Kognitiv va neyropedagogik tadqiqotlarning ta’lim amaliyotiga tatbig'i

	*SAMARQAND VILOYATI PEDAGOGLARNI YANGI METODIKALARGA O‘RGATISH MILLIY MARKAZI*
	ROSSIYA DAVLAT KASBIY-PEDAGOGIKA UNIVERSITETI (ROSSIYA)
	*O‘ZBEKISTON RESPUBLIKASI FANLAR AKADEMIYASI O‘ZBEKISTON TARIXI DAVLAT MUZEYI*
	SHAROF RASHIDOV NOMIDAGI SAMARQAND DAVLAT UNIVERSITETI KATTAQO‘RGʻON FILIALI

AXBOROT XATI

О‘zbekiston Respublikasi Oliy ta’lim, fan va innovatsiyalar vazirining 2024-yil 18-yanvardagi 16-son buyrug‘i bilan tasdiqlangan “Xalqaro va respublika miqyosida o‘tkaziladigan ilmiy-texnik tadbirlar rejasi”ga muvofiq ilg‘or ish tajribalarni o‘rganish, to‘plash va amaliyotga keng joriy etish, o‘qituvchilarni uzluksiz kasbiy rivojlantirish maqsadida Samarqand viloyati pedagoglarni yangi metodikalarga o‘rgatish milliy markazida “Kognitiv va neyropedagogik tadqiqotlarning ta’lim amaliyotiga tatbig‘i” mavzusidagi xalqaro ilmiy-amaliy anjuman bo‘lib o‘tadi.

Konferensiyani o‘tkazish joyi hamda vaqti: Samarqand viloyati pedagoglarni yangi metodikalarga o‘rgatish milliy markazi konferensiyalar zali (konferensiya onlayn va oflayn tarzda tashkil etiladi), 2024-yil 14-iyun.

Konferensiya ishi quyidagi sho‘balarda olib boriladi:

1. Kognitiv va neyropedagogik tadqiqotlar natijalarini ta’lim amaliyotida qo‘llash imkoniyatlari

2. XXI asr ta’limining dolzarb masalalari: hayot davomida o‘qish, sun’iy intellekt, “Yashil shahar”, ta’limni raqamlashtirish va kompetensiyalarni rivojlantirish.

3. Inklyuziv ta’limni ommalashtirish: pedagogik, psixologik, motivatsion, innovatsion, integrativ va b. omillar

4. Muammoga, shaxsga, loyihaga, tadqiqot, amaliyot va natijaga asoslangan zamonaviy o‘qitishga doir ilmiy-metodik tajribalar.

5. Shaxsning intellektual, ijtimoiy, ma’naviy, hissiy rivojlanganligining pedagogik-psixologik xususiyatlari.

6. Madaniyat, san’at va kitobxonlik pedagogikasini rivojlantirish – shaxsdagi kreativlik, kognitivlikning namoyon bo‘lish omili sifatida

KONFERENSIYA TO‘PLAMINING AFZALLIKLARI:

Konferensiya sho‘balari uzluksiz ta’limning barcha turlariga mos keladi va elektron to‘plam mutlaqo bepul taqdim etiladi.

Konferensiya “Fan, ta’lim va amaliyot integratsiyasi” (SJIF: 6.9) respublika ilmiy-metodik jurnali bilan hamkorlikda o‘tkaziladi va elektron to‘plam jurnalning xalqaro elektron platformasiga joylashtiriladi.

Konferensiya to‘plami Google Scholar xalqaro ilmiy-akademik saytida indekslanadi.

Konferensiya ishtirokchilari: konferensiyada qatnashish uchun yosh olimlar, mutaxassislar, magistrantlar, doktorantlar, professor-o‘qituvchilar, xalqaro ekspertlar va turli soha vakillari taklif etiladi.

Maqolaning asosiy (keyingi) mazmuniga qo‘yiladigan talablar:

- muallifning F.I.O (to‘liq), o‘qish yoki ish joyi (to‘liq), elektron pochtasi va telefon raqami satrning o‘ng tomonidan yoziladi;

- maqola (yoki tezis) konferensiya sho‘balariga mos kelishi, unda dolzarb ilmiy muammo ko‘tarilishi, taklif etilayotgan g‘oyalarning mazmuni, nazariy va amaliy ahamiyati aniq yoritib berilishi va yakunlangan bo‘lishi lozim;

- maqola(yoki tezis)ning mazmuni, keltirilgan ma’lumotlar va ularning ilmiy asoslanishi, stilistik, orfografik xatoliklar hamda manbalarning ishonchliligi uchun mualliflar mas’uldirlar;

- maqola (yoki tezis) matnida turli qisqartmalardan foydalanmaslik (zarur hollarda ularning yoyilmasi matnda keltirilishi lozim), matn va jadvallarni tahrirlashga taqiq qo‘ymaslik tavsiya qilinadi.

Maqolani rasmiylashtirishga qo‘yiladigan talablar:

- matnlar Microsoft Word matn muharriri yordamida, Times New Roman shriftida, 14 o‘lchamda, 1,5 intervalda, yuqori va pastdan 2 sm, o‘ngdan 1,5 va chapdan 3 sm qoldirilgan holda tayyorlanadi.

- matn sarlavhasining ost qismida muallif(lar)ning ismi, sharifi va familiyasi, ish joyi ko‘rsatiladi hamda maqolaning annotatsiyasi(4-5 qator), kalit so‘zlar (5-6 ta) va asosiy matn keltiriladi;

- foydalanilgan adabiyotlar ro‘yxati matn so‘ngida beriladi (masalan: Nishanov M.N. O‘qituvchilar malakasini oshirish ishlari. – T.: “O‘qituvchi”, 1988. – 96 b.);

- maqola va tezislar o‘zbek, rus va ingliz tillarida, elektron variantda, A 4 formatda va 3 betdan (oxirgi sahifaning to‘liqligi 75% dan) kam bo‘lmasligi lozim;

- maqolalar 2024-yilning 8-iyun sanasigacha qabul qilinadi.

Qabul qilingan maqolalar ekspertlar guruhi tahriridan so‘ng, maqola va tezis mualliflari uchun to‘plam (konferensiya materiallari) elektron (pdf) ko‘rinishida (onlayn tarzda) yuboriladi.

Manzil: 703030, Samarqand shahar, Hasan Obiddinov ko‘chasi, 7-uy.

Murojaat uchun telefon raqamlar:

(+99897) 917-22-57 – O‘tkir O‘tanov,

(+99893) 341-31-85 – Kamola Oqilova,

(+99897) 286-14-20 – Anvar Xurramov,

(+99897) 931-87-11 – Jamshid Xudoyqulov,

(+99893) 835-99-00 – Farrux Mansurov.

Axborot xati va konferensiya haqidagi qo‘shimcha ma’lumotlar markazning rasmiy www.sammoi.uz sayti va sammohm telegram kanalida beriladi.


Anjuman statusi	Xalqaro
Mas'ul tashkilot	Samarqand viloyati pedagoglarni yangi metodikalarga oʻrgatish milliy markazi
Yo'nalishi	Fan va ta'lim
Anjuman shakli	Anjuman
Viloyat	Samarqand viloyati
Shahar(Tuman)	Samarqand shahri
Manzil	Manzil: 703030, Samarqand shahar, Hasan Obiddinov ko‘chasi, 7-uy.
Aloqa	+998973957116

Axborot xati

Maqsad va vazifalari

Muhokama qilinadigan masalalar