Innovatsion ta’lim texnologiyalari asosida shaxsni o’z-o’zini personallashtirishni takomillashtirish.

OLIY TA’LIM, FAN VA INNOVATSIYALAR VAZIRLIGI

SHAHRISABZ DAVLAT PEDAGOGIKA INSTITUTINING AXBOROT XATI

O‘zbekiston Respublikasi Oliy ta’lim, fan va innovatsiyalar vazirligining 2024-yil 20-martdagi 76-sonli buyrug‘iga muvofiq, Shahrisabz davlat pedagogika institutida 2024-yil 22-may kuni «Innovatsion ta’lim texnologiyalari asosida shaxsni o‘z-o‘zini personallashtirishni takomillashtirish» mavzusida respublika miqyosida ilmiy-amaliy konferensiyasi o‘tkazilishini ma’lum qilamiz..

Konferensiyada quyidagi yo‘nalishlar bo‘yicha sho‘balar tashkil qilinishi rejalashtirilgan:

1. Ta’lim tizimida pedagoglar va ta`lim oluvchilarning o‘z-o‘zini personallashtirishda zamonaviy ta’lim texnologiyalaridan foydaslanish.

2. Maktabgacha ta’limning taraqqiyot tendensiyalari va innovatsiyalari.

3. Pedagoglarning kasbiy professionalligini oshirish.

4. Ta’limda ilg‘or xorijiy tajribalardan foydalanish imkoniyatlari.

Konferensiyaning rasmiy tili: o‘zbek, rus, ingliz tillari.

Konferensiyada xorijlik mutaxassislar, Respublika muzeylari xodimlari, OTM vakillari, talabalar, tadqiqotchilar, doktorantlar, xalq ta’limi xodimlari ishtirok etishlari mumkin. Konferensiyaga ishtirok etuvchilar o‘z maqolalarini 2024-yil 5-mayga qadar yuborishlari so‘raladi.

Anjuman materiallarini rasmiylashtirish qoidalari:

1. Konferensiya materiallari elektron shaklda MS Word-2003, 2007 (doc, docx) formatida, shrift Times New Roman 14 kegl, abzas 1 sm, satrlar oralig‘i 1 interval, sahifalar chapdan 3 sm, pastdan va yuqoridan 2 sm, o‘ngdan 1,5 sm qoldirilgan holda bo‘lishi kerak.

2. Maqola 5 sahifa, tezis 3 sahifadan kam bo‘lmasligi lozim. Maqola nomi 12 ta so‘zdan ortiq bo‘lmasligi; muallif ma’lumotlari maqola nomidan so‘ng bir interval pastda, sahifaning o‘ng chetida qalin harflarda berilishi, annotatsiya (o‘zbek va ingliz tillarida), annotatsiyadan so‘ng 5-7 ta kalit so‘z keltirilishi, ikki interval pastda maqola matni berilishi kerak.

3. Muallif haqida ma’lumotlar: maqola sarlavhasidan 1 interval pastda muallifning familiyasi, ismi, otasining ismi, ilmiy darajasi, unvoni, tashkilot nomi va elektron manzili ko‘rsatilishi lozim.

4. Havola (snoska) lar va foydalanilgan adabiyotlarning berilish tartibi: manba havolasi to‘rtburchak qavs ichida, manba muallifi familiyasi, nashr yili va sahifasi ko‘rsatilgan tartibda beriladi. Namuna: [Ahmedov, 2002: 96]. Foydalanilgan adabiyotlar ro‘yxati muallifning familiyasi va ismi, manba, nashr joyi, nashriyoti, yili, sahifa alifbo tartibi tarzida maqolaning oxirgi sahifasida beriladi.

5. Konferensiya to‘plamiga maqola va tezislar uchun badal puli 25000 (yigirma besh ming) so‘m (har bir sahifa uchun) miqdorida to‘lanadi. To‘lov naqd yoki plastik karta orqali pul o‘tkazish shaklida qabul qilinadi. +99891 810 8048 telefon raqamlariga to‘lov pulining to‘langanligi aytilishi lozim.

Maqolalar quyidagi telegram manzilida qabul qilinadi:

(+99894) 527-70-72

(+99891)810-80-48

Klik tizimi orqali to‘lov

5614 6827 1586 1243 (Rahmonova Dilafruz)

Eslatma. Tashkiliy qo‘mita ilmiy maqola va tezislarni tanlab olish huquqiga ega. Tahrirdan o‘tgan, nashrga tavsiya etilgan ilmiy maqola va tezislar elektron to‘plamga kiritiladi.

Konferensiya tashkiliy qo‘mitasi: Qashqadaryo viloyati, Shahrisabz shahri, Shahrisabz ko‘chasi 10-uy. Shahrisabz davlat pedagogika instituti.

Manzil: Shahrisabz shahar, Shahrisabz ko‘chasi 10-uy, Shahrisabz davlat pedagogika instituti.


Anjuman statusi	Respublika
Mas'ul tashkilot	Shahrisabz davlat pedagogika instituti
Yo'nalishi	Fan va ta'lim
Anjuman shakli	Anjuman
Viloyat	Qashqadaryo viloyati
Shahar(Tuman)	Shahrisabz tumani
Manzil	Shahrisabz shahar, Shahrisabz ko‘chasi 10-uy, Shahrisabz davlat pedagogika instituti.
Aloqa	(+99894) 527-70-72

Axborot xati

Maqsad va vazifalari

Muhokama qilinadigan masalalar