Yangi O‘zbekistonning Taraqqiyot strategiyasi doirasida barqaror iqtisodiy o‘sishni ta’minlash, biznesni qo‘llab-quvvatlash va aholi farovonligini oshirish istiqbollari

AXBOROT XATI

O‘zbekiston Respublikasi Oliy taʼlim, fan va innovatsiyalar vazirining 2024 yil 18 yanvardagi 16-sonli buyrugʻiga asosan Oriental universitetining “Iqtisodiyot va turizm” kafedrasi hamda Toshkent menejment va iqtisodiyot instituti “Umumiqtisodiy fanlar” kafedrasi hamkorligida 2024-yil 25-aprelda “Yangi O‘zbekistonning Taraqqiyot strategiyasi doirasida barqaror iqtisodiy o‘sishni ta’minlash, biznesni qo‘llab-quvvatlash va aholi farovonligini oshirish istiqbollari” mavzusidagi xalqaro ilmiy-amaliy konferensiyasini o‘tkazishni rejalashtirgan.

Konferensiya ishida ishtirok etish uchun oliy ta’lim muassasalarining professor-o‘qituvchilari, doktorantlar va tadqiqotchilar, ilmiy-tadqiqot institutlari va markazlari, vazirlik va tashkilotlar xodimlari, ishlab chiqarish va xizmat ko‘rsatish sohasi korxonalari rahbar va mutaxassislari taklif etiladi.

Konferensiyaning maqsadi:

Konferensiyaning maqsadi Yangi O‘zbekistonning Taraqqiyot strategiyasi doirasida barqaror iqtisodiy o‘sishni ta’minlash, biznesni qo‘llab-quvvatlash va aholi farovonligini oshirishning ilmiy asoslarini chuqur tadqiq etish asosida tegishli xulosa va tavsiyalar ishlab chiqish, shuningdek, ushbu yo‘nalishlarda ilmiy-tadqiqotlar olib borayotgan professor-o‘qituvchilar, tadqiqotchilar va olimlarning ilmiy ishlari natijalarini muhokama qilish asosida ilmiy-amaliy tavsiyalarni ishlab chiqishdan iborat.

Konferensiyaning asosiy yo‘nalishlari:

I. Barqaror va jadal iqtisodiy o‘sishni ta’minlash asosida aholi farovonligini oshirishning ilmiy-amaliy asoslari.

II. Sog‘lom raqobat muhiti va xususiy mulk daxlsizligini ta’minlash, biznesni moliyaviy qo‘llab-quvvatlash mexanizmlarini takomillashtirish.

III. Iqtisodiyotning real sektori tarmoqlarida “yashil iqtisodiyot” tamoyillarini jadal rivojlantirish masalalari.

IV. Hududlarni strategik va barqaror rivojlantirishda raqamli iqtisodiyotning roli.

V. Tarmoqlarning eksport salohiyatini kengaytirish va transport-logistika tizimlarini rivojlantirish istiqbollari.

VI. Raqamli iqtisodiyot, sun’iy intellekt va AKTni keng joriy etish asosida milliy iqtisodiyot tarmoqlarining raqobatbardoshligini oshirish.

VII. Hududlarning turizm salohiyati va xizmatlar sohasini rivojlantirishning ustuvor yo‘nalishlari;

VIII. Raqamli iqtisodiyot sharoitida zamonaviy menejmentni rivojlantirishning yangi tendensiyalari: muammolar va yechimlar.

IX. Iqtisodiyotning raqamlashuvi sharoitida innovatsion pedagogik texnologiyalarning ta’lim sifatini oshirishdagi o‘rni.

Konferensiyaga topshiriladigan maqolalar va ma’ruza tezislari bosma va elektron shaklda tashkiliy qo‘mitaga 2024-yil 20-aprelga qadar Oriental universitetining “Iqtisodiyot va turizm” kafedrasiga (214-xona) axborot xatiga ilova qilingan muallif anketasi bilan birga topshirilishi lozim. Maqola va tezislar materiallarini quyidagi elektron manzilga ham yuborish mumkin: ravshanallayorov67@gmail.com.

Ilmiy maqolalar 6-10 betgacha va ma’ruza tezislari 3-5 betgacha hajmda o‘zbek, rus va ingliz tillarida taqdim etilishi mumkin. Konferensiya materiallari to‘plamini chop ettirish uchun taqdim etiladigan tezis va maqolalarning har bir beti uchun 30 000 (o‘ttiz ming) so‘m qiymatida to‘lov qilinadi (to‘lov amalga oshiriladigan plastik karta raqami: 5614 6812 1978 8803). Tahrir hayʼati tomonidan saralab olingan maqolalar ОАК ro‘yxatidagi “Journal Of Innovative Reseach In Economics” ilmiy elektron jurnalida chop etiladi.

Maqola va tezislarga qo‘yiladigan talablar: Microsoft Word 2010 redaktorida; Times New Roman 14 shriftida, A4 formatida, tepadan 2 sm, pastdan 2 sm, chapdan 2 sm, o‘ngdan 2 sm, oraliq intervali – 1,5 sm, abzas boshidagi oraliq – 1,25 sm, eniga formatlash tarzida to‘ldirilishi zarur. Barcha jadval, chizma va rasmlar Microsoft Word, grafik va diagrammalar MS Excel redaktori va Times New Roman shriftida, formulalar MS Equation redaktorida yozilishi lozim. Tezis birinchi betining o‘ng qismida muallifning familiyasi, ismi, otasining ismi, ilmiy darajasi, ilmiy unvoni, ish joyi, maqolaning nomlanishi o‘rtada qalin harflarda ko‘rsatilishi shart.

Havola va manbalar maqola va tezis betining pastki qismida bibliografik qoidalarga rioya qilgan holda keltiriladi: muallif, kitob yoki maqolaning nomi, joyi, nashr yili va beti.

Maqolalar va tezislar mazmuni anjuman talablariga mos kelgan taqdirda tashkiliy qo‘mitaning qaroriga binoan tanlov asosida chop etiladi. Tashkiliy Qo‘mita tanlovdan o‘tmagan maqola va tezislarni mualliflarga qaytarish majburiyatini olmaydi. Konferensiyaning ish yuritish tillari: o‘zbek, rus va ingliz.

Murojaat uchun manzil: Oriental universitetining “Iqtisodiyot va turizm” kafedrasi (Toshkent shahri, Yakkasaroy tumani, Shota Rustaveli ko‘chasi-154 A, 214-xona).

Mas’ul shaxs: Allayorov Ravshan, Tel.: (+998 97) 903-08-68 (shu raqamda Telegram akkounti mavjud).

MUALLIF ANKETASI*

Familiyasi
Ismi
Otasining ismi
Ish/o‘qish joyi
Lavozimi
Ilmiy darajasi
Ilmiy unvoni
Telefon raqami (mobil)
e-mail
Maqola/tezisning nomi
Sho‘ba raqami va nomi

* Qisqartirilmagan holda to‘ldiriladi


Anjuman statusi	Xalqaro
Mas'ul tashkilot	Oriental universiteti
Yo'nalishi	Iqtisodiyot, davlat va jamiyat qurilishi
Anjuman shakli	Anjuman
Viloyat	Toshkent shahri
Shahar(Tuman)	Yakkasaroy tumani
Manzil	Oriental universitetining “Iqtisodiyot va turizm” kafedrasi (Toshkent shahri, Yakkasaroy tumani, Shota Rustaveli ko‘chasi-154 A, 214-xona).
Aloqa	+998 97 903-08-68

Axborot xati

Maqsad va vazifalari

Muhokama qilinadigan masalalar