Axborot xati

AXBOROT XATI

O‘zbekiston Respublikasi Oliy ta’lim, fan va innovatsiyalar vazirligining “2025 yilga mo‘ljallangan xalqaro va respublika miqyosida o‘tkaziladigan ilmiy va ilmiy-texnik tadbirlar rejasini tasdiqlash to‘g‘risida”gi buyrug‘iga muvofiq, 2025 yil 15-16 may kunlari “Yashil iqtisodiyot uchun zamonaviy elektr mashinalari va yuritmalarining rivoji (professor Xurshid Gʻozievich Karimovning 85 yillik yubileyiga bagʻishlanadi)” mavzusidagi respublika ilmiy-texnik anjumani o‘tkaziladi.

Anjumanda ishtirok etish uchun elektr energetikasi sohasida faoliyat ko‘rsatayotgan olimlar, tadqiqotchilar va mutaxassislar, yosh izlanuvchilar, doktorantlar, magistratura va bakalavr talabalari taklif etiladi.

Anjuman ishi quyidagi yo‘nalishlarda tashkil etiladi:

1. “Yashil iqtisodiyot” rivojlanishi uchun elektr mashinalari va yuritmalarning energiya samaradorligini oshirishning innovatsion texnologiyalari;

2. Qayta tiklanuvchan energiya manbalari integratsiyalashganelektr tarmoqlarida energiyadan ratsional foydalanish va optimallash masalalari;

3. Intellektual boshqaruv tizimlari va raqamli texnologiyalarni elektr energetikada qo’llash hamda energetika sohasi uchun malakali mutaxassislar tayyorlash masalalari;

4. Elektr stansiyalari va ekologiya masalalari.

Respublika ilmiy-texnik anjumani doirasida tezislar to‘plami va ilmiy maqolalar asosida “Energiya va resurs tejash muammolari” jurnalining maxsus soni tayyorlanib, chop etiladi.

Tezislarni rasmiylashtirishga qo‘yiladigan talablar:

- tezislar anjumanning ish sohalariga mos kelishi, yangilikka ega bo‘lishi, tadqiqot natijalari, ilmiy asoslangan taklif va tavsiyalarni o‘z ichiga olishi kerak;

- tezislar o‘zbek, qoraqalpoq, rus va ingliz tillarida taqdim etilishi mumkin.

- mualliflar nashrga taqdim etilgan materiallardagi ma’lumotlarning to‘g‘riligi uchun javobgardirlar.

Tezislar MS Word (Word 2010) matn muharririda tahrir qilinishi lozim. Times New Roman shriftida, 12 kegel kattaligida bo‘lishi kerak, tezisning umumiy hajmi 3 betni tashkil etadi. Format A4, yuqoridan va pastdan 2 sm, chapdan 1,75 sm va o‘ngdan 1,5 sm. Tezis nomi 1,5 intervalda bosh harflar bilan yozilishi; muallif(lar) ismi va familiyasi; 1,5 intervaldan asosiy matn 1 intervalli qatorlarda yoziladi.

Ilmiy maqolalarni rasmiylashtirishga qo‘yiladigan talablar:

- ilmiy maqolalar anjumanning ish sohalariga mos kelishi, yangilikka ega bo‘lishi, tadqiqot natijalari, ilmiy asoslangan taklif va tavsiyalarni o‘z ichiga olishi kerak;

- ilmiy maqolalar o‘zbek, qoraqalpoq, rus va ingliz tillarida taqdim etilishi mumkin. Maqolalarda UDK bo‘lishi, maqola sarlavhalari, o‘zbek, rus va ingliz tillaridagi rezyume hamda kalit so‘zlar bo‘lishi kerak;

- mualliflar nashrga taqdim etilgan materiallardagi ma’lumotlarning to‘g‘riligi uchun javobgardirlar.

