Axborot xati Maqsad va vazifalari Muhokama qilinadigan masalalar

Axborot xati

Denov tadbirkorlik va pedagogika instituti Jismoniy tarbiya va sport kafedrasi tomonidan 2024-yil 23-noyabr kuni “Zamonaviy sharoitda jismoniy tarbiya va sportning inson salomatligini saqlashdagi o‘rni” mavzusida Respublika miqyosidagi ilmiy-amaliy anjuman o‘tkaziladi.

Shu munosabat bilan Siz rahbarlik qilayotgan ta‘lim muassasasi professor-o‘qituvchilari, ilmiy xodim va mustaqil izlanuvchilari, doktorantlar, magistrantlar, talablar hamda soha mutaxassislarini anjumanda o‘z ma’ruzalari bilan ishtirok etishga taklif etamiz.

Maqsad va vazifalari

Jismoniy tarbiya va sport sohasida amalga oshirilayotgan islohatlarning pedagogik asoslarini takomillashtirish, chuqur bilimli, jismonan sog’lom, ma’nan yetuk- barkamol avlod tarbiyasi yo‘lida olib borilayotgan ishlar samaradorligini oshirish, yoshlar orasida jismoniy madaniyatni yanada rivojlantirish, sohadagi targ‘ibot va tashviqot ishlarini amalga oshirish, yoshlarning jismoniy tarbiya va sport bilan doimiy shug‘ullanishlarida faolligini oshirish orqali inson salomatligini saqlashga erishishning dolzarb masalalarini muhokama qilishga bag‘ishlangan bo‘lib, anjumanda erishilgan soha yangiliklarini ilm-fanga va o‘quv jarayoniga tadbiq etish bo‘yicha xulosa hamda takliflar tayyorlanadi.

Muhokama qilinadigan masalalar

1-sho‘ba: Jismoniy tarbiya va sportni raqamlashtirishning zamonaviy tendentsiyalari;

2-sho‘ba: Professional va oliy ta’lim muassasalari talaba-yoshlarining salomatligini saqlashda jismoniy tarbiya va sport mashg‘ulotlarini tashkil etishning pedagogik asoslari;

3-sho‘ba: Maktabgacha ta’lim muassasalarida bolalarning jismoniy rivojlantirishida jismoniy tarbiya va sportning ahamiyati;

4-sho’ba: Yoshlarda jismoniy tarbiya va sport orqali ijtimoiy faollikni shakllantirishning zamonaviy muammolari.


Anjuman statusi	Respublika
Mas'ul tashkilot	Denov tadbirkorlik va pedagogika instituti
Yo'nalishi	Fan va ta'lim
Anjuman shakli	Anjuman
Viloyat	Surxandaryo viloyati
Shahar(Tuman)	Denov tumani
Manzil	Surxondaryo viloyati, Denov tumani “Qo‘zichoqli” MFY, Bog‘ ko‘chasi 112-uy manzilida joylashgan. (manzilning eski nomi Gulira’no ko‘chasi 1-A uy)
Aloqa	+998937606545