Axborot xati

2024 yilning 13-14 may kunlari o‘tkaziladigan “Global iqlim sharoitiga chidamli, yuqori hosil beradigan yangi boshoqli, dukkakli don, moyli va yem-xashak ekinlarni parvarishlashda yangi texnologiyalarni qo‘llash istiqbollari” mavzusidagi Xalqaro ilmiy-amaliy konferensiyasi

AXBOROT XATI

O‘zbekiston Respublikasi Prezidentining 2019 yil 23 oktyabrdagi PF-5853-son “O‘zbekiston Respublikasi qishloq xo‘jaligini rivojlantirishning 2020-2030 yillarga mo‘ljallangan strategiyasini tasdiqlash to‘g‘risida”gi Farmoni hamda O‘zbekiston Respublikasi Prezidentining 2021 yil 3 fevraldagi PF-6159-sonli “Qishloq xo‘jaligida bilim va innovatsiyalar tizimi xamda zamonaviy xizmatlar ko‘rsatishni yanada rivojlantirish to‘g‘risida” gi Farmoni, O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023 yil 4-iyuldagi PQ-200 qarori 9-bandida belgilangan topshiriqlari, Oliy ta’lim, fan va innovatsiyalar vazirligining 2024 yil 18 yanvardagi 16-sonli buyrug‘i, Don va dukkakli ekinlar ilmiy-tadqiqot institutining 2024 yil 26 fevraldagi 7-I-sonli buyrug‘i ijrolarini ta’minlash yuzasidan Don va dukkakli ekinlar ilmiy-tadqiqot institutida joriy yilning 13-14 may kunlari “Global iqlim sharoitiga chidamli, yuqori hosil beradigan yangi boshoqli, dukkakli don, moyli va yem-xashak ekinlarni parvarishlashda yangi texnologiyalarni qo‘llash istiqbollari” mavzusidagi Xalqaro ilmiy-amaliy konferensiyasi o‘tkazilishi e’lon qilinadi.

Konferensiya quyidagi yo‘nalishlar bo‘yicha tashkil etiladi.

1. Tabiatning global iqlim o‘zgarishlariga chidamli boshoqli don ekinlarini don hosildorligi va sifati yuqori bo‘lgan navlarini yaratish va parvarishlashda zamonaviy intensiv texnologiyalarni qo‘llash istiqbollari.

2. Xorij texnologiyalarini o‘rgangan holda dukkakli don, moyli, ozuqa va noan’anaviy ekinlar yangi navlarini yaratish va uning innovatsion resurstejamkor yetishtirish agrotexnologiyalarini ilmiy asoslari.

3. Boshoqli, dukkakli, moyli va ozuqa ekinlar innovatsion urug‘chiligini hamda abiotik-biotik omillardan ximoyalashni takomillashtirishda qo‘llanilayotgan xorijiy va mahalliy yondashuvlar samaralari.

Xalqaro ilmiy-amaliy konferensiyasida: 2024 yilning 13-14 may kunlari O‘zbekiston Respublikasi Innovatsion rivojlanish vazirligi, O‘zbekiston Respublikasi Qishloq xo‘jalik vazirligi va uning respublika mintaqalaridagi boshqarmalari, O‘zbekiston Respublikasi Fanlar akademiyasi, Oliy ta’lim muassasalari professor o‘qituvchilari, Ilmiy tadqiqot institutlari ilmiy xodimlari, magistrlar va bakalavrlar hamda Rossiya Federatsiyasining Fanlar Akademiyasi, Rossiya Federatsiyasining “P.P.Lukyanenko” nomidagi Milliy don markazi, “V.S.Pustovoyt” nomidagi Butunrossiya moyli ekinlar ilmiy tadqiqot instituti, “Donskoy” Agrar ilmiy markazi ilmiy muassasalari ishtirok etishi ko‘zda tutilgan.

Pochta manzili: Andijon viloyati, Andijon tumani, Kuygan-yor shaxarchasi, Andijon ko‘chasi 36. Don va dukkakli ekinlar ilmiy-tadqiqot instituti. Tel: (374) 373-12-05. Elektron pochta: ddeiti-19@mail.ru

Xalqaro ilmiy-amaliy konferensiyasida ishtirok etuvchilarning ilmiy maqolalari quyidagi talablar asosida qabul qilinadi:

1. Ilmiy maqolalar matni o‘zbek (Lotin alifbosida), qoraqalpoq, rus, ingliz, qozoq, tojik tillarida qabul qilinadi va materiallar 3 betdan kam va 6 betdan oshmasligi lozim. Anjuman ishtirokchisi anketasi to‘ldiriladi (1-ilova).

