GREEN WORLD III xalqaro landshaft ekofestivali doirasida "Yer kuni" xalqaro anjuman

AXBOROT XATI
Hurmatli tashabbuskor, ijodkor va befarq bo‘lmagan yoshlar!

Insonning atrof-muhitga ongli ravishda noto‘g‘ri ta’siri, tabiatga iste’molchi munosabati kun sayin misli ko‘rilmagan darajaga yetib bormoqda. Bu holat o‘z vaqtida keskin choralar ko‘rilmasa, global falokatga olib kelishi mumkin. Ekologik muammolar esa inson salomatligiga salbiy ta’sir ko‘rsatmoqda. Jahon sog‘liqni saqlash tashkiloti hisobotiga ko‘ra, har yili havoning ifloslanishi 7 milliongacha odamning hayotiga zomin bo‘ladi. 15 yoshgacha bo‘lgan bolalarning 93 foizi esa shu darajada iflos havo bilan nafas olishadi-ki, bu ularning sog‘ligi, o‘sishi va rivojlanishiga xavf tug‘diradi.

E’tiborni ekologik muammolarga, sayyoramiz resurslarining nazoratsiz sarflanishiga qaratish maqsadida, 2007-yildan boshlab har yili “Yer Soati” aksiyasi o‘tkaziladi. Bu aksiyada ishtirok etayotgan mamlakatlar va shaharlarda yodgorliklar, davlat va tijorat muassasalari, tashkilotlar elektr manbasidan yoritilishi bir soatga o‘chiradilar.

Har birimiz ushbu aksiyada ishtirok etishimiz mumkin – buning uchun 2025-yil 26-mart kuni o‘z uyingizda bir soatga elektr energiyasini o‘chirishingiz kifoya. Bu kunda har kim sayyoramizni asrash uchun biror ish qilishi mumkin: chiqindilarni yig‘ish, xayriya marafonlari o‘tkazish, bolalar uchun ijodiy tanlovlar, fleshmoblar tashkil etish, tabiiy resurslar holati va inson salomatligiga tahdidlar haqida ma’ruzalar o‘qish.

Ekologik harakatning zamonaviy bosqichini boshlab bergan yana bir muhim tashabbus – 22-aprel – Xalqaro Yer Kuni bo‘lib, bu kun atrof-muhitni muhofaza qilish, sayyorani ko‘kalamzorlashtirish va tabiatga ehtiyotkor munosabatni targ‘ib qilishga bag‘ishlangan.

Xalqaro Molekulyar Allergologiya Markazi ham har yili turli tadbirlar tashkil etadi. Bularga bolalar o‘rtasida rasm tanlovlari, videoroliklar, loyihalar tanlovi, yoshlar marafonlari, boshlang‘ich sinf o‘quvchilari uchun “Eking va birga o‘stiring” loyihasi kiradi.

Atrof-muhitni muhofaza qilish va “yashil” iqtisodiyot yili doirasida, 18-19-20-aprel kunlari bo‘lib o‘tadigan III Xalqaro Landshaft Eko-festivali tadbirlari doirasida “Our Power, Our Planet” – “Bizning kuchimiz – bizning sayyoramiz” mavzusida yoshlar o‘rtasida EKO-TANLOV e’lon qilinmoqda.

Biz Yerni ajdodlarimizdan meros qilib olmaganmiz.
Biz uni avlodlarimizdan qarzga olganmiz.

EKO-TANLOVNING MAQSAD VA VAZIFALARI:

· Fuqarolik pozitsiyasining faolligini, ona yurtni oʻrganishga boʻlgan qiziqishni hamda tabiiy va tarixiy boyliklarni saqlashni ragʻbatlantirish;

· Yoshlarda ekologik muammolarni hal etishda kompleks tabiiy-ilmiy yondashuvlarga motivatsiya yaratish;

· Yoshlarda ekologik madaniyatni shakllantirish;

· Taʼlim jarayonini intellektual, ijodiy, tadqiqot va amaliy faoliyatga yoʻnaltirishni ragʻbatlantirish;

· Taʼlim jarayonining ilmiy-metodik taʼminotini zamonaviy texnologiyalarni qoʻllagan holda takomillashtirish.

Tanlovga taqdim etiladigan ijodiy ishlar quyidagi mavzularda bo‘lishi mumkin:

· Global isish va iqlim oʻzgarishi;

· Issiqxona effekti va global isish;

· Ozon qatlamining yemirilishi va ozon tuynuklari;

· Oʻrmonlarning kesilishi, choʻllanish va yerlarning degradatsiyasi;

· Ichimlik suvi muammosi va muzliklarning erishi;

· Suvning ifloslanishi va uni tozalash;

· Suvdan oqilona foydalanish;

· 22-mart – Butunjahon suv kuni;

· 22-aprel – Xalqaro Yer kuni;

· Insonning ekologiyaga ta’siri;

· Atrof-muhitning inson salomatligiga ta’siri;

· Chang zarralari atrof-muhit ifloslanishining indikatori sifatida;

· Oʻzbekistonda aerobiologik monitoring;

· Zamonaviy dunyoda ekologik muammolar va ularning yechimlari;

· Landshaftni qayta tashkil etish inson salomatligiga ta’sir qiluvchi omil sifatida;

· Landshaft ekologiyasi va “yashil” qurilish;

· Zamonaviy landshaft dizayni – koʻkalamzorlashtirish va arxitektura;

· Oʻzbekistonda “yashil” energetika va “yashil” iqtisodiyot;

· Qayta tiklanadigan energiya manbalaridan foydalanish;

· Ekologik xavfsiz transport;

· Ifloslanish dunyodagi asosiy ekologik muammo sifatida;

· Jahon okeanining ifloslanishi va biologik xilma-xillikning qisqarishi;

· Chiqindilar bilan bogʻliq ekologik muammolar;

· Plastmassa va elektr batareyalarini utilizatsiya qilish;

· Oʻzbekistonda ekoturizm – imkoniyatlar va istiqbollar;

· Oziqlanish madaniyati va oziq-ovqat xavfsizligi.

TANLOV SHARTLARI VA MUDDATLARI:

Ijodiy ishlar 2025-yil 10-martdan 10-aprelgacha @picicmabotbot Telegram-botiga yuboriladi. Tanlov shartlari bilan shu bot orqali tanishish mumkin.

TANLOV BOSQICHLARI:

1. Ekspertlar hay’ati tomonidan ishlarni baholash

2. Eng yaxshi 10 ish anjumanda taqdim etish uchun tavsiya etiladi

3. Hay’at qaroriga ko‘ra eng yaxshi 3 ish diplom va sovg‘alar bilan taqdirlanadi

Anjuman sanasi: 2025-yil 19-aprel
O‘tkaziladigan joy: Oliy ta’lim, fan va innovatsiyalar vazirligi, Amfiteatr
Manzil: Toshkent shahri, Olmazor tumani, Universitet ko‘chasi, 7-uy
Ma’lumot uchun telefonlar:
+998 90 978 38 77 – Shaxlo Karimovna
+998 50 507 72 25 – Maftuna G‘ayratovna


Anjuman statusi	Xalqaro
Mas'ul tashkilot	Xalqaro molekular allergologiya markaz
Yo'nalishi	Biologiya va biotexnologiya
Anjuman shakli	Anjuman
Viloyat	Toshkent shahri
Shahar(Tuman)	Olmazor tumani
Manzil
Aloqa

Axborot xati

Maqsad va vazifalari

Muhokama qilinadigan masalalar