladi.

ilova

NAMUNA

ZAMONAVIY SAN’AT MUAMMOLARI

Abdulla Abdullayevich Abdullayev,

san’atshunoslik fanlari doktori, professor

Kamoliddin Behzod nomidagi Milliy rasssomlik va dizayn instituti

Annotatsiya. Matn matn matn

Kalit so‘zlar. Matn matn matn

Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn. Matn [1. 15].

Foydalanilgan adabiyotlar:

1. Rajabov I.R. Maqomlar masalasiga doir. – Toshkent: O‘zadabiynashr, 1963. – 272 b.

2. Ахмедова Н. Авангард ‒ вера в свободу // San’at. ‒ Ташкент, 2000. ‒ № 4. ‒ С. 31-35.

Konferensiya koordinatori: Kultasheva Nigoraxon, Kamoliddin Behzod nomidagi MRDI, San’at tarixi va nazariyasi kafedrasi mudiri, (97) 770-88-18

E-mail: nigora.kultasheva88@gmail.ru

Maqsad va vazifalari

Konferensiyaning maqsadi – О‘zbekiston tasviriy va amaliy san’atidagi dolzarb muammolarni aniqlash, zamonaviy san’atning taraqqiyot omillarini belgilash, zamonaviy san’at rivojida kreativ industriya va dizaynning innovatsion shakllarining ahamiyatini belgilash.

Konferensiyaning vazifalari:

1. O‘zbekiston tasviriy va amaliy san’atining bugungi holatini tahlil qilish, rassom va dizaynerlar oldida turgan asosiy muammolarni aniqlash.

2. Nazariy va amaliy san’atning yangicha yondashuv va usullarini ishlab chiqish uchun olimlar, tadqiqotchilar, rassomlar va dizaynerlar o‘rtasida tajriba va bilim almashish.

3. Tasviriy va amaliy san’at sohasidagi innovatsion g‘oyalar va loyihalarni taqdim etish va muhokama qilish hamda ularning madaniyat va jamiyat rivojiga ta’siri.

4. O‘zbek san’atini xalqaro miqyosda qo‘llab-quvvatlash va targ‘ib qilish uchun akademik hamjamiyat, ijodiy sohalar va davlat idoralari o‘rtasida hamkorlik yo‘llarini izlash.

5. O‘zbekiston san’atini madaniy merosning muhim qismi va milliy o‘zlikni namoyon etish yo‘li sifatida ommalashtirish.

Ushbu vazifalar o‘z navbatida ilmiy-nazariy jihatdan O‘zbekiston san’atining tarixi va bugungi holatini muhokama etish maydoni sifatida zamonaviy san’atning jamiyatning ma’naviy-madaniy uyg‘onishidagi rolini ochib berishni taqozo qiladi. Bu borada O‘zbekiston Respublikasi Prezidentining O‘zbekiston Respublikasi Prezidentining 2020-yil 21-apreldagi “Tasviriy va amaliy san’at sohasi samaradorligini yanada oshirishga doir chora-tadbirlari to‘g‘risida” gi PQ-4688-son qarorida belgilangan vazifalarni amalga oshirishda muayyan darajada xizmat qiladi.

Muhokama qilinadigan masalalar

“O‘zbekiston tasviriy va amaliy bezak san’atining dolzarb masalalari: nazariya va amaliyot” mavzusida tashkil etilayotgan ilmiy konferensiyada quyidagi masalalar ilmiy jamoatchilik tomonidan muhokama etiladi:

1. O’zbekiston tasviriy va amaliy bezak san’ati rivojlanishining tarixiy-nazariy masalalari

1.1. O‘zbekistonda san’atning rivojlanish tarixi va nazariyasini o‘rganish

1.2.Tasviriy va amaliy bezak sanʼatining mamlakat madaniyatidagi oʻrni

2. O‘zbekistonning zamonaviy san’ati mahalliy va global kesimda

2.1. O‘zbekiston san’atining zamonaviy yo‘nalishlarini tahlil qilish

2.2. San’atdagi mahalliy va global oqimlarning o‘zaro aloqasi

3. Kreativ industriyalar: taraqqiyot omillari va yangi madaniy amaliyot

3.1. O‘zbekistonda ijodkorlik tarmoqlarining rivojlanishi tahlili

3.2. Rivojlanish istiqbollari va madaniy amaliyotga ta'siri

3.3. Ta'lim va madaniy merosni saqlashda raqamli transformatsiyaning roli

4. Zamonaviy dizayn rivojidagi innovatsiyalar

4.1. Zamonaviy dizayndagi yangi tendentsiyalar

4.2. Dizayn yechimlarini ishlab chiqishda innovatsion va ijodiy yondashuvlar

5. Zamonaviy muzey: an'ana, innovatsiya va kelajak strategiyasi

5.1. Madaniy merosni asrab-avaylash va ommalashtirishda zamonaviy muzeyning o‘rni

5.2. Muzey faoliyatini rivojlantirishning innovatsion yondashuvlari va strategiyalari

Xulosa

Konferensiyada qabul qilingan asosiy xulosa va tavsiyalar

O'zbekistonda san'at va madaniyatni rivojlantirish istiqbollari


Anjuman statusi	Respublika
Mas'ul tashkilot	Kamoliddin Behzod nomidagi Milliy rassomlik va dizayn instituti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Mirobod tumani
Manzil	100029, Toshkent sh., Milliy rassomlik dizayn instituti, Mironshoh 123.
Aloqa	+ 998 97 770 88 18