Maktabgacha va boshlang‘ich ta’lim tizimida o‘qitishning pedagogik imkoniyatlari va zamonaviy yondashuvi

O‘zbekiston Respublikasi Prezidentining 2023-yil 28-fevraldagi PF-27-son Farmoniga muvofiq 2022—2026- yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid Davlat dasturining 46-maqsadi “Oliy ta’lim bilan qamrov darajasini 50 foizga yetkazish va ta’lim sifatini oshirish” bo‘yicha belgilangan vazifalar ijrosini ta’minlash maqsadida 2024-yil 18-aprel soat 10:00 da Oriental universiteti hamda “Turon” axborot- kutubxona markazi hamkorlikda

“Maktabgacha va boshlang‘ich ta’lim tizimida o‘qitishning pedagogik imkoniyatlari va zamonaviy yondashuv” mavzusida xalqaro ilmiy-amaliy

konferensiya o‘tkazadi.

Ushbu anjumanda professor-o‘qituvchilar, ilmiy izlanuvchilar va talabalar o‘z ma’ruzalari bilan ishtirok etishlari mumkin. Xalqaro ilmiy-amaliy konferensiya ishi quyidagi sho‘balarda faoliyat ko‘rsatadi:

1-sho‘ba. Buyuk ajdodlar merosi – kelajak avlod tarbiyasida muhim didaktik manba. 2-sho‘ba. Maktabgacha va boshlang‘ich ta’lim tizimida o‘qitishning innovatsion texnologiyalari. 3-sho‘ba. Uzluksiz ta’lim dasturlarini takomillashtirishda pedagogik va psixologik yondashuv. 4-sho‘ba. Inklyuziv ta’limga bosqichma-bosqich o‘tish: mavjud amaliyot, muammo, yechim va istiqbollar. 5-sho‘ba. Uzluksiz ta’lim tizimida pedagog xodimlarning kasbiy kompetensiyalarini rivojlantirishning samarali usullari.

Materiallarni rasmiylashtirishga qo‘yiladigan talablar.

1. Maqolalar o‘zbek, rus, turk, ingliz tillarida qabul qilinadi. 2. Maqolaning umumiy hajmi 5-8 bet. Matn formati MS Word dasturida, Times New Roman shriftida, 1,5 interval, 14 kegel (elektron variantda). 3. Maqola matni tahrir qilingan holda A-4 o‘lchovida, yuqoridan va pastdan 2 sm, chapdan 3 sm, o‘ngdan 1,5 sm joy qoldirilib, rasmiylashtiriladi. 4. Maqolaning yuqori qismi o‘rtasida maqolaning nomi bosh harflar bilan to‘q qora rangli shriftda beriladi. 5. Muallifning ism-sharifi, ilmiy darajasi va unvoni, ish joyi va telefon raqami sarlavhadan oldin o‘ng tomonda kursivda ko‘rsatiladi.

6. Annotatsiya va kalit so‘zlar: o‘zbek, rus, ingliz tillarida berilishi lozim.

Annotatsiya 150 ta belgi, tayanch so‘zlar 5-6 ta so‘zdan iborat bo‘lishi maqsadga muvofiq. 7. Adabiyotlar ro‘yxati maqola matnidan so‘ng bir interval tashlagan holda, 14 shriftda yoziladi. Adabiyot manbalariga havolalar katta qavsda, matn oxiridagi adabiyotlar ro‘yxati ketma-ketligiga mos tarzda beriladi [5;77]. Foydalanilgan adabiyotlar kamida 5 ta manbani o‘z ichiga olishi kerak. 8. Sho‘ba mavzusiga tegishli bo‘lmagan, tahrir qilinmagan va imlo xatolar bilan taqdim etilgan maqolalar ilmiy to‘plamga kiritilmaydi hamda muallifga qaytarilmaydi.

Anjuman o‘zbek tilida olib boriladi. Maqolalar to‘plami elektron shaklda chop etiladi. Maqolalar 2024-yil 25-martga qadar qabul qilinadi.

Tashkiliy qo‘mita manzili: Toshkent shahar Oriental universiteti Uzluksiz ta’lim

pedagogikasi kafedrasi. (Olmazor tumani, Noraztepa ko‘chasi, 52A uy).

Bog‘lanish uchun telefon raqamlari:

+998 (90) 185 69 13 Karimova Shahlo (telegram mavjud) +998 (93) 005 80 99 Mamadyorov Jamol (telegram mavjud) +998 (90) 929 60 79 Erkinova Nigora (telegram mavjud)

e-mail: jamol0058099@gmail.com Telegram: https://t.me/jamol_8099


Anjuman statusi	Xalqaro
Mas'ul tashkilot	Oriental universiteti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Olmazor tumani
Manzil	Toshkent shahar Oriental universiteti Uzluksiz ta’lim pedagogikasi kafedrasi. (Olmazor tumani, Noraztepa ko‘chasi, 52A uy).
Aloqa	+998 (90) 185 69 13

Axborot xati

Maqsad va vazifalari

Muhokama qilinadigan masalalar