Farg‘ona viloyati hududiy elektr ta’minoti tizimining energiya samaradorligini oshirish

FARGʻONA DAVLAT TEXNIKA UNIVERSITETI

AXBOROT XATI

O‘zbekiston Respublikasi Oliy ta’lim, fan va innovatsiyalar vazirligining “2025 yilga mo‘ljallangan xalqaro va respublika miqyosida o‘tkaziladigan ilmiy va ilmiy-texnik tadbirlar rejasini tasdiqlash to‘g‘risida”gi buyrug‘iga muvofiq, 2025 yil 23-24 may kunlari “Farg‘ona viloyati hududiy elektr ta’minoti tizimining energiya samaradorligini oshirish” mavzusida Xalqaro miqyosda ilmiy va ilmiy-texnikaviy anjuman o‘tkaziladi.

Anjuman Farg‘ona davlat texnika universiteti hamda Xitoy Xalq Respublikasining Shimoliy Xitoy texnologiya universiteti, Italiyaning Turin politexnika instituti, Rossiya Federatsiyasining Tomsk davlat politexnika universiteti va Novosibirsk davlat texnika universiteti, Qozog‘iston Respublikasining Axmad Yassaviy nomidagi qozoq-turk xalqaro universiteti, Qirg‘iziston Respublikasining Batken davlat universitetlari bilan hamkorlikda o‘tkaziladi.

Hamkor tashkilotlar Farg‘ona viloyat Prokuraturasi, “Farg‘ona hududiy elektr tarmoqlari korxonasi” AJ, “O‘zbekiston milliy elektr tarmoqlari” AJ “Farg‘ona MET” filiali.

Anjumanda ishtirok etish uchun olimlar, tadqiqotchilar va mutaxassislar, yosh tadqiqotchilar, doktorantlar, magistratura va bakalavr talabalari taklif etiladi.

Anjuman quyidagi yo‘nalishlarda tashkil etiladi:

1-sho‘ba: Elektr ta’minoti tizimining umumiy muammolari: ishonchliligi, sifati va energiya samaradorligini oshirish;

2-sho‘ba: Aqlli tarmoqlar va energiya samaradorligini optimallashtirish uchun raqamli yechimlar;

3-sho‘ba: Elektr ta’minoti tizimida “yashil” energetika;

4-sho‘ba: Elektr ta’minoti tizimlari uchun yuqori samarali mexanik tizimlar va barqaror qurilish texnologiyalari;

5-sho‘ba: Energiya samaradorligini oshirishda atrof-muhit, yangi materiallar va texnologiyalar.

Хalqaro ilmiy-texnik anjumani doirasida tezislar to‘plami chop etiladi.

Tezislarni rasmiylashtirishga qo‘yiladigan talablar:

Farg‘ona Davlat Texnika Universiteti

- tezis yoki maqolalar anjumanning ish sohalariga mos kelishi, yangilikka ega bo‘lishi, tadqiqot natijalari, ilmiy asoslangan taklif va tavsiyalarni o‘z ichiga olishi kerak;

- tezis (maqola) lar o‘zbek, rus va ingliz tillarida taqdim etilishi mumkin.

- mualliflar nashrga taqdim etilgan materiallardagi ma’lumotlarning to‘g‘riligi uchun javobgardirlar.

Tezislar MS Word matn muharririda tahrir qilinishi lozim. Times Nyew Roman shriftida, A4 o‘lchamdagi oq qog‘ozning bir tomonida chapdan 30 mm, o‘ngdan 15 mm, yukoridan va pastdan 20 mm kenglikda joy koldirib, Times New Roman shriftida, 12 pt o‘lchamda, katorlar orasi bir oraliq bilan yoziladi. Tezis nomi 1,5 intervalda bosh harflar bilan yozilishi; muallif(lar) ismi va familiyasi, ish joyi; 1,5 intervaldan asosiy matn 1 intervalli qatorlarda yoziladi.

Ilmiymaqolalarni rasmiylashtirishga qo‘yiladigan talablar:

- ilmiy maqolalar anjumanning ish sohalariga mos kelishi, yangilikka ega bo‘lishi, tadqiqot natijalari, ilmiy asoslangan taklif va tavsiyalarni o‘z ichiga olishi kerak;

- ilmiy maqolalar o‘zbek, qoraqalpoq, rus va ingliz tillarida taqdim etilishi mumkin.

Maqolalarda UDK bo‘lishi, maqola sarlavhalari, o‘zbek, rus va ingliz tillaridagi rezyume hamda kalit so‘zlar bo‘lishi kerak;

- mualliflar nashrga taqdim etilgan materiallardagi ma’lumotlarning to‘g‘riligi uchun javobgardirlar.

Maqolalar ekspertiza akti xulosasi va fan doktori taqrizi bilan birgalikda tashkiliy qo‘mitaga taqdim etiladi. Alohida varoqda muallif(lar) haqida ma’lumotlar keltiriladi: F.I.Sh. - to‘liq, ish joyi, ilmiy darajasi, unvoni, lavozimi va telefon raqami.

Maqola standart MS Word matn muharririda tahrir qilinishi lozim. Times Nyew Roman shriftida, A4 o‘lchamdagi oq qog‘ozning bir tomonida chapdan 30 mm, o‘ngdan 15 mm, yuqoridan va pastdan 20 mm kenglikda joy qoldirib, Times New Roman shriftida, 12 pt o‘lchamda, qatorlar orasi bir oraliq bilan yoziladi va ikki nusxada taqdim qilinadi.

Maqola va tezislar namunalarini https://t.me/istc_fergana telegram kanali orqali yuklab olishingiz mumkin.

Anjumanda ishtirok etish uchun badal undirilmaydi.

Tahririyat muallifga (mualliflarga) maqola talablarga javob bermagan taqdirda nashr etmaslik huquqini saqlab qoladi.

Chop etishga qabul qilinmagan tezis va maqolalar mualliflarga qaytarilmaydi.

Anjumanning muhim sanalari:

10.05.2025 - maqolalar topshirishning oxirgi kuni. 23-24.05.2025 - konferensiya o‘tkazish kunlari.

Manzil: FarDTU, Energetika muhandisligi fakulteti, “Energetika muhandisligi” kafedrasi, №10-202 xona.

Murojaatlar uchun: @ h_nematjonov, Ne’matjonov Hikmatillo.


Anjuman statusi	Xalqaro
Mas'ul tashkilot	Farg‘ona politexnika instituti
Yo'nalishi	Fan va ta'lim
Anjuman shakli	Anjuman
Viloyat	Farg‘ona viloyati
Shahar(Tuman)	Farg‘ona shahri
Manzil
Aloqa

Axborot xati

Maqsad va vazifalari

Muhokama qilinadigan masalalar