2. Ilmiy maqolalar A4 o‘lchamdagi qog‘ozda, qator oralari 1,5 interval, 14 shriftda, chap, o‘ng, yuqori va pastki chegaralari mos ravishda 30, 15, 20 va 20 mm bo‘lishi lozim. Ilmiy maqolalar mavzusi, kalit so‘zlar, annotatsiyasi o‘zbek, rus va ingliz tillarida keltirilishi shart

3. Chap chegaradan katta harflar bilan 1 intervalda maqola nomi, 3 interval pastdan kichik harflarda muallifning familiyasi, ismi va otasining ismi, ish joyi yozilsin.

4. Ilmiy maqola va tezislarda keltirilgan ma’lumotlarga muallifning shaxsan o‘zi javobgar bo‘ladi.

5. Yuqoridagi talablarga javob bermagan maqola va tezislar chop etilmaydi.

6. Ilmiy maqolaning elektron varianti WindowsXP (Microsoft Word, RTF shaklida) dasturida Times New Roman redaktorida yozilgan holda va skaner qilingan (PDF) xolatda maqolaga ilova qilib ddeiti-19@mail.ru manziliga 27 aprel kuniga qadar jo‘natiladi. Elektron variantda bitta faylda faqat bitta material bo‘lishi kerak. Elektron variantdagi faylning nomi bosh muallifning familiyasi va sho‘ba raqamidan iborat bo‘lishi kerak. Masalan: Yusupov A. 2-sho‘ba.rtf

Murojat uchun tel: (374) 373-12-05, telegramm 99-790-80-04:

Maqsad va vazifalari

Xalqaro konferensiyaning maqsadi; Global iqlim o‘zgarishlariga chidamli, don hosildorligi va sifati yuqori bo‘lgan boshoqli don, dukkakli, moyli, ozuqa ekinlarni seleksiyasi, urug‘chiligi va yetishtirish agrotexnikasi bo‘yicha ilmiy yangiliklarni namoyish etish, boshoqli don, dukkakli, moyli, ozuqa ekinlarni mahalliy sharoitlarda yaratilgan va xorijiy yangi navlar maxsuldorligini aniqlash, chetdan kelitirilib introduksiya qilingan ekinlari navlarning istiqbollari, mahalliy va chetdan keltirilgan ekinlarni resurstejamkor yetishtirish texnologiyasini ishlab chiqish, boshoqli don, dukkakli, moyli, ozuqa ekinlarni mahsulot sifatini oshirish va yuqori hosildorlikka erishish bo‘yicha mahalliy va chet el tajribalarini o‘rganish.

Vazifalari:

a) Intensiv texnologiyalar asosida don hosildorligi va sifati yuqori bo‘lgan boshoqli don, dukkakli, moyli, yem-xashak ekinlarni parvarishlash, joriy qilish, yalpi hosil xajmi va sifatini ilmiy jixatdan oshirish bo‘yicha maxalliy va chet el tajribalari bo‘yicha ilmiy yangiliklari taqdimot etiladi;

b) institutning “Markaziy” dala tajriba maydonlarida tashkil etilgan ko‘rgazmali ko‘chatzordagi mahalliy va chetdan keltirilgan boshoqli don, dukkakli, moyli, ozuqa, noan’anaviy ekinlarni yangi yaratilgan nav va namunalari bilan tanishtiriladi;

v) global iqlim o‘zgarishlariga chidamli, kasallik va xasharotlarga bordoshli, hosildor va don sifat ko‘rsatkichlari yuqori bo‘lgan boshoqli don, dukkakli, moyli, ozuqa ekinlarining yangi navlarini yaratishda xalqaro markazlar va xorijiy hamkor ilmiy-tadqiqot institutlari bilan hamkorlikda tadqiqotlar o‘tkazish;

g) yangi yaratilgan boshoqli don, dukkakli, moyli, ozuqa, noan’anaviy ekinlari navlarning birlamchi urug‘chilik tizimini nav originatorlari yoki vakolatli ilmiy muassasalarda amalga oshirish, tizimni takomillashtirish borasida amaliy ishlar tashkil etish;

d) boshoqli don, dukkakli, moyli, ozuqa, noan’anaviy ekinlaridan yuqori va sifatli hosil olishda ilg‘or va resurstejamkor yangi texnologiyalarni ishlab chiqish bo‘yicha ilmiy izlanishlarni chuqurlashtirish;

Muhokama qilinadigan masalalar


Anjuman statusi	Xalqaro
Mas'ul tashkilot	Don va dukkakli ekinlar ilmiy tadqiqot instituti
Yo'nalishi	Qishloq va suv xo'jaligi
Anjuman shakli	Anjuman
Viloyat	Andijon
Shahar(Tuman)	Andijon shahri
Manzil
Aloqa