VAZIR: BU YILGI FAOLIYATIMIZNING MAQSADI — SIFATLI TA’LIMGA ERISHISH
9-fevral kuni Oliy ta’lim, fan va innovatsiyalar vazirligi apparat kengashining navbatdagi yig‘ilishi bo‘lib o‘tdi.
Unda Prezident Shavkat Mirziyoyev raisligida joriy yilning 5-fevral kuni o‘tkazilgan yig‘ilishda belgilangan ustuvor vazifalar, jumladan professional va oliy ta’limda keskin o‘zgarishlar qilish, ta’lim sifatini oshirish, professional va oliy ta’lim muassasalarini ish beruvchilar bilan hamkorligini tashkil qilish choralari hamda ijro intizomini ta’minlash masalalari muhokama qilindi.
Vazir ta’lim sifatini ta’minlashning aniq mexanizmi va bosqichlarini yaratish, “mahalla – maktab – professional ta’lim – akademik litsey – oliygoh – ishlab chiqarish”ni o‘zaro bir biri bilan bog‘lash, uzviyligini ta’minlash, ilm-fanda “xarajat – tadqiqot – mahsulot” zanjirini samarali ishlashi bo‘yicha aniq yechim tayyorlash lozimligini ta’kidladi.