Yuqori samarali qishloq xo‘jalik mashinalarini yaratish va texnika vositalaridan foydalanish darajasini oshirishning innovatsion yechimlari

Қишлоқ хўжалигини механизациялаш илмий-тадқиқот институти раҳбарияти Сизни 2024 йил 26 сентябр куни бўлиб ўтадиган “Юқори самарали қишлоқ хўжалик машиналарини яратиш ва техника воситаларидан фойдаланиш даражасини оширишнинг инновацион ечимлари” мавзусидаги Халқаро илмий-техник конференцияга таклиф этади ва илмий мақолангизни 2024 йил 26 августгача юборишингизни сўрайди.

Илмий-техник конференциянинг асосий йўналишлари:

1. Қишлоқ ҳўжалиги тракторлари, транспорт ва юклаш-тушириш воситаларининг техник даражасини ошириш.

2. Ерга асосий ишлов берувчи машиналарда энергия сарфини камайтириш.

3. Ерларни экишга тайёрлаш машиналарининг ресурстежамкорлиги ва иш унумини ошириш.

4. Уруғ экиш машиналарининг функцияларини кенгайтириш ва уруғ сарфини камайтириш.

5. Ўсимликларни парваришлаш ва ўғитлаш машиналарининг агротехник ва техник-эксплуатацион кўрсаткичларини ошириш.

6. Экинлар ҳосилини йиғиштириш ва маҳсулотларга бирламчи ишлов бериш машиналарида нобудгарчиликни йўқотиш ва маҳсулотнинг товар сифатини сақлаб қолишнинг илмий-техник ечимлари.

7. Фермер ва деҳқон хўжаликлари ҳамда томорқа ер эгалари учун кичик техника воситаларини яратиш.

8. Агрокластерлар, фермер хўжаликлари ва туман “Агросервис” МТП шароитида техника воситаларини таъмирлаш, уларга сервис кўрсатиш, машиналарнинг мавсумий ва йиллик иш унумларини оширишнинг илмий, амалий ва муҳандислик масалалари.

9. Қишлоқ хўжалигидаги технологик жараёнларни электрлаштириш ва автоматлаштириш самарадорлигини ошириш.

Мақолани расмийлаштириш қоидалари:

1. Мақола ўзбек, рус ёки инглиз тилида ёзилиши мумкин. У илмий мазмунга эга бўлиши, тадқиқотнинг долзарблиги ва мақсади аниқ кўрсатилиши, тушунарли ва равон баён этилиши, охирида илмий ёки амалий тавсиялар тарзида хулоса берилиши керак.

2. Мақола компьютер босмасида тўлиқ 5 бетгача А4 қоғоз ўлчамида, компьютернинг MS WORD дастури ва Times New Roman ёзувида 14 шрифт (кегл) да, 1,5 интервалда, бичими тепадан ва пастдан 2,0 см, чапдан 3,0 см, ўнгдан 1,0 см қолдириб, саҳифа рақами қўйилмайди.

3. Биринчи саҳифанинг тепадаги чап бурчагидан мақола мазмунига мос УЎТ индекси қўйилади. Бир интервал ташлаб бош ҳарфлар билан мақоланинг номи, яна бир интервал ташлаб муаллифнинг исми ва фамилияси, қавс ичида иш жойи қисқартирилган ҳолда ёзилади. Кейин мақола матни, хулоса, адабиётлар рўйхати, ўзбек, рус ва инглиз тилларидаги аннотация (кўпи билан 4-5 қатор) келтирилади.

4. Мақолани расмийлаштириш (формулаларни ёзиш, жадвалларни тузиш, грекча, катта ва кичик ҳарфларни ажратиш, сўзларни қисқартириш ва бошқалар) илмий журналлар учун қабул қилинган тартибларда бажарилади.

5. Нашр учун тайёр мақола эксперт хулосаси ва 2 нусхада, электрон варианти билан қабул қилинади. Иккинчи нусхада муаллифнинг имзоси, тўлиқ исми ва шарифи, уй ва иш манзили, телефон рақами, электрон почтаси кўрсатилиши шарт.

6. Талабларга жавоб бермайдиган мақолалар қабул қилинмайди.

7. Ҳар бир мақола учун тўлов 100000 (юз минг) сўмни ташкил этади. Тўловлар институтнинг ҳ/р 20210000900182544001 га ўтказилади.


Anjuman statusi	Xalqaro
Mas'ul tashkilot	Qishloq xo‘jaligini mexanizatsiyalash ilmiy-tadqiqot instituti
Yo'nalishi	Qishloq va suv xo'jaligi
Anjuman shakli	Anjuman
Viloyat	Toshkent viloyati
Shahar(Tuman)	Yangiyo‘l tumani
Manzil
Aloqa

Axborot xati

Maqsad va vazifalari

Muhokama qilinadigan masalalar