Axborot xati

Termiz davlat muhandislik va agrotexnologiyalar universitetida O‘zbekiston Respublikasi Oliy ta’lim, fan va innovatsiyalar vazirligi, K.A.Temiryazev nomidagi Rossiya davlat agrar universiteti (Rossiya), Belorus Qishloq xo‘jaligi akademiyasi (Belorus), Y.Kupala nomidagi Grodno davlat universiteti (Belorus), Qozoq milliy agrar tadqiqot universiteti (Qozog‘iston), Ozarbayjon davlat agrar universiteti (Ozarbayjon), Latviya qishloq xo‘jaligi va texnologiya universiteti (Latviya), Shirinshox Shotemur nomidagi Tojikiston agrar universiteti (Tojikiston), Novosibirsk davlat agrar universiteti (Rossiya),va Vytautas Magnus universiteti (Litva) bilan hamkorlikda O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200 qarori 9-bandida belgilangan topshiriq ijrosini ta’minlash maqsadida Oliy ta’lim, fan va innovatsiyalar vazirining 2024-yil 20-martdagi 76-sonli buyrug‘iga asosan «O‘zbekiston janubida qishloq xo‘jaligini innovatsion texnologiyalar asosida rivojlantirish istiqbollari» (Prospects for the development of agriculture in the south of Uzbekistan based on innovative technologies)” mavzusida I Xalqaro miqyosidagi ilmiy-amaliy anjuman tashkil etiladi. Ilmiy-amaliy anjuman 2024-yilning 24-25 oktyabr kunlari Termiz davlat muhandislik va agrotexnologiyalar universitetida o‘tkaziladi.

Maqsad va vazifalari

Anjuman o‘tkazish zarurligi qishloq xo‘jaligi sohasi ilmiy yo‘nalishi bilan bog‘liq bo‘lib, innovatsion texnologiyalar asosida rivojlantirish, ishlab chiqish hamda sohalarga tadbiq еtish, shuningdek respublikamizda qishloq xo‘jaligi sohasida bajarilayotgan ishlar bo‘yicha o‘zaro fikr almashish hamda yosh olim, magistrant, doktorant va mutaxassilarning ilmiy-tadqiqot ishlarining sifati va samaradorligini oshirish hisoblanib, ushbu tadbirda xorijiy va respublika yosh tadqiqotchilarning tajribalari o‘rganiladi, muhokama еtiladi va ilg‘or texnologiyalardan foydalanish bo‘yicha tavsiyalar yaratiladi hamda innovatsion texnologiyalar, raqamlashtirilgan agrotexnologiyalarni ishlab chiqishni rivojlantirilishi nazarda tutilgan bo‘lib, Respublikamizdagi ishlab chiqarish korxona va tashkilotlarida joriy еtish bo‘yicha muammolar va ularning yеchimlari bo‘yicha xulosa hamda takliflar tayyorlash va xalqaro hamkorlarni jalb qilish bilan asoslanadi.

Muhokama qilinadigan masalalar

1-Sho‘ba: Global iqlim o‘zgarishi sharoitida qishloq xo‘jaligini innovatsion rivojlantirishda yangi resurstejamkor texnologiyalarni ishlab chiqarishga joriy etish.

· G‘o‘za va o‘tmishdosh ekinlardan ertaki va yuqori hosil yetishtirishda resurstejamkor texnologiyalarni qo‘llash samaradorligi;

· Tuproq unumdorligini tiklash va oshirishda organomineral o‘g‘itlardan samarali foydalanish;

· Ekinlarni sug‘orishda resurstejamkor texnologiyalarni qo‘llash va mineral o‘g‘itlardan foydalanish samaradorligi.

2-Sho‘ba: Qishloq xo‘jaligi ekinlari seleksiyasi va urug‘chiligining ilmiy asoslari.

· Global iqlim o‘zgarishiga bardoshli o‘simlik tur va navlarini introduksiya qilish;

· Noqulay ob-havo sharoitlariga va zararkunanda hashoratlarga bardoshli seleksion navlarni yaratish.

3-Sho‘ba: Meva-sabzavot ekinlari seleksiyasi, urug‘chiligi va ularni yetishtirishning zamonaviy texnologiyalari.

