Ishlab chiqarish, fan va ta’lim integratsiyasi-2024: paxta-to‘qimachilik klasterlarida dual ta’lim va innovasion faoliyat samaradorligini oshirish muammolari hamda yechimlari

AXBOROT XATI

O‘zbekiston Respublikasi Oliy ta'lim, Fan va Innovatsiyalar vazirining 2024 yil 20-martdagi № 76-sonli buyrug‘ining 2-ilovasi hamda O‘zbekiston Respublikasi Prezidentining “Paxta-to'qimachilik klasterlari faoliyatini tartibga solish chora-tadbirlari to‘g‘risida” 2021-yil 16-noyabrdagi PF-14-son farmoni, asosan, Namangan to‘qimachilik sanoati institutida “ISHLAB CHIQARISH, FAN VA TA’LIM INTEGRATSIYASI-2024: PAXTA TO‘QIMACHILIK KLASTERLARIDA DUAL TA’LIM VA INNOVATSION FAOLIYAT SAMARADORLIGINI OSHIRISH MUAMMOLARI HAMDA YECHIMLARI” mavzusida Namangan muhandislik-texnologiya instituti, Farg‘ona politexnika instituti, Toshkent to‘qimachilik va yengil sanoat instituti, Auzov nomidagi Janubiy Qozog‘iston Davlat universiteti, Misr davlatining o’rta sharq texnika universiteti, Turkiya davlatining Gazi universiteti, EGE universiteti, Karabuk universiteti, Italiya davlatining Milano Politekniko universiteti, Misr davlatining Mansoura universiteti bilan hamkorlikda Namangan to‘qimachilik sanoati instituti innovatsiyalar va texnologiyalar transferi markazi tomonidan

2024 yil 18-19 aprel kunlari Xalqaro ilmiy-amaliy anjuman o‘tkazadi.

Xalqaro ilmiy anjumanda ishtirok etish uchun quyidagi yo‘nalishlar bo‘yicha materiallar taqdim etish mumkin:

1. Paxta-to‘qimachilik klasterlari korxonalarida dual ta’limni tashkil etish va samaradorligini oshirish muammolari;

2. Paxta-to‘qimachilik klasterlarida xomashyoni chuqur qayta ishlash asosida mahsulot ishlab chiqarish samaradorligini oshirishning innovatsion-texnologik muammolari;

3. Paxta-to‘qimachilik klasterlarida xomashyoni chuqur qayta ishlash asosida mahsulot ishlab chiqarish samaradorligini oshirishning tashkiliy-iqtisodiy muammolari;

4. Paxta-to‘qimachilik klasterlarida dual ta’lim va mahsulot ishlab chiqarish samaradorligini oshirishda xalqaro tajriba.

Anjuman qatnashchilari: Anjumanga xorijiy olimlari, korxona, kompaniyalar, klasterlar va vazirlik mutaxassislari, professor-o‘qituvchilar, doktorantlar, izlanuvchilar, mustaqil tadqiqotchilar, magistrantlar va talabalar taklif etiladi.

Anjuman materiallari chop etiladi va anjumanda ishtirok etgan mualliflarga elektron nusxada tarqatiladi. Anjumanga taqdim qilingan va belgilangan talablarga mos keluvchi ilmiy maqolalar mualliflar xoxishiga binoan Scopus xalqaro ma’lumotlar bazasida indeksatsiya qilish uchun taqdim etiladi.

Maqola va tezislarni rasmiylashtirish bo‘yicha talablar:(Bunda IMRAD talabi qo‘yiladi)

Ø Maqola va tezislar Times New Roman shriftida hamda 14 o‘lchamdagi shriftda,

1intervalda, oshmagan holda tahrir qilingan bo‘lishi lozim;

Ø Annotatsiya 5-6 qator, kalit so‘zlar bilan o‘zbek, rus, ingliz tillarida bo‘lishi kerak;

Ø Matnning oxirida alohida ilmiy-nazariy ahamiyatga molik taklif va tavsiyalar berilishi shart;

Ø Matnning joylashtirishda sahifaning chegaralari: yuqoridan - 2,5 sm, pastdan - 2,5 sm, o‘ngdan - 1,5 sm, chapdan - 2,5 sm. o‘lchamda belgilanadi;

Ø Maqola va tezislar elektron variantda DOC formatida har bir shu’ba nomi ko‘rsatiladi.

