Axborot xati

AXBOROT XATI

Qarshi davlat texnika universitetida 2025-yil 18-19 aprel kunlari “Raqamli sanoat va avtomatlashtirish: texnologik jarayonlar va ishlab chiqarishni boshqarish tizimlarida innovatsion yechimlar” mavzusida Respublika miqyosida ilmiy-amaliy anjuman o‘tkaziladi.

Anjumanda oliy ta’lim muassasalari va ilmiy tadqiqot institutlari professor-o‘qituvchilari, doktorantlar, mustaqil izlanuvchilar, magistrlar, iqtidorli talabalar, tegishli soha olim va mutaxassislari ishtirok etishlari mumkin.

ANJUMAN YO‘NALISHLARI:

1-sho‘ba.Avtomatlashtirish va boshqaruvning intellektual tizimlari.

2-sho‘ba.Mexatronika va robototexnikada ilg‘or texnologiyalar.

3-sho‘ba.Neft va gaz, kimyo muhandisligi texnologiyalarida innovatsion

yechimlar.

4-sho‘ba.Yashil energiyani raqamlashtirish istiqbollari.

· Maqola va ma’ruza tezislari o‘zbek, rus va ingliz tillarida qabul qilinadi;

· Yuborilgan maqola, tezislar tahrir hay’ati tomonidan ko‘rib chiqiladi va tahrirdan o‘tmagan, talablarga mos bo‘lmagan maqolalar nashr etilmaydi;

· Maqoladagi ma’lumotlar, faktlar va statistik ko‘rsatkichlarning to‘g‘riligiga mualliflar mas’uldirlar.

Taqdim etiladigan maqola va tezislarga qo‘yiladigan talablar:

· Maqola va tezislar yo‘nalishga oid dolzarb mavzularda, ilmiy va tugallangan fikrlarga asoslangan, taklif va tavsiyalar bilan taqdim etilishi lozim;

· Maqola va tezislar matni Word matn muharririda, Times New Roman shrifti, 14 o‘lchamida, 1,5 intervalda, sahifalar A4 formatda barcha tomonlardan 2 smdan qoldirilgan bo‘lishi va tezislar 3 betdan, maqolalar esa 5 betdan kam bo‘lmasligi tavsiya etiladi;

· Maqola sarlavha qismining birinchi qatorida maqolaning nomi, ikkinchi qatorda muallifning ismi, familiyasi va otasining ismi, uchinchi qatorida muallifning ish joyi, elektron manzili ko‘rsatiladi;

· Keyingi satrda annotatsiya va kalit so‘zlar bo‘lishi lozim;

· Ilmiy maqola va tezislar tuzilishi jihatidan quyidagi tartibda yozilgan bo‘lishi lozim: kirish, masalaning qo‘yilishi va tadqiqot usuli, tadqiqot natijalari va ularning muhokamasi, xulosa, foydalanilgan adabiyotlar.

· Maqoladagi jadval (chizma yoki rasm)lar manbalari aniq ko‘rsatilishi, qisqartma so‘zlarga izoh berilishi lozim.

Maqola va tezislarni 2025-yilning 10-aprel sanasiga qadar elektron shaklda yuborishingiz so‘raladi.

Anjuman oflayn va onlayn (ZOOM platformasi orqali) shaklda o‘tkaziladi.

Ko‘rsatilgan muddatda taqdim etilmagan materiallar to‘plamga kiritilmaydi va mualliflarga qaytarilmaydi. Anjuman materiallari to‘plami mualliflarning elektron manziliga yuboriladi.

Maqsad va vazifalari

Anjuman “Raqamli sanoat va avtomatlashtirish: texnologik jarayonlar va ishlab chiqarishni boshqarish tizimlarida innovatsion yechimlar ” ilmiy yo‘nalishi bilan bog‘liq bo‘lib, raqamli sanoat va avtomatlashtirish sohalaridagi zamonaviy innovatsion yechimlarni, texnologik jarayonlarni avtomatlashtirish va ishlab chiqarishni boshqarish tizimlaridagi o‘zgarishlarni rivojlantirish muammolarini va istiqbollari bo‘yicha o‘zaro fikr almashish, shuningdek, yosh olimlar, magistrantlar, doktorantlar va mutaxassislarning ilmiy-tadqiqot ishlari sifati va samaradorligini oshirishni maqsad qilgan. Ushbu tadbirda mamlakatimiz yetakchi olimlarining tajribalari o‘rganiladi, muhokama qilinadi va sanoat va texnologik jarayonlarni raqamlashtirishda yangi texnologiyalarni joriy etishning muhim jihatlari tahlil qilinadi.

Anjuman davomida raqamli sanoat va avtomatlashtirish tizimlarida zamonaviy yechimlar, shuningdek, ishlab chiqarishni boshqarish tizimlarida innovatsion yondashuvlar muhokama qilinadi, xalqaro standartlarga asoslangan tizimlar rivojlanishining istiqbollari va amaliy tadqiqotlari tahlil qilinadi. Shuningdek, raqamli sanoat va avtomatlashtirish sohasida malakali mutaxassislar tayyorlashda yuzaga kelayotgan muammolar va ularni hal qilish yo‘llari haqida ilmiy xulosalar va takliflar tayyorlanadi

Muhokama qilinadigan masalalar

· Avtomatlashtirish va boshqaruvning intellektual tizimlari.

· Mexatronika va robototexnikada ilg‘or texnologiyalar.

· Neft va gaz, kimyo muhandisligi texnologiyalarida innovatsion yechimlar.

· Yashil energiyani raqamlashtirish istiqbollari, energiya innovatsiyon texnika va texnologiyalar.


Anjuman statusi	Respublika
Mas'ul tashkilot	Qarshi muhandislik-iqtisodiyot instituti
Yo'nalishi	Sanoat, ishlab chiqarish, transport va logistika
Anjuman shakli	Anjuman
Viloyat	Qashqadaryo viloyati
Shahar(Tuman)	Qarshi shahri
Manzil	Qashqadaryo viloyati, Qarshi shahri, Mustaqillik shoh ko`chasi, 225-uy
Aloqa	+998752240289