· Mevachilikda intensiv usullardan samarali foydalanish;

· Meva seleksiyasining bugungi ahvoli va kelajakdagi istiqbollari;

· Sabzavot ekinlarini yetishtirishning zamonaviy texnologiyalari;

· Sabzavot seleksiyasi va urug‘chiligini takomillashtirish usullari;

· Zamonaviy sabzavotchilikda nav va duragaylarning o‘rni.

4-Sho‘ba: Tashqi muhitning ekstremal sharoitlariga bardoshli o‘rmon daraxtlari va dorivor o‘simliklar navlarni tanlash, manzarali o‘simliklarni yetishtirishda innovatsion resurstejamkor texnologiyalarni qo‘llash.

· Ziravor, dorivor va oziq-ovqatbob o‘simliklar introdutsent navlarni tanlash ulardan samarali foydalanish;

· Dorivor o‘simliklarni yetishtirishning innovatsion texnologiyalari;

· Aholi yashash joylarini ko‘kalamzorlashtirishda kompozitsiya asoslari;

· O‘rmon urug‘chiligi va seleksiyasi usullari.

5-Sho‘ba: Tuproq unumdorligini saqlash va oshirishda hamda o‘simliklarni zararli organizmlardan himoya qilishda resurs tejamkor innovatsion yondashuvlar.

· Intensiv qishloq xo‘jaligida o‘g‘itlash tizimi yutuqlari hamda muammolari;

· Tuproq saqlash va oshirishda resurs tejamkor zamonaviy texnologiyalardan foydalanishning o‘rni va ahamiyati;

· Global iqlim o‘zgarishi sharoitida o‘simliklarni zararli organizmlardan himoya qilishda innovatsion yondashuvlar;

· O‘simliklarni zararli organizmlardan uyg‘unlashgan himoya qilishda zamonaviy usullardan foydalanishning ahamiyati.

6-Sho‘ba: Chorva mollari mahsuldorligini oshirish, chorvachilik mahsulotlarini ishlab chiqarishda innovatsion texnologiyalar.

· Chorvachilik mahsulotlarini ishlab chiqarishda zooveterinariya sohasida erishilgan yutuqlar;

· Veterinariya, chorvachilik sohasida qo‘llaniladigan innovatsion texnologiyalar asosida mahsulot yetishtirishda olingan natijalar;

· Chorvachilik va ipakchilikni ozuqa bazasini mustahkamlashda ularning yangi zot va duragaylarini yaratish hamda kasalliklardan asrash yo‘llari.

7-Sho‘ba: Qishloq xo‘jaligida yangi resurstejamkor texnika vositalari va texnologiyalarni yaratish hamda elektrlashtirish va avtomatlashtirish, smart texnologiyalarni joriy etish muammolari va istiqbollari.

· Qishloq xo‘jaligida mexanizatsiyalash, elektrlashtirish va avtomatlashtirish masalalari;

· Qishloq xo‘jaligida atrof-muhit, mehnat muhofazasi va texnika xavfsizligi maslalari;

· Qishloq xo‘jaligida qo‘llaniladigan kimyoviy texnologiya masalalari;

· Qishloq xo‘jaligida qurilish va loyihalash, melioratsiya va irrigatsiya masalalari.


Anjuman statusi	Xalqaro
Mas'ul tashkilot	Termiz davlat muhandislik va agrotexnologiyalar universiteti, Andijon qishloq xo‘jaligi va agrotexnologiyalar instituti, Termiz davlat pedagogika instituti, Toshkent tibbiyot akademiyasi Termiz filiali, Termiz muhandislik texnologiya instituti, Toshkent davlat agrar universiteti, Samarqand agroinnovatsiyalar va tadqiqotlar instituti, Termiz davlat universiteti
Yo'nalishi	Qishloq va suv xo'jaligi
Anjuman shakli	Anjuman
Viloyat	Surxandaryo viloyati
Shahar(Tuman)	Termiz tumani
Manzil	Termiz shahri, Islom Karimov ko‘chasi 288A-uy. Termiz davlat muhandislik va agrotexnologiyalar universiteti (TerDMAU).
Aloqa	+998 (99) 584-94-17