Axborot xati

ILMIY-AMALIY ANJUMANNING AXBOROT XATI

2024 yil 16 mart kuni Farg‘ona davlat universitetida “Barqaror iqtisodiy taraqqiyotni ta’minlashda moliya va sug‘urta bozorlari rivojlanishining xususiyatlari: muammo va yechimlar” mavzusida respublika ilmiy-amaliy anjumani bo‘lib o‘tadi.

Anjuman ishtirokchilarini ro‘yxatga olish 9:00 dan 9:45 gacha davom etadi. Anjuman 10:00 da boshlanadi.

Ilmiy-amaliy anjumanda quyidagi yo‘nalishlardagi ilmiy-tadqiqot natijalari bo‘yicha muhokamalar o‘tkaziladi:

1-sho‘ba. - Sug‘urta sohasida yuqori malakali kadrlarni tayyorlashdagi muammolar va yechimlari.

2-sho‘ba. - Oliygohlarda iqtisodiyot yo‘nalishidagi ta’limni tadqiqot ishlari bilan uzviy bog‘likligini takomillashtirish.

3-sho‘ba. - Sug‘urta munosabatlarining halqaro miqiyosda rivojlanishi, muammolari va tajribalari.

4-sho‘ba. - Davlatlar buyudjetlari tuzilmalari va ular faoliyatini ijtimoiy sohaga yo‘naltirish omillari.

5-sho‘ba. Yashirin iqtisodiyotni kamaytirishning moliyaviy mexanizmlari

Diqqat: Taqdim etilgan tezislarda yuqorida ko‘rsatib o‘tilgan yo‘nalishlar bo‘yicha ilmiy-tadqiqot natijalari o‘z aksini topgan bo‘lishi shart.

O‘tkaziladigan ilmiy-amaliy anjumanda Respublikamiz Oliy va o‘rta maxsus ta’lim va ilmiy tadqiqot muassasalarining professor-o‘qituvchilari va mutaxassislari, ilmiy xodimlari, doktorantlari, magistrantlari hamda iqtidorli talabalari, shuningdek xorijiy oliy ta’lim muassasalari professor-o‘qituvchilari va tadqiqotchilari ishtirok etishi mumkin.

Taqdim etilayotgan maqola va anjuman materiallarini rasmiylashtirish tartibi:

1. Anjuman materiallari bir nusxada va elektron shaklda tezis (masalan: Xomidov_tezis) ko‘rinishida WORD 2007-2016 formatida Times New Roman shriftida, 12 kegl, satrlar oralig‘i 1,0 interval, sahifalar chapdan va yuqoridan 2,5 sm, pastdan va o‘ngdan 2 sm qoldirilgan holda bo‘lishi lozim.

2. Birinchi qatorda, sahifaning o‘rtasida bosh va qalin xarflar bilan maqolaning nomi, 2-qatorda muallifning ismi-sharifi, 3-qatorda muallifning ish joyi, lavozimi, ilmiy darajasi va unvoni, 4-qatordan maqola matni yoziladi.

3. Asosiy matn satrlar oralig‘i 1,0 intervalda, satr boshi – 1 sm, satrlarni eniga to‘g‘rilash, so‘zlarni boshqa qatorga ko‘chirish avtomatik tarzda bo‘lishi kerak.

4. Adabiyotlarning to‘liq ro‘yxati asosiy matndan so‘ng ko‘rsatilishi, manba va adabiyotlarga ishora (ssilka)lar asosiy matn ichida [1] ko‘rinishida bo‘lishi lozim.

5. Taqdim etilayotgan tezislar hajmi 3-6 betgacha bo‘lishi mumkin.

6. Anjuman materiallari o‘zbek, rus va ingliz tillarida qabul qilinadi.

7. Talablarga javob bermaydigan maqola va tezislar qabul qilinmaydi va muallifga qaytarilmaydi.

8. Ilmiy maqola va tezislar bepul qabul qilinadi.

Anjumanda ishtirok etish uchun tezislar 2024 yilning 15 mart kuniga qadar qabul qilinadi.

Tashkiliy qo‘mita maqolalarni tanlab olish huquqiga ega.

Tashkiliy qo‘mita tarkibi:

1. A.Achilov – tashkiliy qo‘mita raisi

2. X.Xaydarov – tashkiliy qo‘mita a’zosi

3. A.Ergashev – tashkiliy qo‘mita a’zosi

4. B.Xolmatov – tashkiliy qo‘mita a’zosi

5. D. O‘rinov – tashkiliy qo‘mita a’zosi

Manzil: Farg‘ona shahar, Murabbiylar ko‘chasi 19 uy.

Anjuman o‘tkazish uchun mas’ul: “Moliya” kafedrasi.

Maqola va tezislar quyidagi bog‘lanish orqali qabul qilinadi:

Tel.: +998 90 583 30 98 (telegramm) (O‘rinov Dilshodjon Axmadjonovich)

Maqsad va vazifalari

Maqsadi: Respublikamizda yosh tadqiqotchilarning ilmiy faolligini oshirish, iqtisodiy fanlarning zamonaviy rivojini kengroq yoritish, bu borada olib borilayotgan ilmiy tadqiqot ishlari natijalarini keng ommaga targ‘ib etish va amaliyotga joriy etishga ko‘maklashish, ilm-fan sohasidagi amalga oshirilayotgan ishlarda yoshlar ishtirokini, jamiyatdagi o‘rnini taʼminlash.

Vazifalari: Oliy ta’lim tizimida tahsil olayotgan iqtidorli yoshlarni qo‘llab-quvvatlash va ularni xalqaro integratsion jarayonlarda ishtirokini faollashtirish orqali korporativ innovatsion hamkorlikni mustahkamlashni ta’minlashdan iborat. Ilmiy-tadqiqot ishlarini olib borayotgan iqtidorli yoshlarning innovatsion g‘oyalari va ishlanmalarini tahlil qilish, baholash va rag‘batlantirish.

Muhokama qilinadigan masalalar

Respublikamizdagi iqisodiyot yo‘nalishida tahsil olayotgan iqtidorli yoshlarni innovatsion g‘oyalari va ishlanmalarini amalga oshirishning muammolari va yechimlari bo‘yicha o‘zaro fikr almashish. Shuningdek zamonaviy sharoitlarda jahon fani va innovatsiya faoliyatining yutuqlaridan keng foydalanish jamiyat va davlat hayotining barcha sohalarini izchil va barqaror rivojlantirishning, mamlakatning munosib kelajagini barpo etishning muhim omili bo‘lib bormoqda. O‘tgan davrda fan va texnologiyalarni rivojlantirish sohasida zarur infratuzilma yaratildi, muayyan intellektual va texnologik salohiyat shakllantirildi. Shu bilan birga, quyidagi tizimli muammolarning mavjudligi, innovatsion g‘oyalar va texnologiyalarni ishlab chiqish va joriy etish uchun mavjud imkoniyatlar va salohiyatdan yetarlicha foydalanmaslik ko‘zlangan islohotlarning samarali amalga oshirilishiga hamda mamlakatning jadal innovatsion rivojlanishiga to‘sqinlik qilayotgan muammolarni bartaraf etish.


Anjuman statusi	Respublika
Mas'ul tashkilot	Farg‘ona davlat universiteti
Yo'nalishi	Iqtisodiyot, davlat va jamiyat qurilishi
Anjuman shakli	Anjuman
Viloyat	Farg‘ona viloyati
Shahar(Tuman)	Farg‘ona shahri
Manzil	Farg'ona shahar, Murabbiylar ko'chasi 19 uy
Aloqa