Ijtimoiy-gumanitar fanlarni o‘qitishda talabalar mustaqil ish darslarini tashkil etish: muammo va yechimlar

ORIENTAL UNIVERSITETI

“Ijtimoiy-gumanitar fanlarni o‘qitishda talabalar mustaqil ish darslarini tashkil etish: muammo va yechimlar” nomli

xalqaro ilmiy-amaliy anjumani

AXBOROT XATI

O‘zbekiston Respublikasi Oliy taʼlim, fan va innovatsiyalar vazirining 2024-yil 18-yanvardagi “O‘zbekiston Respublikasi Prezidentining 2023-yil 4-iyuIdagi PQ-200 qarori ijrosini ta’minlash to‘g‘risida”gi 16-sonli buyrugʻida belgilangan vazifadan kelib chiqib, Oriental Universiteti “Ilmiy tadqiqotlar, innovatsiyalar va ilmiy-pedagog kadrlarni tayyorlash” bo‘limi tomonidan tadqiqotchilarni o‘zaro fikr almashishlari, o‘qitishda yangi innovatsion texnologiyalar bilan tanishishlari uchun qo‘llab-quvvatlash maqsadida 2024-yil 22-23-oktyabr kuni “Ijtimoiy-gumanitar fanlarni o‘qitishda talabalar mustaqil ish darslarini tashkil etish: muammo va yechimlar” nomli xalqaro ilmiy-amaliy anjumani o‘tkazilishini ma’lum qiladi.

Mazkur anjumanda ishtirok etish uchun professor-o‘qituvchilar va talaba-magistrantlar 2024-yil 25-sentyabrgacha o‘z maqolalarini tashkiliy guruhga jo‘natishlari so‘raladi. Maqolalar o‘zbek, rus, ingliz tillarida qabul qilinadi.

ANJUMANNING ASOSIY YO‘NALISHLARI:

ü Pedagogika, psixologiya va boshlang‘ich ta’lim yo‘nalishida mustaqil ish darslarini tashkil etish muammolari;

ü Iqtisodiyot sohasida mustaqil ish darslarini tashkil etishning dolzarb masalalari;

ü Tillarni o‘qitishda mustaqil ish darslarini tashkil etish;

ü Tarix yo‘nalishidagi tadqiqotlarning natijalari.

Anjumanga topshirilgan maqolalar elektron shaklda bepul nashr etiladi. Anjuman yo‘nalishi va belgilangan talablarga javob bermaydigan maqolalar to‘plamga kiritilmaydi hamda tashkiliy qo‘mita bu bo‘yicha izoh bermaydi. Taqdim etilgan materiallarning aniqligiga muallifning o‘zi mas’uldir.

Konferensiya o‘z ishini o‘zbek, rus va ingliz tillarida olib boradi.

MAQOLA MATNINI RASMIYLASHTIRISH TALABLARI:

Maqola (tezis) hajmi 3 – 6 bet, matni Times New Roman va 14 o‘lchamdagi shrift kattaligida, 1,5 intervalda, sahifaning chegaralari esa yuqori va pastdan 2 sm, chap tomondan 3 sm, o‘ng tomondan 1,5 sm bo‘lishi lozim. Maqolalar elektron variantda, doc yoki RTF formatida taqdim etiladi.

− Maqola mavzusi BOSH HARFLAR bilan o‘rtada to‘q qora rangli shriftda beriladi;

− Muallifning ism-sharifi, ish joyi kursivda sarlavhadan keyin o‘ng tomonda ko‘rsatiladi;

− Maqola mavzusi bo‘yicha qisqacha annotatsiya va kalit so‘zlar 2 tilda (ingliz, uzbek) (4-5 ta) beriladi.

− Maqola matnida kirish qismi (dolzarbligi), tadqiqot natijalari va uning muhokamasi, xulosa va adabiyotlar ro‘yxati bo‘lishi kerak.

− Iqtibos olingan [1, 72] shaklida, foydalanilgan adabiyotlar maqola oxirida alifbo tartibida ko‘rsatilishi zarur.

Tashkiliy qo‘mita manzili: Oriental universiteti “Ilmiy tadqiqotlar, innovatsiyalar va ilmiy-pedagog kadrlarni tayyorlash” bo‘limi (Toshkent shahar, Yunusobod tumani, Shahriston ko‘chasi 1-uy) Bog‘lanish telegram murojaat +998946504412 Mas’ul: K.Yunusov.


Anjuman statusi	Xalqaro
Mas'ul tashkilot	Oriental universiteti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Yakkasaroy tumani
Manzil	Toshkent shahar, Yunusobod tumani, Shahriston ko‘chasi 1-uy
Aloqa	+998946504412

Axborot xati

Maqsad va vazifalari

Muhokama qilinadigan masalalar