Axborot xati Maqsad va vazifalari Muhokama qilinadigan masalalar

Axborot xati

O‘ZBEKISTON RESPUBLIKASI OLIY TA’LIM, FAN VA INNOVATSIYaLAR VAZIRLIGI ISLOM KARIMOV NOMIDAGI TOShKENT DAVLAT TEXNIKA UNIVERSITETI

AXBOROT XATI

O‘zbekiston Respublikasi Oliy ta’lim, fan va innovatsiyalar vazirligining “2024 yilga mo‘ljallangan xalqaro va respublika miqyosida o‘tkaziladigan ilmiy va ilmiy-texnik tadbirlar rejasini tasdiqlash to‘g‘risida” gi buyrug‘iga muvofiq, 2024 yil 19-20 dekabr kunlari Toshkent davlat texnika universitetida “ENERGIYa SAMARADORLIGI-2024. ZAMONAVIY TEXNOLOGIYaLAR - O‘ZBEKISTON ENERGETIKASI RIVOJINING ASOSI” mavzusida Xalqaro ilmiy-texnik konferensiyasi o‘tkaziladi.

Anjumanda ishtirok etish uchun olimlar, tadqiqotchilar va mutaxassislar, yosh tadqiqotchilar, doktorantlar, magistratura va bakalavr talabalari taklif yetiladi.

Anjuman ishi quyidagi yo‘nalishlarda tashkil etiladi:

1. Yoqilg‘i-energetika kompleksini global tranformatsiyalashda yangi yondashuvlar, energiyasamaradorligi, energiya va resurs tejamkorligi.

2. Innovatsion elektr energetika: detsentralizatsiya, raqamlashtirish, intellektuallashtirish, dekarbonizatsiya.

3. Zamonaviy issiqlik energetikasi: fan va amaliyot masalalari.

4. Qayta tiklanuvchi, atom va vodorod energetikasi asosida energetik tizimlar: ishlatilishi, modernizatsiyasi, rivojlanishi.

5. Suv energetikasi muammolari va Markaziy Osiyo mamlakatlarining bu sohadagi hamkorligi.

6. Zamonaviy energetika uchun mutaxassislar tayyorlash: tajriba, uslubiyat, muammolar, istiqbollar.

Maqolalarni rasmiylashtirishga qo‘yiladigan talablar:

- ilmiy maqolalar anjumanning ish sohalariga mos kelishi, yangilikka ega bo‘lishi, tadqiqot natijalari, ilmiy asoslangan taklif va tavsiyalarni o‘z ichiga olishi kerak;

- ilmiy maqolalar o‘zbek, rus va ingliz tillarida taqdim etilishi mumkin. Maqolalarda UDK bo‘lishi, maqola sarlavhalari, o‘zbek, rus va ingliz tillaridagi rezyume hamda kalit so‘zlar bo‘lishi kerak;

- mualliflar nashrga taqdim etilgan materiallardagi ma’lumotlarning to‘g‘riligi uchun javobgardirlar.

Maqolalar namunaga muvofiq rasmiylashtirilishi lozim.

Anjumanda ishtirok etish uchun hech qanday badal undirilmaydi.

Chop etishga qabul qilinmagan maqolalar mualliflarga qaytarilmaydi.

Maqola va tezislar namunalarini https://t.me/icaipss2024 telegram kanali orqali yuklab olishingiz mumkin.

“ENERGIYa SAMARADORLIGI-2024. ZAMONAVIY TEXNOLOGIYaLAR - O‘ZBEKISTON ENERGETIKASI RIVOJINING ASOSI” mavzusidagi anjuman tashkiliy qo‘mitasi tomonidan tavsiya etilgan maqolalar “Energiya va resurslarni tejash muammolari” jurnalining navbatdagi sonida e’lon qilinadi.

Anjumanning muhim sanalari:

15.11.2024 - maqolalar topshirishning oxirgi kuni.

19-20.12.2024 - konferensiya o‘tkazish kunlari.

Manzil: ToshDTU, Energetika muhandisligi fakulteti, "Elektr ta’minoti" kafedrasi, №323 xona. Murojaatlar uchun @no_mon2422. Niyozov No‘mon Nizomiddinovich.

TAShKILIY QO‘MITA

Maqsad va vazifalari

Anjuman maqsadi

Anjuman respublika fan va texnologiyalari rivojlanishining II. «Energetika, energiya va resurs tejamkorlik» ustuvor yo‘nalishi bilan bog‘lik bo‘lib, iqtisodiyot tarmoqlari va ijtimoiy soxada energiyasarfini qisqartirish, energiya tejamkor texnologiyalarni joriy qilish chora-tadbirlari dasturi to‘g‘risida» gi qarorini amaliyotga joriy etish maqsadida O‘zbekistonda muqobil va qayta tiklanuvchi energiya manbalarini rivojlanish, energotejamkor texnologiyalarini joriy etish va foydalanish xamda bugungi kundagi energetika soxasidagi boshqa dolzarb muammolarini ilmiy muhokamaga qo‘yish va tavsiyalarni ishlab chiqish, Respublikamizdagi ishlab chiqarish korxona va tashkilotlarida joriy etish bo‘yicha muammolar va ularning yechimlari bo‘yicha xulosa hamda takliflar tayyorlash.

Anjumanning vazifalari

O‘zbekiston Respublikasida mustaqillik yillarida energetika soxasidagi qilingan ishlar natijalarini sarhisob etish va yangi bosqich uchun innovatsion yo‘l, vosita va usullarini belgilab olish;

Uzluksiz elektr energiyasi bilan ta’minlash va ishlab chiqarishdagi mavjud, suv va yoqilgi muammolarni tahlil etish va ular yechimlari bo‘yicha ilmiy tadqiqot natijalaridan kelib chiqib tavsiyalar va xulosalarni ishlab chiqish;

O‘zbekistonda muqobil va qayta tiklanuvchi energiya manbalarini ishlab chiqarish tizimi hamkorligining istiqbol rivojlanish omillarini tahlil qilish va kelajakda barqaror rivojlanishni ta’minlash uchun mavjud muammolarni bartaraf etishga ilmiy yondashish.

Energetika soxasida yukori malakali kadrlar tayyorlash jamiyatning barqaror rivojlanishidagi o‘rni va roli, uning ahamiyatli jihatlarini ta’lim tizimining barcha bosqichlari uchun ilmiy-nazariy va amaliy jihatdan muhokama qilish va belgilab olish.

Muhokama qilinadigan masalalar