Axborot xati Maqsad va vazifalari Muhokama qilinadigan masalalar

Axborot xati

AXBOROT XATI

O‘zbekiston Respublikasi Oliy ta’lim, fan va innovatsiyalar vazirligining 2025- yilda o‘tkaziladigan ilmiy va ilmiy-texnik tadbirlar rejasiga muvofiq joriy yilning 15-may sanasida “Xalqaro oila kuni” munosabati bilan “Oila va gender” ilmiy-tadqiqot instituti tomonidan “Oila institutini mustahkamlashning dolzarb masalalari: farovon oila va barqaror kelajak” mavzusida xalqaro ilmiy-amaliy konferensiya o‘tkaziladi.

Konferensiya onlayn va oflayn formatda o‘tkazilishi rejalashtirilgan.

Konferensiya quyidagi sho‘balarda ish olib boradi:

1. “Yashil oila” modeli: xorijiy tajriba va milliy yondashuvlar.

2. Oilalar farovonligi va kambag‘allikni qisqartirish – demografik barqarorlik hamda ijtimoiy taraqqiyot mezoni sifatida.

3. Oilada mas’uliyatli ota-onalik muhitini yaratishning jihatlari.

4. Yoshlarni oilaviy hayotga tayyorgarlik darajasini oshirishning ijtimoiy, iqtisodiy, huquqiy va ma’naviy yechimlari.

5. Oilada gender tengligini ta’minlash – barqaror rivojlanish kafolati.

Maqola matnini tayyorlash bo‘yicha talablar:

Anjumanning rasmiy tillari: o‘zbek, rus va ingliz.

1. Matn Microsoft Word matn muharririda, Times New Roman shrifti, 14 o‘lcham, 1,5 interval, yuqori va pastdan 2 sm, o‘ngdan 1,5 va chapdan 3 sm qoldirilib, rasmiylashtiriladi.

2. Sarlavhadan keyin muallif(lar)ning ismi, sharifi va familiyasi, ilmiy darajasi, ish joyi ko‘rsatiladi, bir interval tashlab annotatsiya va kalit so‘zlar uch tilda keltiriladi, so‘ng 2 interval tashlab asosiy matn va oxirida adabiyotlar ro‘yxati keltiriladi.

3. Maqola mazmuni konferensiya mavzusi va yo‘nalishlariga mos bo‘lib, dolzarbligi asoslanishi, tahlil, amaliy tavsiyalar berilishi, hajmi A4 formatda 4-7 sahifadan iborat bo‘lishi kerak.

4. Yuboriladigan fayl muallifning familiyasi bilan nomlangan bo‘lishi shart.

5. Matnda keltirilgan fikrlar, statistik ma’lumotlar, aks etgan g‘oyalar, shuningdek, matn orfografiyasi uchun mas’uliyat muallif zimmasida qoladi.

6. Maqolalar to‘plam holida chop etiladi. Maqolalar va ishtirokchi anketasi yuboriladigan elektron manzil: telegram: +998 (97) 141-94-27. Omila Aripova.

7. Maqola topshirishning oxirgi muddati: 2025 yil 10 may.

8. Talablarga javob bermaydigan maqolalar to‘plamga kiritilmaydi.

Tashkiliy qo‘mita manzili:

Toshkent shahar, Chilonzor tumani, Chilonzor ko‘chasi, 25-uy.

“Oila va gender” ilmiy-tadqiqot instituti

Telefon: H.Norqulov +998 (90) 925-08-69

web-sayt: www.moiti.uz

Maqsad va vazifalari

Maqsad. Oila institutini mustahkamlash bо‘yicha ilmiy-amaliy yondashuvlarni ishlab chiqish, oila barqarorligi va farovonligini ta’minlashga qaratilgan tavsiyalar tayyorlash, shuningdek, oilaviy qadriyatlarni himoya qilish va avlodlar о‘rtasidagi uzviylikni saqlab qolish hamda ularga salbiy ta’sir kо‘rsatayotgan barcha ichki va tashqi omillarni tahlil qilishdan iborat.