Ø (Namuna: X. Yuldashev.1-yo‘nalish) nomlangan holda takdim etiladi;

Ø O‘zbek va rus, ingiliz tillaridagi anjuman materiallari to‘plami mualliflar hisobidan nashr etilishini e’tiborga olib, qabul qilingan maqolalarning har bir beti uchun mualliflar 15 000 (o‘n besh ming) so‘mdan miqdorda tashkiliy badal mablag‘larini to‘lashlari lozim.

Ø Maqola va ma’ruza mavzusining yuqorisida muallifning ismi, sharifi, lavozimi, ilmiy darajasi va unvoni, ish joyi, telefoni va elektron manzili to‘lik ko‘rsatilishi kerak.

Ø Ingliz tilida taqdim qilingan va anjuman tahririyati tavsiya etgan ilmiy maqolalarga Scopus bazasida indeksatsiya qilish uchun 2990 ming so‘m qiymatida to‘lov talab etiladi.

Scopus bazasida indikslanadigan maqolalar telegram manziliga https://t.me/YoldX yoki yoldashev93992020@mail.ru yuborishingiz mumkin. Scopus bazasida indikslanadigan maqolalar uchun qabul qilish alohida to‘lov talab etiladi. (To’lov quyidagi plastik raqamiga qabul qilnadi (4455 5500 1899 4398 (Humans)).

Onlayn ishtirok etish uchun quyidagi xavola orqali ZOOM platformasiga ulanishingiz mumkin:
https://us06web.zoom.us/j/83723603551?pwd=zI7EXugFwvM3L1T2Jg0ActGRJ9ParQ.1

Eslatma: Maqola anjumanning qaysi yo‘nalishiga mo‘ljallanganligi aniq ko‘rsatilishi lozim.

Tegishli talablarga javob bermaydigan, ilmiy-amaliy tavsiyaga ega bo‘lmagan va kechikib topshirilgan ishlar anjuman materiallariga kiritilmaydi va muallifga qaytarilmaydi.

Maqola va tezislarga to‘lovni to‘lov rekviziti: NTSI hisob raqami 400110860144017094100350001 orqali qabul qilinadi.

Xalqaro ilmiy-amaliy anjumanda puxta tahrirlangan materiallar qabul qilinadi hamda to‘plamda chop etiladi.

Anjumanga materiallarni 2024 yil 17 aprelgacha https://t.me/YoldX yoki khasanboy-yuldashev@mail.ru elektron manziligayuborishingiz mumkin.

Bog‘lanish uchun telefonlar: X.Yo‘ldashev: +998 99 3205024, R.Muradov: +998 94 272 94 56, O.Sarimsakov: +998 99 979 60 08. Tashkiliy qo‘mita manzili: Namangan shahri, Davlatobod tumani, Janubiy aylanma yo‘li ko‘chasi, 17-uy


Anjuman statusi	Xalqaro
Mas'ul tashkilot	Namangan to'qimachilik sanoati instituti
Yo'nalishi	Fan va ta'lim
Anjuman shakli	Anjuman
Viloyat	Namangan viloyati
Shahar(Tuman)	Namangan shahri
Manzil	Namangan "Gulobod" MFY janubiy aylanma yo`li ko`chasi 17-uy
Aloqa	+998 (95)-200-43-04 +998 (95)-400-43-04 +998 (55)-251-43-04

Axborot xati

Maqsad va vazifalari

Muhokama qilinadigan masalalar