Axborot xati Maqsad va vazifalari Muhokama qilinadigan masalalar

Axborot xati

AXBOROT XATI

2024 yil 15-may kuni Samarqand iqtisodiyot va servis institutida “Buxgalteriya

hisobi va audit: Moliyaviy hisobotning xalqaro standartlariga muvofiqlashtirish,

raqamlashtirish va taraqqiy ettirish masalalari” mavzusida respublika

ilmiy-amaliy anjumani o‘tkaziladi.

ANJUMANDA KO‘RILADIGAN MASALALAR:

1. Moliyaviy hisobotning xalqaro standartlari asosida korxonalarda

aktivlar, majburiyatlar, xususiy kapital, daromadlar va xarajatlarni tan olish va

baholash hamda moliyaviy hisobot masalalari;

2. Innovatsion iqtisodiyot sharoitida auditni xalqaro standartlar asosida

tashkil etish va o‘tkazishning tashkiliy dastaklari hamda metodologik masalalari;

3. Iqtisodiyotni raqamlashtirish sharoitida xizmat ko‘rsatish tarmoqlari

iqtisodiyotini rivojlantirish hamda iqtisodiy tahlil, marketing va menejmentni

xalqaro standartlar asosida takomillashtirish;

4. Innovatsion iqtisodiyot sharoitida moliya, sug‘urta, soliqqa tortish,

investitsiya va bank sohalarini xalqaro standartlar asosida tashkil etish va

rivojlantirish masalalari

Anjuman tili: o‘zbek, rus va ingliz tillari.

Anjuman qatnashchilari: Anjumanga professor-o‘qituvchilar, doktorantlar,

tayanch doktorantura izlanuvchilari, stajyor-tadqiqotchilar, magistrantlar, talabalar va

soha mutaxassislari ishtirok etishlari mumkin. Anjuman materiallari chop etiladi va

konferensiyaga ishtirok etgan mualliflarga 1 nusxadan bepul yoki elektron shakl

tarqatiladi.

Ma’ruza matnlarini rasmiylashtirish bo‘yicha talablar:

· ma’ruza matnlari Times New Roman shriftida hamda 14 o‘lchamdagi shriftda

1 intervaldan, 3-5 varaq hajmda yozilgan va tahrir qilingan bo‘lishi lozim;

· ma’ruzaning oxirida alohida ilmiy-nazariy ahamiyatga molik taklif va

tavsiya berilishi shart;

· matni joylashtirishda sahifaning chegaralari: yuqoridan – 2,5 sm., pastdan

– 2,5 sm., o‘ngdan – 2,5 sm., chapdan – 2,5 sm., o‘lchamda belgilanadi;

· ma’ruzalar tezislari 1 nusxa qog‘ozda va elektron variantda RTF formatida

taqdim etiladi;

· ma’ruza mavzusining yuqorisida muallifning ismi, sharifi, lavozimi,

ilmiy darajasi va unvoni, ish joyi, telefon va elektron manzili to‘liq ko‘rsatilishi

kerak.

· Maqolalar annotatsiya, kalit so‘zlar, foydalanilgan adabiyotlardan tarkib

topadi.

Mualliflik badali: to‘plamni nashr qilish, anjumanni tashkil qilish bilan

bog‘liq xarajatlarni qoplash uchun har bir bet maqolaga 20,0 ming so‘m belgilangan.

Muddat: ma’ruzalar 2024 yilning 1-mayga qadar qabul qilinadi va anjumanga

qadar chop etiladi.

Eslatma: Mualliflar tomonidan maqola anjumanning qaysi yo‘nalishiga

mo‘ljallanganligi aniq ko‘rsatilishi lozim. Tegishli talablarga javob bermaydigan,

ilmiy-amaliy tavsiyaga ega bo‘lmagan va kechikib topshirilgan ishlar anjuman

materiallariga kiritilmaydi va muallifga qaytarilmaydi. To‘lov amalga oshirilgandan

so‘ng to‘lov amalga oshirilganligini tasdiqlovchi xujjatning elektron nusxasini ma’sul

mutaxassisga taqdim etish so‘raladi.

