Axborot xati Maqsad va vazifalari Muhokama qilinadigan masalalar

Axborot xati

2025 yil 12 may kuni Mirzo Ulugʻbek nomidagi Oʻzbekiston Milliy universitetining Tarix fakulteti “Oʻzbekistonning eng yangi tarixi” kafedrasi tomonidan «Buyuk olim va davlat arbobi Mirzo Ulugʻbekning ilmiy ma'rifiy merosi – XXI asr yoshlari nigohida» mavzusida iqtidorli talabalar va magistrlar uchun respublika ilmiy-amaliy anjumanini oʻtkazish rejalashtirilgan.

Konferensiyada iqtidorli talaba-yoshlar hamda magistrlar tezislar bilan ishtirok etishlari mumkin. Anjumanda quyidagi shoʻbalar faoliyat koʻrsatadi:

· 1-shoʻba - Temuriylar davri renessansi: ilm-fan, madaniyatning gullab-yashnashi.

· 2-shoʻba - Mirzo Ulugʻbek buyuk olim va madaniyat homiysi.

· 3-shoʻba - Mirzo Ulugʻbek hukmronligi davrida Samarqand akademiyasi. Aniq va tabiiy fanlar rivoji

· 4-shoʻba - XXI asrda Mirzo Ulugʻbek ilmiy-ma'rifiy merosining oʻrganilishi.

Ilmiy-amaliy anjuman materiallari kitob shaklida chop etiladi. Maqolalarni rasmiylashtirishda quyidagi talablarga rioya etilishi lozim:

- A 4 format, 14 shrift, 1.5 interval, WINWORD XP, WORD 97-2003 yoki 2007, 5 betgacha qogʻoz varianti;

- materiallarning elektron variantini oʻzbek guruhi talabalari J.Polvonov (+998 97 7765565), D.Raxmonberdiev (+998 99 327 95 95)larning telegram raqamiga taqdim etiladi;

- oʻng tomon burchakda talaba ism sharifi, tahsil olayotgan fakulteti, oliy oʻquv yurti, varaq oʻrtasida maqolaning mavzusi yoziladi;

- iqtibos (snoska)lar pastda, har biri yangi betda 1 raqamidan boshlanadi.

Maqolalarni elektron varianti va qogʻoz shakli topshirilishi shart. Anjuman materiallari 5 betgacha boʻlgan hajmda oʻzbek, rus, ingliz tillarida 2025 yil 10 aprelga qadar qabul qilinadi.

Mavzuga oid boʻlmagan matnlar chop etilmaydi va egalariga qaytarilmaydi.

Tashkiliy qoʻmita manzili: OʻzMU, Tarix fakulteti “Oʻzbekistonning eng yangi tarixi” kafedrasi 2-qavat 210 xona.

Maqsad va vazifalari

Oʻtkaziladigan anjuman Prezident Sh.M.Mirziyoyevning 2024 yil 12 sentyabrda qabul qilgan “Buyuk qomusiy olim va mashhur davlat arbob Mirzo Ulugʻbek tavalludining 630 yilligini keng nishonlash toʻgʻrisida”gi qarori bilan bogʻliq

30- Mustaqillik yillarida, xususan Oʻzbekiston rivojlanishining yangi bosqichi davrida ajdodlar buyuk ma'naviy merosiga boʻlgan e'tibor va ehtirom davlatimiz siyosatining uzviy boʻlagiga aylandi. Respublikamiz Prezidenti Sh.M.Mirziyoev tashabbusi va rahnamoligi ostida yurtimizda amalga oshirilayotgan keng qamrovli islohotlar, ma'naviy yangilanishlar bois shonli tarix va boy ma'naviy qadriyatlar egasi boʻlmish oʻzbek xalqining buyuk allomalari, olimlari ilmiy-ma'rifiy merosiga boʻlgan e'tibor bugungi kundagi ilmga, ma'rifatga, bilimga boʻlgan e'tibor bilan uygʻun tarzda, ajdodlar ruhi cheksiz ehtirom koʻrsatilmoqda. Xususan, mamlakatimiz Prezidenti Sh.M.Mirziyoevning 2024 yil 12 sentyabrda qabul qilgan “Buyuk qomusiy olim va mashhur davlat arbob Mirzo Ulugʻbek tavalludining 630 yilligini keng nishonlash toʻgʻrisida”gi qarori yuqoridagi mulohazalarga mantiqiy javob boʻlib hisoblanadi. Mazkur qarorga koʻra buyuk olim va davlat arbobi Mirzo Ulugʻbekning 630 yillik tavallud yubileyi yurtimiz va xalqaro miqyosda keng nishonlanishi rejalashtirildi. Ma'lumki, OʻzMU tarix fakulteti “Oʻzbekistonning eng yangi tarixi” kafedrasi mana bir necha yillardan buyon 12-may Milliy universitet tashkil topgan sanaga bagʻishlab, iqtidorli talabalarning an'anaviy anjumanlarini oʻtkazib kelmoqda. Masala mohiyati dolzarblik jihati, yosh avlodni yurtga sadoqat, vatanparvarlik gʻoyalarida tarbiyalash va uni keng targʻib etish, ilm-fan sohasiga boʻlgan e'tiborlarini yanada yuksaltirish.

Muhokama qilinadigan masalalar