Axborot xati

"Yangi O'zbekistonda kambag'allikni qisqartirishning g'oyaviy, ma'naviy va huquqiy asoslari"

MAVZUSIDAGI RESPUBLIKA ILMIY AMALIY KONFERENSIYA TO‘GʻRISIDA

AXBOROT XATI

Ushbu rejalashtirilayotgan konferensiyaning maqsadi Yangi O'zbekistonning kambag'allikni qisqartirish borasidagi tashabbuslarini tahlil qilish, g'oyaviy, ma'naviy va huquqiy asoslarni chuqur o'rganish va bu yo'nalishdagi samarali siyosatlarni shakllantirishga hissa qo'shishdir. Konferensiya orqali ishtirokchilarni yangi iqtisodiy va ijtimoiy siyosatlarni amalga oshirishda kambag'allikni qisqartirishning o'ziga xos tamoyillari bilan tanishtirish, mavjud yutuqlarni baholash va kelgusidagi chora-tadbirlarni aniqlash maqsadida 2025 yil 15-16 may kunlari Qo‘qon davlat Pedagogika institutida "Yangi O'zbekistonda kambag'allikni qisqartirishning g'oyaviy, ma'naviy va huquqiy asoslari" mavzusida respublika ilmiy-amaliy konferensiyasi o‘tkaziladi.

Mazkur xalqaro konferensiya O‘zbekiston Respublikasi Oliy ta’lim, fan va innovatsiyalar vazirining 2024-yil 27-dekabrdagi 490-sonli buyrug‘i 1-ilovasi bilan belgilangan «2025-yilda respublika miqyosida oʻtkaziladigan ilmiy va ilmiy-texnik tadbirlar» asosida (ro‘yxat raqami 292/292 ) o‘tkazilgan.

Konferensiya quyidagi shoʻbalar bo‘yicha tashkil etiladi:

I SHOʻBA: Yangi O‘zbekistonda kambag‘allikka qarshi kurashning g‘oyaviy va mafkuraviy asoslari

II SHOʻBA Kambag‘allikni qisqartirishda ma’naviyat va ta’limning roli

III SHOʻBA: Iqtisodiy islohotlar va huquqiy mexanizmlarning kambag‘allikka ta’siri

IV SHOʻBA: Hududiy rivojlanish va kambag‘allikni qisqartirishning innovatsion usullari

Konferensiyada ishtirok etish uchun topshirilgan maqolalar uch tilda – o‘zbek, rus va ingliz tillarida qabul qilinadi. Ekspertlar kengashida ko‘rib chiqilib, ijobiy taqriz olgan maqolalar konferensiya materiallariga kiritiladi va ilmiy to‘plam shaklida nashr etiladi. Konferensiya tahrir hay’ati maqola matnini qisqartirish va unga tahririy o‘zgartirishlarkiritishga haqlidir. Maqolada keltirilgan ma’lumotlarning haqqoniyligiga mualliflar mas’uldirlar.

Maqolalar 2025-yil 12-may kuniga qadar tashkiliy qo‘mitaning azizaktiv@gmail.com. elektron pochtasi orqali yoki ma’lumot tashuvchi vositada, elektron varianti hamda qog‘oz nusxasi bilan birga qabul qilinadi.

MAQOLANI RASMIYLASHTIRISHGA QO‘YILGAN TALABLAR:

1. Matn shrifti – «Times New Roman», shrift o‘lchami – 14, qatorlar orasidagi interval – 1,15 sm. Sahifa o‘lchamlari – A-4 format, yuqori va pastdan – 2 sm, chapdan – 3 sm, o‘ngdan – 1,5 sm.

2. Maqolaning umumiy hajmi 3 betdan kam bo‘lmasligi hamda 7 betdan oshmasligi, uning matni shaklan 2-betdagi namuna asosida rasmiylashtirilishi lozim.

3. Maqola qaysi tilda yozilganligidan kelib chiqib, unda ikki tilda (o‘zbek tilidagi maqolalar uchun rus va ingliz; rus tilidagi maqolalar uchun o‘zbek va ingliz; ingliz tilidagi maqolalar uchun o‘zbek va rus) o‘rtacha 30 ta so‘z (200 ta bosma harf)dan iborat maqolaning umumiy mohiyatini ochib beruvchi annotatsiya hamda kalit so‘z va iboralar (kamida 7 ta) bo‘lishi shart. Bunda, annotatsiya hamda kalit so‘z va iboralar 12 shrift, 1,15 intervalda yoziladi.

4. Iqtibos olingan yoki foydalanilgan adabiyot satr osti izohi tarzida emas, balki maqola oxirida umumiy ro‘yxatda ko‘rsatiladi. Bunda, matn ichidagi ko‘chirmadan so‘ng, iqtibos olingan asarning tartib raqami va sahifasi to‘rtburchak qavs ichida beriladi. Misol uchun [5].

5. Foydalanilgan manba va adabiyotlar ro‘yxatini alifbo tarzida shakllantirish tavsiya etiladi. Bunda, har bir adabiyotning barcha nashr ko‘rsatkichlari (muallif(lar), nashr nomi, shahar,nashriyot, yil, umumiy sahifa hajmi) yozilishi shart.

6. Konferensiya materiallarida mundarija hamda mualliflar bo‘limini shakllantirish
uchun maqola so‘nggida muallif (lar) to‘g‘risidagi to‘liq ma’lumot (F.I.Sh; ilmiy daraja va unvoni; ish joyi va lavozimi; telefon raqami) o‘zbek, rus va ingliz tillarida ilova qilinadi.

