Axborot xati Maqsad va vazifalari Muhokama qilinadigan masalalar

Axborot xati

O‘zbekiston Respublikasi Oliy ta’lim, fan va innovatsiyalar vazirligining 2024-yil 18-yanvardagi “O‘zbekiston Respublikasi Prezidentining 2023-yil 4-iyuldagi PQ-200 qarori ijrosini ta’minlash to‘g‘rsida”gi 16-sonli buyrug‘i ijrosini ta’minlash maqsadida SamDCHTI Ingliz tili kafedrasi tomonidan 2025-yil 9-10-aprel kunlari “Ilmiy va professional ta’lim jarayonida muloqot, fan va madaniyatlar integratsiyasi” mavzusida xalqaro ilmiy-amaliy anjuman o‘tkaziladi.

Maqsad va vazifalari

Anjuman til o‘rgatish, o‘qitish, o‘qish va baholash sohalarida innovatsion yondashuvlarni tahlil qilish va rivojlantirishga bag‘ishlanadi.

Maqsad: Anjumaning asosiy maqsadi til o‘rgatish va baholashning yangi, samarali usullarini aniqlash va ularni amaliyotga joriy etishdan iborat. Bundan tashqari, xalqaro hamkorlikni rivojlantirish va til o‘qitishda eng yaxshi tajribalarni bo‘lishish.

Vazifalar: Til o‘qitish va o‘rganishdagi innovatsion yondashuvlar haqida fikr almashish. O‘qituvchilar va tadqiqotchilar o‘rtasida ilmiy hamkorlikni rivojlantirish.

Talabalar va o‘qituvchilar uchun interaktiv va motivatsion o‘quv usullarini tanishtirish. Tilni o‘rgatishning samaradorligini oshiradigan yangi baholash texnologiyalarini ishlab chiqish. Lingvodidaktika bo‘yicha ilmiy-tadqiqot natijalarini ommalashtirish va amaliyotga joriy etish.

Muhokama qilinadigan masalalar

Respublikamizdagi oliy ta’lim tizimida tahsil olayotgan iqtidorli yoshlarni innovatsion g‘oyalari va konferensiyada til o‘rgatish, o‘qitish, o‘qish va baholash jarayonlarida yuzaga kelayotgan muammolar va ularning innovatsion yechimlari muhokama qilinadi. Unda interaktiv ta’lim texnologiyalari, raqamli platformalar, madaniyatlararo kommunikatsiya, o‘quvchilarni motivatsiya qilish, baholashning zamonaviy usullari va lingvodidaktik tadqiqotlar kabi mavzular yoritiladi. Konferensiyaning asosiy maqsadi — ilg‘or tajribalarni almashish, zamonaviy ilmiy yondashuvlarni ishlab chiqish va ularni amaliyotga joriy etish orqali til o‘rgatish samaradorligini oshirishdir. Bu tadbir ta’lim tizimini takomillashtirishga xizmat qiladi.


Anjuman statusi	Xalqaro
Mas'ul tashkilot	Samarqand davlat chet tillari instituti
Yo'nalishi	Fan va ta'lim
Anjuman shakli	Anjuman
Viloyat	Samarqand viloyati
Shahar(Tuman)	Samarqand shahri
Manzil	Samarqand davlat chet tillar instituti Samarqand shahar bo'stonsaroy 93
Aloqa	Tel: +99866-238-29-37; +99866-210-00-18

Tilni o‘qitish, o‘rganish, va baholashdagi innovatsiyalar

Axborot xati

Maqsad va vazifalari

Muhokama qilinadigan masalalar