Oliy ta’lim muassasalarida ta’lim, fan, innovatsiya va ilmiy tadqiqotlarning salmoqli natijalari: muammo va yechimlar

O‘ZBEKISTON RESPUBLIKASI

OLIY TA’LIM, FAN VA INNOVATSIYALAR VAZIRLIGI

ANDIJON DAVLAT PEDAGOGIKA INSTITUTI

“Oliy ta’lim muassasalarida ta’lim, fan, innovatsiya va ilmiy tadqiqotlarning salmoqli natijalari: muammo va yechimlar” mavzusidagi Respublika ilmiy-amaliy konferensiyasi

AXBOROT XATI

O‘zbekiston Respublikasi Prezidentining 2020-yil 6-noyabrdagi “Ta’lim-tarbiya tizimini yanada takomillashtirishga oid qo‘shimcha chora-tadbirlar to‘g‘risida”gi PQ-4884-son qaror ijrosini ta’minlash maqsadida hamda O‘zbekiston Respublikasi Oliy ta’lim, fan va innovatsiyalar vazirligining 2024-yil18-yanvardagi 16-son buyrug‘iga asosan “Oliy ta’lim muassasalarida ta’lim, fan, innovatsiya va ilmiy tadqiqotlarning salmoqli natijalari: muammo va yechimlar” mavzusida 2024-yil 17-19-aprel kunlari Andijon davlat pedagogika institutida Respublika ilmiy-amaliy anjumani o‘tkaziladi.

Аnjumanda quyidagi sho‘balar bo‘yicha materiallar taqdim etish mumkin:

1. Oliy ta’lim muassasalarida modul-kredit texnologiyasi asosida talabalarni o’rganish strategiyasi va texnikasini rivojlantirish mexanizmlari

2. Zamonaviy ta’lim mazmunini 4K modeli asosida takomillashtirish

3. Yoshlar va axborot psixologik xavfsizligi masalalari

4. Shaxslarda tavakkalchilik bilan bog’liq virtual o‘yinlarga moyilligini psixologik xususiyatlari

Maqola mazmuniga qo’yiladigan talablar:

1. Maqola konferensiya yo’nalishlariga mos kelishi, berilayotgan g’oyalarning mazmuni, nazariy va amaliy ahamiyati aniq yoritib berilishi va yakunlangan bo’lishi lozim.

2. Maqola mazmuni, keltirilgan ma’lumotlar va ularning ilmiy asoslanishi, imloviy, punktuasion va stilistik xatoliklardan holi bo’lishi hamda manbalarning ishonchliligi uchun mualliflar mas’uldirlar.

3. Maqola matnida turli qisqartmalardan foydalanmaslik (zarur hollarda ularning yoyilmasi matnda keltirilishi lozim), matn va jadvallarni tahrirlashga ta’qiq qo’ymaslik tavsiya qilinadi.

Maqola matnini rasmiylashtirish talablari:

1. Maqola matni MS Officye dasturining Microsoft Word 97-2003 muharririda, Times New Roman shrifti, 14 kegel kattaligi, 1,5 intervalda bo’lishi va 3-5 bet hajmda tayyorlanishi kerak.

2. Maqola matnlari tahrir qilingan holda A4 hajmda, yuqoridan va pastdan 2,0 sm, chapdan 3 sm, o’ngdan 1,5 sm joy qoldirib rasmiylashtiriladi.

3. Ma’ruzachining ismi sharifi, ilmiy daraja va unvoni (o’ng yuqori burchak, kursivda, 14 kegel, kattaligidagi shrift, 1 interval), tashkilot nomi ko’rsatiladi. So’ngra 1 interval qoldirib, maqolaning nomi bosh harflar bilan yoziladi. Keyingi satrdan 1 interval qoldirilib, maqolaning qisqacha annotasiyasi va kalit so’zlar berilishi shart. Asosiy matn 1,5 intervalli qatorlarda yoziladi.

4. Foydalanilgan adabiyotlar ro’yxati matn so’nggida beriladi. Havolalar maqola matnida keltiriladi hamda foydalanilgan adabiyotlar ro’yxatidagi tartib raqami va sahifasi ko’rsatiladi Masalan: [1;10].

5. Maqolalar o’zbek, rus va ingliz tillarida qabul qilinadi.

6. Maqolaning elektron nusxalari konferensiya tashkiliy qo’mitasiga yuboriladi.

7. Maqolalar 2024-yilning 1 aprel kuniga qadar qabul qilinadi.

8. Maqolalar faylini nomlashda tegishli sho’ba yo’nalishi kor’satilishi kerak.

9. Maqola va tezislar yuqorida keltirilgan talablarga mos kelmagan holda chop etilmaydi va muallifga qaytarilmaydi.

10. Tezislarning mazmuniga, ma’lumotlar mualliflarga tegishliligi uchun va keltirilgan manbalarning to’g’riligiga mualliflar mas’ul.

Anjuman materiallari to’plam holida nashr qilinadi.

Chop ettirilgan ilmiy tezis va maqolalalar uchun sertifikat elektron tarzda taqdim etiladi.

Nashr harajatlari uchun tezislarning har bir sahifasiga 10 000 (o’n ming) so‘mdan haq to‘lanadi. To‘lovlar naqd pul yoki o‘tkazma orqali qabul qilinadi.

Maqolalarni ko‘rsatilgan muddatlardan kechikmagan holatda +99891619 50-88, adpi_konferensiya telegram manziliga yoki maxdiyonaabdulmadjidova@gmail.com elektron pochtasi orqali qabul qilinadi.

To‘lovni quyidagi plastik karta orqali amalga oshirishingiz mumkin. Humo 9860190106481566 (Abdulmadjidova Mahdiyona)

Eslatma - to‘lov cheki ilova qilinishi shart.


Anjuman statusi	Respublika
Mas'ul tashkilot	Andijon davlat pedagogika instituti
Yo'nalishi	Fan va ta'lim
Anjuman shakli	Anjuman
Viloyat	Andijon
Shahar(Tuman)	Andijon shahri
Manzil	170100, Andijon shahri, Taxtako‘prik MFY, Do‘stlik ko‘chasi, 4-uy. Tel.: (374) 224-01-70, e-mail: adpi@edu.uz, p-institut@exat.uz
Aloqa	+99891619 50-88,

Axborot xati

Maqsad va vazifalari

Muhokama qilinadigan masalalar