Xalqaro va respublika miqyosidagi ilmiy va ilmiy-texnik tadbirlar rejasi tasdiqlandi
O‘zbekiston Respublikasi Oliy ta’lim, fan va innovatsiyalar vazirligining tegishli buyrug'iga muvofiq, shuningdek, mamlakat ilm-fani nufuzini yanada oshirish va xalqaro ilmiy-texnik hamkorlik ko'lamini kengaytirishga qaratilgan xalqaro va respublika miqyosidagi ilmiy anjumanlar, simpoziumlar, seminarlar va boshqa ilmiy hamda ilmiy-texnik tadbirlarning yuqori ilmiy va tashkiliy-amaliy darajada samarali o'tkazilishini ta'minlash maqsadida:
2024-yilda xalqaro miqyosidagi ilmiy va ilmiy-texnik tadbirlar 1-ilovaga muvofiq o'tkaziladi;
2024-yilda respublika miqyosidagi ilmiy va ilmiy-texnik tadbirlar 2-ilovaga muvofiq o'tkaziladi.
O'tkaziladigan tadbirlarning dasturi mas'ul tashkilotlar tomonidan ishlab chiqiladi va tasdiqlanadi. Tadbirlar yakunlanganidan keyin oʻn kun muddatda tadbirlar ishiga oid hisobot va maʼlumotlar masʼul tashkilotlar tomonidan tadbirlarning natijadorligini baholash va umumlashtirilgan tahliliy hisobotlarni tayyorlash uchun “anjumanlar.uz” maxsus platformasi orqali Innovatsion rivojlanish agentligiga taqdim etiladi.