Bog‘lanish uchun telefonlar: Djumaeva Go‘zal +998 915254005 (Telegram)

E-mail: Guzal_Axtamovna @mail.ru

To‘lov plastik raqami: 9860 1201 5221 1195 Djumaeva Go‘zal

Maqsad va vazifalari

Maqsadi: Turli soha tarmoqlarida, jumladan aksiyadorlik jamiyatlari, tijorat banklari, mas’uliyati cheklangan jamiyatlarida va boshqa biznes sub’ektlarida buxgalteriya hisobini Moliyaviy hisobotning xalqaro standartlari (MHXS), auditni Auditorlik faoliyatining xalqaro standartlari (AFXS) asosida tashkil etish, raqamlashtirish hamda jadal taraqqiy ettirish masalalarini hal qilish, bu muammolar yechimini ko‘rsatib berish hamda metodologik ahamiyatga molik taklif va tavsiyalar ishlab chiqish.

Vazifalari:

- biznes sub’ektlari, jumladan aksiyadorlik jamiyatlari, tijorat banklari va boshqa mas’uliyati cheklangan jamiyatlarda buxgalteriya hisobini MHXS, auditni AFXSlari asosida tashkil etishning hozirgi holati, muammolarini aniqlash va jadallashtirish yo‘nalishlarini belgilash;

- biznes sub’ektlarida MHXS asosida aktivlar, majburiyatlar, daromad va xarajatlarni tan olish, baholash va hisobda aks ettirishning metodologiyasini takomillashtirish bo‘yicha taklif va tavsiyalar ishlab chiqish;

- biznes sub’ektlarida MHXSlari asosida moliyaviy hisobotni tuzish, taqdim etish, tahlil etish uslubiyotini takomillashtirish;

- korxonalarda investitsiyalar, korxonalarning birlashishi, moliyaviy hisobot konsolidatsiyasining nazariy va uslubiy jihatlarini takomillashtirish;

- biznes sub’ektlarida MHXS va AFXS asosida auditorlik tekshiruvidan o‘tkazish uslubiyatini takomillashtirish;

- korporativ boshqaruv tizimidagi tarmoqlari sub’ektlari faoliyati samaradorligining eng muhim ko‘rsatkichlari tahlili ularni MHXS yaxlit uyg‘unligini ta’minlash hamda ularga auditorlik bahosini berish tartiblarini takomillashtirish, bu borada ilg‘or xalqaro tajribalarni milliy hisob tizimimizda samarali foydalanish imkoniyatlarini aniqlash;

- buxgalteriya hisobi, iqtisodiy tahlil va auditni raqamlashtirish, jadal taraqqiy etish omillarini tahlil qilish.

Muhokama qilinadigan masalalar

5. Muhokama qilinadigan muammolar.

5.1. xo‘jalik yurituvchi sub’ektlar faoliyatida buxgalteriya hisobini MHXS va auditni AFXS asosida tashkil etishning nazariy, amaliy hamda metodologik muammolari.

5.2. biznes sub’ektlarida aktivlar, majburyatlar, daromad va xarajatlarni MHXSlari asosida tan olish, baholash, hisobda aks ettirish hamda moliyaviy hisobotning uslubiyotini takomillashtirish;

5.3. xo‘jalik yurituvchi sub’ektlar faoliyatini MHXS va AFXS asosida auditorlik tekshiruvidan o‘tkazish uslubiyatini takomillashtirish;

5.3. xo‘jalik yurituvchi sub’ektlar faoliyati buxgalteriya hisobi, hisobotini milliy standartlarini MHXS muvofiqlashtirish;

5.4. xo‘jalik yurituvchi sub’ektlarda moliyaviy hisobotni MHXSlari asosida iqtisodiy tahlil qilish metodologiyasini takomillashtirish;

5.5. buxgalteriya hisobini raqamlashtirish, jumladan MHXS asosida dasturlarni joriy etishni jadallashtirish;

5.6. “Buxgalteriya hisobi va” ta’lim yo‘nalishi hamda “Buxgalteriya hisobi” va “Audit” mutaxassisliklari bo‘yicha raqobatbardosh kadrlarni tayyorlashni takomillashtirish masalalari.


Anjuman statusi	Respublika
Mas'ul tashkilot	Samarqand iqtisodiyot va servis instituti
Yo'nalishi	Iqtisodiyot, davlat va jamiyat qurilishi
Anjuman shakli	Anjuman
Viloyat	Samarqand viloyati
Shahar(Tuman)	Samarqand shahri
Manzil	Samarqand viloyati Samarqand shahar Amir Temur ko'chasi 9-uy
Aloqa	Джумаева Гўзал +998 91-525-40-05

Buxgalteriya hisobi va audit: Moliyaviy hisobotning xalqaro standartlariga muvofiqlashtirish, raqamlashtirish va taraqqiy ettirish omillari

Axborot xati

Maqsad va vazifalari

Muhokama qilinadigan masalalar