Integrativ va kompetensiyaviy yondashuvlar asosida ijtimoiy fanlarni o‘qitishning muammo va yechimlari

AXBOROT XATI

O‘zbekiston Respublikasi Vazirlar Mahkamasining 2024-yil 18-yanvardagi №16-son buyrug’iga asosan joriy yilning 29-30 mart kunlari University of Business and Science nodavlat oliy ta’lim muassasasida “Integrativ va kompetensiyaviy yondashuvlar asosida ijtimoiy fanlarni o‘qitishning muammo va yechimlari” mavzusida respublika ilmiy-amaliy anjuman o‘tkazish, ilmiy maqolalar va tezislar to‘plamini chop etish rejalashtirilgan.

Anjumanga quyidagi sho‘balar bo‘yicha maqolalar qabul qilinadi:

1. Tillarni o‘qitishning zamonaviy metod va yondashuvlari.

2. Oliy ta’limda tarix fanlarini o‘qitishda innovatsion texnologiyalarning o’rni.

3. Falsafa fanini o’qitishda integrativ texnologiyalardan foydalanish usullari.

4. Yangi O'zbekiston taraqqiyotida ijtimoiy - gumanitar fanlarning o'rni.

Ilmiy-amaliy maqolalar to‘plamiga professor-o‘qituvchilar, ilmiy-tadqiqotchilar, stajyor-tadqiqotchilar va magistrantlarning ilmiy ish natijalari, tezis, maqolalar, shuningdek talabalar tomonidan BMI mazmuni aks etgan maqolalar qabul qilinadi. Barcha maqolalar Google Scholar bazasida indeksatsiya qilinadi!

Ilmiy maqola va tezislarga qo‘yiladigan talablar:

- Maqola va tezislar kоnferensiya yo‘nalishiga oid dolzarb mavzularda, ilmiy va tugallangan fikirlarga asoslangan taklif va tavsiyalar bilan taqdim etilishi lozim.

- Maqola va tezislar matnlari A4 formatda, yuqoridan va pastdan 2 sm chapdan 2sm o‘ngdan 2sm xoshiyaga ega bo‘lishi kerak.

- Maqola va tezislar Microsoft Word matn muharririda, Times New Roman shrifti, 14 o‘lchamda 1,5 intervalda bo‘lishi va 3 betdan kam va 5 betdan ko‘p bo‘lmasligi lozim;

- Har bir maqola yoki tezisning mualiflar soni 2 tadan oshmasligi kerak.

- Maqola va tezislarning sarlavha qismining birinchi qatorida uning nomi (bosh harflarda), ikkinchi qatorda muallifning F.I.O, uchinchi qatorda muallifning ish joyi va lavozimi keltiriladi, to‘rtinchi qatordan telefon raqami hamda elektron pochta manzili ko‘rsatiladi.

- Maqola va tezislarning sarlavha qismidan keyin bir qator tashlab annotatsiya va kalit so‘zlar keltiriladi.

- maqola faylini saqlashda sho‘ba raqami va muallif familiyasi va ismi yoziladi. (Masalan: 1.Sobirov Xusanboy.docx).

Maqola va tezisdagi ma’lumotlar, faktlar va statistikalarning to‘g‘riligiga mualliflar mas’uldir. Maqolada, albatta jadval (chizma yoki rasm)lar manbalari aniq ko‘rsatilishi, qisqartma so‘zlarga izoh berilishi lozim. Maqola ichidagi havolalar [1] kabi tartibda belgilanadi. Maqola so‘ngida foydalanilgan adabiyotlar foydalanish ketma-ketligi bo‘yicha yozilishi kerak. Yuqoridagi talablarga javob bermaydigan materiallar tashkiliy qo‘mita tomonidan ko‘rib chiqilmaydi va to‘plamga kiritilmaydi.

Anjumanning tashkiliy badali va materiallar to‘plamining nashr xarajatlari bir tezis uchun 50000 so‘m deb belgilangan.

Barcha ro‘yxatdan o‘tgan anjuman ishtirokchilariga tezis va maqolalar tasdiqlangandan so‘ng 3 ish kunida ro‘yxatdan o‘tganligi haqidagi elektron xat jo‘natiladi (ayrim sabablar bilan axborot jo‘natilmay qolsa, tashkiliy qo‘mita bilan bog‘laning).

Har bir ishtirokchi uchun sertifikat va to‘plamning elektron varianti bepul taqdim etiladi.
Anjumanning ishchi tili: o‘zbek, rus va ingliz tillari.

Muddat: Anjuman uchun taqdim etiladigan materiallar 2024-yilning
10-mart kuniga qadar qabul qilinadi, maqola va tezislar to‘plami elektron ko‘rinishda chop etiladi.


Anjuman statusi	Respublika
Mas'ul tashkilot	Biznes va ilm-fan universiteti
Yo'nalishi	Fan va ta'lim
Anjuman shakli	Anjuman
Viloyat	Namangan viloyati
Shahar(Tuman)	Namangan shahri
Manzil	Namangan shahri, Zarbdor MFY, Beshkapa koʻchasi, 111-uy
Aloqa

Axborot xati

Maqsad va vazifalari

Muhokama qilinadigan masalalar