О‘zbekistonda ta’lim muassasalarida psixologik xizmatni tashkil etishga zamonaviy yondashuv: nazariya va amaliyot

"OʻZBEKISTONDA TAʼLIM MUASSASALARIDA PSIXOLOGIK XIZMATNI TASHKIL ETISHGA ZAMONAVIY YONDASHUV: NAZARIYA VA AMALIYOT"

MAVZUSIDA RESPUBLIKA MIQYOSIDAGI ILMIY-AMALIY KONFERENTSIYA TO‘GʻRISIDA

AXBOROT XATI

Mustaqil O‘zbekistonni taraqqiyotining yuksalish bosqichida oliy ta’lim tizimida olib borayotgan islohotlari va ularning natijalari, global davr talablariga mos raqobatbardosh kadrlarni tayyorlash borasidagi so‘nggi yillarda amalga oshirilishi zarur bo‘lgan vazifalar, bu boradagi ilg‘or xorij tajribalar va oliy ta’lim tizimidagi yutuqlarni xulosalash, mavjud muammolarni aniqlash va ularni bartaraf etish bo‘yicha zarur takliflar berish va innovasion tajribalarni ilgari surish maqsadida 2025 yil 21-22 oktyabr kunlari Qo‘qon davlat Pedagogika instituti «Psixologiya» kafedrasida da "Oʻzbekistonda taʼlim muassasalarida psixologik xizmatni tashkil etishga zamonaviy yondashuv: nazariya va amaliyot" mavzusida xalqaro ilmiy-amaliy konferensiyasi o‘tkaziladi.

Mazkur xalqaro konferensiya O‘zbekiston Respublikasi Oliy ta’lim, fan va innovatsiyalar vazirining 2024-yil 27-dekabrdagi 490-sonli buyrug‘i 1-ilovasi bilan belgilangan «2025-yilda xalqaro miqyosida oʻtkaziladigan ilmiy va ilmiy-texnik tadbirlar» asosida (ro‘yxat raqami 292/292 ) o‘tkazilmoqda.

Konferensiya quyidagi shoʻbalar bo‘yicha tashkil etiladi:

I SHOʻBA: Globallashuv jarayonida yoshga xos ijtimoiylashuv muammolari

II SHOʻBA: Raqamli texnologiyalar asosida ta'lim muassasalarida psixologik xizmatni tashkil etish: muammo va yechimlar

III SHOʻBA: XXI asr oilasida etnopsixologik qadriyatlarni rivojlantirish jabhalari

IV SHOʻBA: Deviant xulqli bolalar bilan ishlashning zamonaviy modeli

Konferensiyada ishtirok etish uchun topshirilgan maqolalar uch tilda – o‘zbek, rus va ingliz tillarida qabul qilinadi. Ekspertlar kengashida ko‘rib chiqilib, ijobiy taqriz olgan maqolalar konferensiya materiallariga kiritiladi va ilmiy to‘plam shaklida nashr etiladi.Konferensiya tahrir hay’ati maqola matnini qisqartirish va unga tahririy o‘zgartirishlarkiritishga haqlidir. Maqolada keltirilgan ma’lumotlarning haqqoniyligiga mualliflar mas’uldirlar.

Maqolalar 15 oktyabr kuniga qadar tashkiliy qo‘mitaning vohidmuxammedovich31@gmail.com elektron pochtasi orqali yoki ma’lumot tashuvchi vositada, elektron varianti hamda qog‘oz nusxasi bilan birga qabul qilinadi.

MAQOLANI RASMIYLASHTIRISHGA QO‘YILGAN TALABLAR:

1. Matn shrifti – «Times New Roman», shrift o‘lchami – 14, qatorlar orasidagi interval – 1,15 sm. Sahifa o‘lchamlari – A-4 format, yuqori va pastdan – 2 sm, chapdan – 3 sm, o‘ngdan – 1,5 sm.

2. Maqolaning umumiy hajmi 3 betdan kam bo‘lmasligi hamda 7 betdan oshmasligi, uning matni shaklan 2-betdagi namuna asosida rasmiylashtirilishi lozim.

3. Maqola qaysi tilda yozilganligidan kelib chiqib, unda ikki tilda (o‘zbek tilidagimaqolalar uchun rus va ingliz; rus tilidagi maqolalar uchun o‘zbek va ingliz; ingliz tilidagi maqolalar uchun o‘zbek va rus) o‘rtacha 30 ta so‘z (200 ta bosma harf)dan iborat maqolaning umumiy mohiyatini ochib beruvchi annotatsiya hamda kalit so‘z va iboralar (kamida 7 ta) bo‘lishi shart. Bunda,annotatsiyahamdakalitso‘zvaiboralar 12 shrift, 1,15intervaldayoziladi.

4. Iqtibos olingan yoki foydalanilgan adabiyot satr osti izohi tarzida emas, balki maqola oxirida umumiy ro‘yxatda ko‘rsatiladi. Bunda, matn ichidagi ko‘chirmadan so‘ng, iqtibos olingan asarning tartib raqami va sahifasi to‘rtburchak qavs ichida beriladi. Misol uchun [5].

5. Foydalanilgan manba va adabiyotlar ro‘yxatini alifbo tarzida shakllantirish tavsiya etiladi. Bunda, har bir adabiyotning barcha nashr ko‘rsatkichlari (muallif(lar), nashr nomi, shahar,nashriyot, yil, umumiy sahifa hajmi) yozilishi shart.

6. Konferensiya materiallarida mundarija hamda mualliflar bo‘limini shakllantirish
uchun maqola so‘nggida muallif (lar) to‘g‘risidagi to‘liq ma’lumot (F.I.Sh; ilmiy daraja va unvoni;ish joyi va lavozimi; telefon raqami) o‘zbek, rus va ingliz tillarida ilova qilinadi.

Konferensiya ishtirokchilariga maqolalar to‘plami (elektron holda) va sertifikat beriladi.

Manzil: 100074, Farg‘ona viloyati, Qo‘qon shahri, Turon ko‘chasi, 63 uy, Qo‘qon DPI, 3-o‘quv binosi binosi, 8-qavat, Psixologiya kafedrasi.

Telefonlar: +998 90 628 67 27

+998 90 570 77 04

E-mail: vohidmuxammedovich31@gmail.com

Konferensiya tashkilotchisi: Pedagogika va ijtimoiy fanlar fakulteti, Psixologiya kafedrasi.


Anjuman statusi	Respublika
Mas'ul tashkilot	Qo‘qon davlat pedagogika instituti
Yo'nalishi	Fan va ta'lim
Anjuman shakli	Anjuman
Viloyat	Farg‘ona viloyati
Shahar(Tuman)	Qo‘qon shahri
Manzil	Qo‘qon Davlat Pedagogika instituti, Farg‘ona viloyati, Qo‘qon shahar, Turon ko‘chasi 23 uy
Aloqa	+99 890 292 35 47

Axborot xati

Maqsad va vazifalari

Muhokama qilinadigan masalalar