Аkademik V.R.Raximovning 90-yilligiga bagʼishlanadi. Yer osti boyliklaridan oqilona va bexatar foydalanishda raqamli texnologiyalarni qoʼllashning istiqbollari.

O‘zbekiston Respublikasi Oliy ta’lim, fan va innovatsiyalar vazirligi, Islom Karimov nomidagi Toshkent davlat texnika universiteti, Xalqaro Ekologiya va xavfsizlik fanlari akademiyasi (МАНЭБ), Milliy texnologik tadqiqotlar universiteti «MISIS»ning Olmaliq shahridagi filiali, Xalqaro Marksheyderlar jamiyati (ISM) hamkorligida 2024-yil 8-9 oktyabr kunlari Toshkent shahrida Akademik V.R.Raximovning 90-yilligiga bag‘ishlangan “Yer osti boyliklaridan oqilona va bexatar foydalanishda raqamli texnologiyalarni qo‘llashning istiqbollari” mavzusida Xalqaro ilmiy-texnik anjuman o‘tkaziladi.

Anjumandan maqsad: Yer osti boyliklaridan oqilona va bexatar foydalanishda raqamli texnologiyalarni qo‘llashdagi jamlangan xalqaro va umummilliy miqyosidagi tajribani, nazariy va ishlab chiqarish yutuqlarini inobatga olgan holda, umumlashtirish, akademik V.R. Raximovning konchilik geomexanikasi va marksheyderlik ishi maktabi amaliyotidagi tayanch ilmiy kompetensiyani shakllantirishdagi resurs va kadrlar potensialini baholashga erishishdan iborat.

Anjumanda ko‘riladigan masalalar:

1. Akademik V.R. Raximovning ilmiy merosini o‘rganish va targ‘ib qilish, konchilik geomexanikasi va marksheyderlik ishi maktabi an’analarini davom ettirish, xalqaro hamkorlikni rivojlantirish.

2. Yer osti boyliklaridan oqilona va bexatar foydalanishni geologik, geomexanik va marksheyderlik ta’minoti.

3. Zamonaviy geotexnologiya (ochiq, yеr osti va qurilish).

4. Mineral xomashyoni boyitish va qayta ishlashdagi innovatsiyalar.

5. Konchilik ishlab chiqarishidagi jarayonlarni avtomatlashtirish va robotlashtirish muammolari.

6. Yer osti boyliklaridan jadal foydalanishdagi ekologik va sanoat xavfsizligi tavakkalchiliklarini boshqarish.

Anjuman materiallari to‘plam sifatida chop etiladi.

Anjumanda MDH va boshqa xorijiy davlatlardan olimlar va mutaxassislar, kon metallurgiya korxonalarining rahbarlari, Akademik V.R. Raximovning safdoshlari, shogirdlari va ustozdan meros qolgan ilmiy maktab ananalarini davomchilarining ishtroki kutilmoqda.

Shuningdek, anjuman maydonchalarida fan, ta’lim va ishlab chiqarish vakillarining xalqaro hamkorligiga bag‘ishlangan tadbirlar ham ko‘zda tutilgan.

Anjumanda ishtirok etishni xohlovchilar 2024-yil 10-sentyabrgacha belgilangan tartibda taxtlangan maqolalarini (5-6 varaqda) quyidagi manzilga jo‘natishlari mumkin: rbn.conf2022@gmail.com.

Anjuman o‘z faoliyatini o‘zbek, rus va ingliz tillarida olib boradi.

Anjumanda ishtirok etish to‘lovsiz.

Chop etish uchun materiallarni taqdim etish tartibi

Ma’ruza matni yoki boshqa materiallar tashkiliy qo‘mita nomiga elektron shaklda quyidagi tartibda taxtlangan holda jo‘natiladi. rbn.conf2022@gmail.com.

Chop etiladigan materiallar joylashgan fayl birinchi muallifning familiyasi bilan atalib, doc yoki docx (masalan, akramov.doc) shaklda berilishi kerak.

Anjumanga ishtirok etish uchun talabnoma va muallif (yoki mualliflar) to‘g‘risidagi ma’lumotlar alohida keltiriladi.

Matn Microsoft Office Word dasturida teriladi, varaq o‘lchami A4, matn shrifti – Times New Roman va o‘lchami 12 pt. Chegaralar: yuqori va pastdan – 2 sm, chapdan – 3sm, o‘ngdan 1,5 sm. Ma’ruza mavzusi markazlashgan holda katta harflar bilan qoralangan shaklda qatorlar oralig‘i 1 intervalda yoziladi.

Muallif (mualliflar)ning ismi familiyasi ma’ruza nomining tagidan qatorli harflar bilan teriladi. Ular yuqoridan va pastdan 1 interval bilan ajratiladi.

Ma’ruza matni annotatsiyalar bilan birga taqdim etiladi.

Annotatsiya matn yozilgan tildan o‘zga anjumanda qabul qilingan ikkita tilda keltiriladi.

Barcha materiallar tashkiliy qo‘mitaga elektron shaklda taqdim etiladi. Anjuman ishtirokchilari ikkita ma’ruzada muallif yoki hammuallif bo‘lishlari mumkin.

Mualliflar ma’ruza materiallariga anjuman qatnashchisi to‘g‘risidagi ma’lumotlarni taqdim etadilar.

Tashkiliy qo‘mita tekshirilgan talablarga javob bermaydigan va anjumanda ko‘zda tutilgan mavzularga mos kelmaydigan ma’ruza materiallarini to‘plamga kiritmaslik vakolatini o‘zida qoldiradi.

Anjumanning e’tiborli sanasi

Ma’ruza matni va anjumanga qatnashish uchun buyurtmani taqdim etishning so‘nggi muddati 10-sentyabr 2024-yil.

Manzil: 100095 Toshkent sh. Universitet ko‘chasi 2, TDTU, Geologiya-qidiruv va kon-metallurgiya fakulteti 332 xona. Tel. (+99871) 246-54-51, +998933805006.

Mas’ul shaxslar: Kazakov Aziz Nigmanovich, tel.: (+99890)9286745; Nizamova Albina Talgatovna, tel.: (+99897)1556196;

E-mail: rbn.conf2022@gmail.com.

tel.:(+99871)2465451, (+99893) 3805006.


Anjuman statusi	Xalqaro
Mas'ul tashkilot	Islom Karimov nomidagi Toshkent davlat texnika universiteti
Yo'nalishi	Geologiya-mineralogiya, seysmologiya va zilzilaga chidamliligi, qurilish va arxitektura
Anjuman shakli	Anjuman
Viloyat	Toshkent shahri
Shahar(Tuman)	Olmazor tumani
Manzil	Toshkent shahri, Olmazor tumani, Universitet ko'chasi, 2-uy.
Aloqa	+998 90 928 67 45

Axborot xati

Maqsad va vazifalari

Muhokama qilinadigan masalalar