Konferensiya ishtirokchilariga maqolalar to‘plami (elektron holda) va sertifikat beriladi.

Manzil: 100074, Farg‘ona viloyati, Qo‘qon shahri, Turon ko‘chasi, 63 uy, Qo‘qon DPI, 3-o‘quv binosi binosi, 3-4-qavat, Milliy g’oya va ma’naviyat asoslari va huquq ta’limi kafedralari.

Telefonlar: +998-944990417, 916884914

E-mail: azizaktiv@gmail.com.

Konferensiya tashkilotchisi: Pedagogika va ijtimoiy fanlar fakulteti, Milliy g’oya va ma’naviyat asoslari va huquq ta’limi kafedralari.

Maqsad va vazifalari

Anjuman Yangi O'zbekistonning ijtimoiy, iqtisodiy va huquqiy islohotlaridagi muvaffaqiyatlar kambag'allikni kamaytirish va jamiyatda farovonlikni oshirishga qaratilgan asosiy strategiyalar sifatida ilmiy o’rganishni nazarda tutadi. Anjuman maqsadi – Yangi O'zbekistonning kambag'allikni qisqartirish borasidagi tashabbuslarini tahlil qilish, g'oyaviy, ma'naviy va huquqiy asoslarni chuqur o'rganish va bu yo'nalishdagi samarali siyosatlarni shakllantirishga hissa qo'shishdir. Konferensiya orqali ishtirokchilarni yangi iqtisodiy va ijtimoiy siyosatlarni amalga oshirishda kambag'allikni qisqartirishning o'ziga xos tamoyillari bilan tanishtirish, mavjud yutuqlarni baholash va kelgusidagi chora-tadbirlarni aniqlash maqsad qilingan. Anjumanning vazifasi sifatida: Yangi O'zbekistonning iqtisodiy va ijtimoiy rivojlanish strategiyasida kambag'allikni qisqartirishning o'rni va bu boradagi tashabbuslarni o’rganish; jamiyatdagi ijtimoiy tenglik, ma'naviyatni yuksaltirish orqali kambag'allikni kamaytirish yo'llarini ishlab chiqish; Kambag'allikni qisqartirishga qaratilgan qonunlar va me'yoriy hujjatlar, davlat siyosatining samaradorligini tahlil qilish; Kambag'allikni qisqartirishda amalga oshirilgan amaliy chora-tadbirlar va ular orqali erishilgan muvaffaqiyatlar, shuningdek, istiqboldagi tavsiyalar kabi masalalarni o’z ichiga oladi.

Muhokama qilinadigan masalalar

Mamlakatimizdagi soha olimlari bilan hamkorlikda daromadlar orasidagi tafovutlarning kuchayishi va uning ijtimoiy barqarorlikka ta'siri; Kambag’allika qarshi kurashda ijtimoiy ongda adolat, halollik, ilm-ma’rifatga intilish, xayriya va saxovat, ijtimoiy ma’suliyat kabi ma’naviy kategoriyalarni rivojlantirish zarurati; ijtimoiy ongda “kambag’allik – taqdirdir” tendensiyasiyasini bartaraf etish zarurati; OAV, san’at, madaniy, diniy ta’limotlarda kambag’allikni qoralovchi qadriyatlarni targ’ib qilish; ish o'rinlari yеtishmovchiligi va ayniqsa yoshlar orasidagi ishsizlik; aholining ehtiyojmand qatlamlari uchun sifatli ta'lim olishda cheklovlar; ish bozorining talablariga mos kelmaydigan o'quv dasturlari; innovatsion startaplar va yangi kasblar uchun yoshlarda rag'batning zaifligi; nafaqalar miqdorining yеtarli emasligi va ularni ajratishdagi samaradorlik muammolari; kambag'allik mezonlarini belgilash va ma'lumotlarning aniq emasligi; mahallalarning kambag'allikni qisqartirish jarayonidagi rolining cheklanganligi; xususiy investitsiyalarni rag'batlantirishda huquqiy mexanizmlarning cheklanganligi; yеr resurslarini samarali boshqarish va fermerlarni qo'llab-quvvatlash muammolari; qishloq aholisining ish qidirish maqsadida shahar yoki chet elga chiqib ketishi; rivojlangan davlatlar tajribasini O'zbekiston sharoitiga moslashtirishdagi qiyinchiliklar; kambag'allikni qisqartirishga qaratilgan siyosiy, iqtisodiy va ijtimoiy strategiyalarni qayta ko'rib chiqish zarurati; amaldagi dasturlarning samaradorligini oshirish uchun takliflar ishlab chiqish; davlat va xususiy sektor o'rtasidagi hamkorlikni yanada kuchaytirish; xalqaro moliyaviy va texnik ko'makdan samarali foydalanish yo'llarini aniqlash va loyihalarni rivojlantirish muammolari muhokama qilinadi va Ўzaro fikr almashiniladi.


Anjuman statusi	Respublika
Mas'ul tashkilot	Qo‘qon davlat pedagogika instituti
Yo'nalishi	Fan va ta'lim
Anjuman shakli	Anjuman
Viloyat	Farg‘ona viloyati
Shahar(Tuman)	Qo‘qon shahri
Manzil	Qo‘qon Davlat Pedagogika instituti, Farg‘ona viloyati, Qo‘qon shahar, Turon ko‘chasi 23 uy
Aloqa	+998-944990417, 916884914