Vazifalari:

globallashuv davrida oila institutiga ta’sir etuvchi omillarni tahlil qilish – zamonaviy jamiyatda oilaviy munosabatlarning о‘zgarishi va ularga ta’sir etuvchi ijtimoiy, iqtisodiy hamda madaniy omillarni aniqlash;

farovon va barqaror oila modelini shakllantirish yо‘nalishlarini ishlab chiqish – oila barqarorligini ta’minlash uchun iqtisodiy va ijtimoiy mexanizmlarni rivojlantirish, samarali davlat va jamoat dasturlarini muhokama qilish;

oilaviy qadriyatlarning yoshlar ongida shakllanishiga e’tibor qaratish – yosh avlodni sog‘lom va mustahkam oila qurishga tayyorlash, ajrashish holatlarini kamaytirish va oilaviy munosabatlar madaniyatini rivojlantirish bо‘yicha tavsiyalar ishlab chiqish;

farzand tarbiyasi va ma’naviy-axloqiy kamolotiga e’tibor qaratish – bolalar tarbiyasida milliy qadriyatlar, urf-odatlar va zamonaviy tarbiya metodlarini uyg‘unlashtirish, jamiyatda ma’naviy barkamol avlodni shakllantirish;

keksa avlodga hurmat va avlodlar о‘rtasidagi uzviylikni mustahkamlash – keksa avlod tajribasini yoshlarga yetkazish, oilada hurmat va hamjihatlik muhitini kuchaytirish chora-tadbirlarini muhokama qilish;

globallashuv va axborot texnologiyalarining oilaga ta’sirini о‘rganish – internet va ommaviy axborot vositalarining oilaviy munosabatlarga ta’sirini tahlil qilish, axborot xavfsizligini ta’minlash yо‘llarini aniqlash;

oila mustahkamligini ta’minlashga qaratilgan davlat va jamoatchilik tashabbuslarini qо‘llab-quvvatlash – oila barqarorligi va farovonligini ta’minlashga qaratilgan turli ijtimoiy loyihalar, qonunchilik takliflari va tashabbuslarni ishlab chiqish hamda amaliyotga tatbiq etish.

Muhokama qilinadigan masalalar

Muhokama qilinadigan muammolar:

oila institutini mustahkamlashda ma’naviy va milliy qadriyatlarning o‘rni – milliy an’analar va urf-odatlar asosida sog‘lom oilaviy muhitni shakllantirish masalalari;

farovon oila – barqaror jamiyat garovi – oiladagi iqtisodiy barqarorlik va uning jamiyat rivojiga ta’siri;

yoshlarning oilaviy munosabatlarga tayyorgarligi – oila qurish madaniyati, ma’naviy va psixologik tayyorgarlik, yoshlar orasida ajrashishlarning oldini olish choralari;

farzand tarbiyasi va kamoloti – ota-ona mas’uliyati, bolalarning ma’naviy-axloqiy tarbiyasi, farzand tarbiyasida an’anaviy va zamonaviy yondashuvlar;

keksa avlodga hurmat va avlodlar o‘rtasidagi munosabatlar – keksa va yosh avlod o‘rtasidagi uzviylikni saqlash, ular o‘rtasida mustahkam munosabatlarni shakllantirish;

globallashuv va axborot texnologiyalarining oilaga ta’siri – ommaviy axborot vositalari, internet va ijtimoiy tarmoqlarning oilaviy munosabatlarga ta’siri, bu jarayonda farzand tarbiyasi va axborot xavfsizligini ta’minlash choralari.


Anjuman statusi	Xalqaro
Mas'ul tashkilot	O‘zbekiston Respublikasi Oila va xotin-qizlar qo‘mitasi huzuridagi Oila va gender ilmiy-tadqiqot instituti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Mirzo Ulug‘bek tumani
Manzil	Toshkent shahar, Chilonzor tumani, Chilonzor ko‘chasi, 25-uy.
Aloqa	+998 (90) 925-08-69