O‘zbekiston-Koreya: o‘zaro hamkorlikning bugungi kuni va istiqbollari

O‘ZBEKISTON RESPUBLIKASI

OLIY TA’LIM, FAN VA INNOVATSIYALAR VAZIRLIGI

TOSHKENT DAVLAT SHARQSHUNOSLIK UNIVERSITETI

“O‘ZBEKISTON-KOREYA: O‘ZARO HAMKORLIKNING BUGUNGI KUNI VA ISTIQBOLLARI” MAVZUSIDAGI XALQARO

ILMIY ANJUMAN

AXBOROT XATI

O‘zbekiston Respublikasi va Koreya Respublikasi bir qancha sohalarda uzoq muddatli strategik sherikdir. Ikki tomonlama munosabatlar tarixi 1991-yil 30-dekabrda Osiyo-Tinch okeani mintaqasi davlatlari ichida birinchi boʻlib Oʻzbekiston Respublikasi mustaqilligini Janubiy Koreya tomonidan tan olinishi va 1992-yil 29-yanvarda diplomatik munosabatlar oʻrnatilganidan boshlandi. So‘nggi yillarda ikki davlat o‘rtasidagi munosabatlarning siyosat, iqtisodiyot, ta’lim, madaniyat va boshqa sohalarda rivojlanib, tobora kengayib borayotganini guvohi bo‘lyapmiz.

O‘zbekiston Respublikasi Prezidenti Shavkat Mirziyoyevning 2017-yil 22-25-noyabr kunlari Koreya Respublikasiga davlat tashrifi o‘zaro munosabatlarni sifat jihatdan yangi bosqichga ko‘tardi. 2022-yilda O‘zbekiston va Koreya Respublikasi ikki davlat o‘rtasidagi diplomatik munosabatlar o‘rnatilganining 30 yilligini hamda koreys diasporasining O‘zbekistonda istiqomat qilishining 85 yilligini nishonladi. 2023-yilda O‘zbekiston Janubiy Koreya bilan Savdo va investitsiyalarni rag‘batlantirish asosini (TIPF) imzolagan mintaqadagi birinchi va dunyoda yettinchi davlat bo‘ldi.

Ikki davlat o‘rtasidagi siyosiy, savdo-iqtisodiy, moliyaviy-sarmoyaviy, ilmiy-texnikaviy, madaniy-gumanitar, ta’lim va boshqa sohalardagi aloqalarni yanada rivojlantirish istiqbollarini muhokama qilish maqsadida 2024-yil 4-aprel kuni (Toshkent vaqti bilan soat 10.00da, Koreya vaqti bilan soat 14.00da) Toshkent davlat sharqshunoslik universitetida “O‘zbekiston-Koreya: o‘zaro hamkorlikning bugungi kuni va istiqbollari” mavzusida xalqaro ilmiy-amaliy anjuman o‘tkaziladi.

Konferensiya quyidagi sho‘’balarda ish olib boradi:

1. O‘zbekiston va Koreya o‘rtasidagi o‘zaro manfaatli hamkorlik

2. Koreya tarixi va madaniyatini jahon merosi orqali o‘rganish

3. Innovasion iqtisodiyotni shakllantirishning Koreya Respublikasi tajribasi.

4. Til va ta'lim madaniyat chorrahasida

Maqolalar quyidagi talablar bo‘yicha tayyorlangan bo‘lishi kerak:

1. Maqolalar o‘zbek, rus, koreys va ingliz tillarida qabul qilinadi.

2. Maqolaning umumiy hajmi 8-10 bet.

3. Matn formati MS Word dasturida, Times New Roman shriftida, 1,5 interval, 14 kegel (yozma va elektron variantda) topshirilishi shart.

4. Maqola matni tahrir qilingan holda A-4 o‘lchovida, yuqoridan va pastdan 2 sm, chapdan 3 sm, o‘ngdan 1,5 sm joy qoldirilib, rasmiylashtiriladi.

5. Maqolaning tepa qismi o‘rtasida maqolaning nomi bosh harflar bilan to‘q shriftda beriladi. Keyingi qatorning o‘rtasida muallif haqida quyidagi ma’lumotlar ko‘rsatilishi lozim: familiyasi, ismi, otasining ismi, ilmiy darajasi va unvoni, ish joyi (oliy o‘quv yurti nomi, shahar, mamlakat), telefon raqami va elektron manzili kursivda beriladi.

6. Annotatsiya va kalit so‘zlar uch tilda: o‘zbek, rus, ingliz tillarida yoziladi. Annotatsiya hajmi masofalarsiz 250 belgidan oshmasligi kerak. Kalit so‘zlar: 5-6 ta so‘z.

7. Qabul qilingan materiallar anjuman materiallari to‘plami sifatida nashr qilinadi.

8. Har bir maqola uchun elektron DOI olinadi va ularning har biri Google Scholarga indekslanadi.

9. Anjuman mavzusiga, ilmiy me’yorlarga va texnik talablarga javob bermaydigan maqolalar qabul qilinmaydi.

10. Ma’ruza matnlari 2024-yil 1-martga qadar qabul qilinadi. Ma’ruza matnlari quyidagi tartibda shakllantirilishi lozim:

- Annotatsiya, tayanch so’zlar

- Kirish

- Asosiy qism

- Xulosa

- Adabiyotlar

Maqolalar anjuman yo‘nalishlariga oid dolzarb mavzularda, ilmiy tahlil va tugallangan fikrlar asosida, amaliy tavsiyalar bilan taqdim etilishi lozim.

Maqolalar 2024-yil 1-martiga qadar TDSHU Koreyashunoslik fakulteti Koreya tarixi, madaniyati, siyosati va iqtisodiyoti kafedrasida qabul qilinadi. Maqolalarning elektron nusxasini departmentkorean@gmail.com elektron manziliga yoki @abbasovadilfuza va @Orientalist_N telegram akkauntiga jo‘natish lozim.


Anjuman statusi	Xalqaro
Mas'ul tashkilot	Toshkent davlat sharqshunoslik universiteti
Yo'nalishi	Fan va ta'lim
Anjuman shakli	Anjuman
Viloyat	Toshkent shahri
Shahar(Tuman)	Mirobod tumani
Manzil	Toshkent shahri, Amir Temur ko‘chasi 20
Aloqa	@abbasovadilfuza va @Orientalist_N

Axborot xati

Maqsad va vazifalari

Muhokama qilinadigan masalalar