Maqolalar ekspertiza akti xulosasi va fan doktori taqrizi bilan birgalikda tashkiliy qo‘mitaga taqdim etiladi. Alohida varoqda muallif(lar) haqida ma’lumotlar keltiriladi: F.I.Sh. - to‘liq, ish joyi, ilmiy darajasi, unvoni, lavozimi va telefon raqami.

Maqola va tezislar namunalarini https://t.me/icaipss2024 telegram kanali orqali yuklab olishingiz mumkin.

Anjumanda ishtirok etish uchun badal undirilmaydi.

Anjuman natijalari maxsus to‘plamda e’lon qilinadi hamda anjumanning har bir ishtirokchisi sertifikatlar bilan taqdirlanadi.

Chop etishga qabul qilinmagan tezis va maqolalar mualliflarga qaytarilmaydi.

Anjumanning muhim sanalari:

20.04.2024 – tezislar va maqolalarni topshirishning oxirgi kuni.

15-16.05.2025 - konferensiya o‘tkazilish kunlari.

Manzil: ToshDTU, Energetika muhandisligi fakulteti, “Elektr ta’minoti” kafedrasi.

Tezislar quyidagi manzilga yuboriladi:

Е-mail: sultonmk@mail.ru

Telefon: +99894-1644441 (@Sultonkhoja)

Mahmutxonov Sultonxo‘ja Kamolxo‘ja o‘g‘li.

Jurnal maqolalari quyidagi manzilga yuboriladi:

Е-mail: nuralibekrashidov@gmail.com

Telefon: +99891-9222893 (@N_R_X_2507)

Rashidov Nuralibek Xayriddinovich.

TASНKILIY QO‘MITA

Maqsad va vazifalari

Anjuman fan, ta’lim va ishlab chiqarishning integratsion jarayonlaridagi innovatsion texnologiyalarning ilmiy va tashkiliy asoslariga qaratiladi.

Anjuman respublika fan va texnologiyalari rivojlanishining II. “Energetika, energiya va resurs tejamkorlik” ustuvor yoʻnalishi bilan bogʻliq boʻlib, iqtisodiyot tarmoqlari va ijtimoiy sohada energiya sarfini qisqartirish, energiya tejamkor texnologiyalarni joriy qilish chora-tadbirlari dasturi toʻgʻrisida”gi qarorini amaliyotga joriy etish maqsadida Oʻzbekistonda muqobil va qayta tiklanuvchi energiya manbalarini rivojlanish, energiya tejamkor texnologiyalarini joriy etish va foydalanish xamda bugungi kundagi energetika sohasidagi boshqa dolzarb muammolarini ilmiy muhokamaga qoʻyish va tavsiyalarni ishlab chiqish, Respublikamizdagi ishlab chiqarish korxona va tashkilotlarida joriy etish boʻyicha muammolar va ularning yechimlari boʻyicha xulosa hamda takliflar tayyorlash.

- Oʻzbekiston Respublikasida mustaqillik yillarida energetika sohasidagi qilingan ishlar natijalarini sarhisob etish va yangi bosqich uchun innovatsion yoʻl, vosita va usullarini belgilab olish;

- Uzluksiz elektr energiyasi bilan ta’minlash va ishlab chiqarishdagi mavjud, suv va yoqilgi muammolarni tahlil etish va ular yechimlari boʻyicha ilmiy tadqiqot natijalaridan kelib chiqib tavsiyalar va xulosalarni ishlab chiqish;

- Oʻzbekistonda muqobil va qayta tiklanuvchi energiya manbalarini ishlab chiqarish tizimi hamkorligining istiqbol rivojlanish omillarini tahlil qilish va kelajakda barqaror rivojlanishni ta’minlash uchun mavjud muammolarni bartaraf etishga ilmiy yondashish.

- Energetika sohasida yukori malakali kadrlar tayyorlash jamiyatning barqaror rivojlanishidagi oʻrni va roli, uning ahamiyatli jihatlarini ta'lim tizimining barcha bosqichlari uchun ilmiy-nazariy va amaliy jihatdan muhokama qilish va belgilab olish.

Muhokama qilinadigan masalalar